నా కూతురుకు ఏమీ తెలియ‌దు : సౌర‌వ్ గంగూలీ

హైద‌రాబాద్‌: పౌర‌స‌త్వ స‌వ‌ర‌ణ చ‌ట్టంపై బీసీసీఐ అధ్య‌క్షుడు సౌర‌వ్ గంగూలీ కుమార్తె స‌నా గంగూలీ వివాదంలో ఇర‌క్కుకున్నారు.

© నమస్తే తెలంగాణ ద్వారా అందించబడింది

18 ఏళ్ల స‌నా త‌న ఇన్‌స్టాగ్రామ్‌లో చేసిన పోస్టుపై సౌర‌వ్ స్పందించారు. ఇన్‌స్టాలో త‌న‌ కూతురు చేసిన పోస్టు నిజ‌మైంది కాదు అని గంగూలీ తెలిపారు.

స‌నా ఇన్‌స్టా అకౌంట్‌కు చెందిన ఓ స్నాప్‌షాట్ బుధ‌వారం వైర‌ల్‌గా మారింది. దీంతో సౌర‌వ్ రంగంలోకి దిగాల్సి వ‌చ్చింది. ఆ వైర‌ల్ ఫోటో నిజం కాద‌ని బీసీసీఐ అధ్య‌క్షుడు స్పష్టం చేశారు.

కుశ్వంత్ సింగ్ పుస్త‌కంలోని ఓ వ్యాఖ్యాన్ని ప్ర‌స్తావిస్తూ.. స‌నా త‌న ఇన్‌స్టా అకౌంట్‌లో పోస్టు చేసింది. ఆ కామెంట్ పౌర‌స‌త్వ స‌వ‌ర‌ణ చ‌ట్టానికి వ్య‌తిరేకంగా ఉన్న‌ది.

ద ఎండ్ ఆఫ్ ఇండియా అన్న పుస్త‌కంలో ఉన్న వ్యాఖ్యాన్ని ఆమె ప్ర‌స్తావించింది. అయితే కూతురు చేసిన పొర‌పాటు స‌రిదిద్ధే క్ర‌మంలో గంగూలీ అప్ర‌మ‌త్త‌త ప్ర‌ద‌ర్శించారు.

స‌నాను ఈ వివాదాల నుంచి దూరం ఉంచండి, ఇది నిజ‌మైన పోస్టు కాదు, రాజ‌కీయాల గురించి ఆమెకు తెలిసే వ‌య‌సు కాద‌ని, స‌నాను వ‌దిలేయండి అంటూ సౌర‌వ్ త‌న ట్విట్ట‌ర్‌లో ఓ పోస్టు చేశాడు.

పౌర‌స‌త్వ స‌వ‌ర‌ణ చ‌ట్టానికి వ్య‌తిరేకంగా బెంగాల్‌లో భారీ ఎత్తున్న ఆందోళ‌న‌లు జ‌రుగుతున్న విష‌యం తెలిసిందే. 

Please keep Sana out of all this issues .. this post is not true .. she is too young a girl to know about anything in politics

— Sourav Ganguly (@SGanguly99) December 18, 2019