आपण एक जुनी ब्राउझर आवृत्ती वापरत आहात. कृपया सर्वोत्तम MSN अनुभवासाठी एक समर्थित आवृत्ती वापरा.

सानिया... खेळू नकोस, तू काळी पडशील!

महाराष्ट्र टाइम्स लोगो महाराष्ट्र टाइम्स 04-10-2019
© Times Internet Limited द्वारे प्रदान केलेले

वृत्तसंस्था, नवी दिल्ली

भारतीय महिला टेनिसचा चेहरा आणि दुहेरीतील तज्ज्ञ टेनिसपटू सानिया मिर्झाने गुरुवारी आपल्या बालपणीचा किस्सा सांगितला. एका कार्यक्रमात आठवणींना उजळा देताना सानियाने सांगितलेला हा किस्सा खरेतर गंभीरच आहे. कारण यातून तिला सल्ला देणाऱ्यांची मानसिकता दिसून येते. 'तू खेळणे थांबव, अन्यथा तुझ्याशी लग्न कोण करणार? टेनिस हा मैदानी खेळ आहे. खेळामुळे काळी पडशील अन् तुझे लग्न जमवण्यासाठी संघर्ष करावा लागेल', अशी आठवण सानिया मिर्झाने गुरुवारी सांगितली.

राजधानी दिल्लीतील एका कार्यक्रमासाठी सानियाला प्रमुख पाहुणी म्हणून आमंत्रित करण्यात आले होते. दुहेरी आणि मिश्र दुहेरी अशा टेनिसच्या प्रकारांत प्रत्येकी तीन ग्रँडस्लॅम जेतेपदांची कमाई करणाऱ्या या टेनिसपटूने आपली मते मांडली ती 'महिला आणि नेतृत्व' या विषयावर बोलताना. फक्त दुहेरीतच नव्हे, तर सुरुवातीला एकेरीत खेळतानाही सानियाने जागतिक एकेरीच्या रँकिंगमध्ये २००७मध्ये २७वा क्रमांक पटकावला होता.

'मी आठ वर्षांची असेन तेव्हा असे सल्ले देणारे नातेवाईक, शेजारी मला खूप भेटले. टेनिस हा मैदानी खेळ, त्यामुळे नक्कीच काळी पडशील. ज्यामुळे तुझे लग्न जमताना अडथळे येतील. मला त्या सल्ल्यांचे आश्चर्यच वाटे. मी खूपच लहान होते आणि ते सल्ले देणारे थेट माझ्या लग्नाची चिंता करायचे... एवढ्या लहान मुलीला असे सल्ले देताना त्यांना काहीच वाटत नसे', असे ३२ वर्षांची सानिया म्हणाली. 'मला ही परंपराच रुचत नाही की आपल्याकडे मुलीने फक्त सुंदरच दिसले पाहिजे असा अट्टहास का असतो? बरे बाईचे सौंदर्य म्हणजे फक्त गोरेपण असे बुरसट विचार आपण कधी सोडणार तेदेखील कळत नाही. हे बुरसटलेले विचारच आधी बदलायला हवेत', असे दुहेरीची ४१ डब्ल्यूटीए जेतेपदांची धनी असलेली सानिया नमूद करते.

बघा, कशी दिसायची आधी सानिया मिर्झा

More from Maharashtra Times

महाराष्ट्र टाइम्स
महाराष्ट्र टाइम्स
image beaconimage beaconimage beacon