您使用的是較舊的瀏覽器版本。若要獲得最佳 MSN 體驗,請使用支援的版本

【失婚失業後…】50歲黎海珊重新出發 出街睇戲有男伴!

流動新聞︱娛樂 標誌 流動新聞︱娛樂 19/9/2018 Elaine
圖︰黎海珊曾經歷失婚失業,如今她已重新出發,最近更被拍得有男伴陪行街、睇戲。(fb截圖) © 流動新聞 news.modia.com.hk 圖︰黎海珊曾經歷失婚失業,如今她已重新出發,最近更被拍得有男伴陪行街、睇戲。(fb截圖)

黎海珊曾經做過電視台藝員,參演過《他來自江湖》、《卡拉屋企》等經典劇集;又做過商台、新城等電台嘅DJ。現年50歲的黎海珊曾經歷崎嶇情路,與前夫鄭啟泰有過一段婚姻,5年後因男方「未玩夠」而結束;之後她又經歷新城轉型、大地震,最後面臨失業。最近,黎海珊被傳媒拍得與男伴行街、睇戲,相信佢已經重新出發,迎接更豐盛嘅人生下半場。

素顏現身睇戲 坐男伴車離開

據傳媒拍得之片段,黎海珊素顏現身某大型商場戲院等入場,在旁有新男伴,大家仲有講有笑。睇完戲,黎海珊隨男伴攞車,並由男伴接載她離去;坐在駕駛座旁的黎海珊,一上車就閉目休息,相當自在,似乎都坐慣男伴嘅車。

黎海珊年前做訪問,曾經講過自己係單身,又話自己寧願讀吓書,「至少,書本唔會5年後同我講:『我仲未玩夠㗎,其實。』」其實佢同鄭啟泰結婚前,亦經歷過另一段情傷︰當年演藝學院出身的黎海珊,與同學呂頌賢拍拖,期間呂頌賢去咗亞視拍《大提琴與點三八》,更同女主角萬綺雯拍劇變拍拖!之後,佢先同鄭啟泰拍拖,拍唔夠一年,就喺加拿大閃婚,來得快、去得亦快。期後新城大地震,鄭啟泰都唔肯幫前妻講說話,真係好絕情呀!

離開電台 於公開大學任課程經理

2001年,當黎海珊處理緊離婚時,新城開始大地震同轉型;黎海珊捱到2008年,換來高層一句︰「公司打算重新洗牌,若果留低,人工只得幾千蚊。」黎海珊唯有選擇辭職,當門外記者問及佢嘅未來發展,佢冇諗太多話,就話打算向教育和電影方面發展,結果被公開大學院長知道,就叫佢應徵廣播、演藝有關課程嘅統籌一職,最後,黎海珊成為公開大學課程經理,工作終於有著落。

見到黎海珊從失婚、失業重新出發,有份穩定工作,又似乎衝破情傷,相信佢嘅生活將會更美滿、更開心。

圖︰萬綺雯曾經同呂頌賢拍攝劇集《大提琴與點三八》,更介入埋黎海珊同呂頌賢嘅關係。(資料圖片) © 流動新聞 news.modia.com.hk 圖︰萬綺雯曾經同呂頌賢拍攝劇集《大提琴與點三八》,更介入埋黎海珊同呂頌賢嘅關係。(資料圖片) 圖︰黎海珊近年亦有參演舞台劇。(fb圖片) © 流動新聞 news.modia.com.hk 圖︰黎海珊近年亦有參演舞台劇。(fb圖片)

更多來自 流動新聞︱娛樂 的內容

流動新聞︱娛樂
流動新聞︱娛樂
image beaconimage beaconimage beacon