您使用的是較舊的瀏覽器版本。若要獲得最佳 MSN 體驗,請使用支援的版本

【復工喇!】患第三期癌症停工 Vani喊到眼睛超級腫!

流動新聞︱娛樂 標誌 流動新聞︱娛樂 13/9/2018 Elaine
圖︰雲妮(Vani)昨日(12日)復工,回商台開咪,被大家嘅愛感動,喊到眼睛超級腫!(ig圖片) © 流動新聞 news.modia.com.hk 圖︰雲妮(Vani)昨日(12日)復工,回商台開咪,被大家嘅愛感動,喊到眼睛超級腫!(ig圖片)

於叱吒903主持《雲妮鍾情》節目的商台DJ雲妮(Vani),3月21日突然於社交平台宣布要「無預警的『暫別』903」,仲話呢個係佢「在叱吒903二十五年來第一個重要的『悠長假期』」,指自已會「身心健康的回來」!原來Vani大約半年前發現自己患癌,仲係第三期癌症;佢昨日(12日)復工開咪,亦有在節目談及自己的抗癌經驗,而唔少Fans同好朋友都有送上禮物,為Vani打氣!

「我相信自己可以跨過呢個難關。」

Vani表示,「我覺得自己好幸運,化療期間我滴最後一包藥先覺得痛,但當時我有好堅定嘅信念,我相信嗰段期間發生嘅事都係最好安排,我相信我主診醫生嘅專業,我相信所有藥物都會幫到我,我相信自己可以跨過呢個難關。」不過Vani就唔想大家用「抗癌戰士」形容佢,因有感受之有愧。佢又話︰「要同朋友、自己身體講對唔住,但我同自己講我一定會好返,我唔會死。」

Vani今日(13日)於ig分享她復工一事,見到好多朋友同Fans都送上花、水果等,又有「開咪」蛋糕,並留言指︰「昨晚重返903直播室,獲得前所未有的迴響!現在心情仍然很激動,感到被大量的愛緊緊包圍,無論是來自家人、朋友和聽眾們!謝謝大家。」佢又話,有Collin同麻利返電台陪她開咪,又收到咁多禮物,令她流下了開心嘅眼涙。

由於昨日是哥哥張國榮的生忌,Vani特地預備了特備節目《無忘初心 由零開始》來紀念哥哥。Vani在ig留言又話,「今(13日)早見到ig滿滿的留言,你們如此坦誠把聽節目時的感受告訴我,我又想哭了⋯⋯我已經成為一個超級『喊包』了!哇哈!今晚再聚。」

在Vani抗癌期間,有唔少歌手、名人都有同佢相聚,亦畀咗佢好多鼓勵。

圖︰Vani同林夕(左一)及容祖兒(右一)見面。(ig圖片)

圖︰Vani同林夕(左一)及容祖兒(右一)見面。(ig圖片)
© 流動新聞 news.modia.com.hk

>>>更多《流動新聞》娛樂消息

>>>更多《流動新聞》本地及國際時事

更多來自 流動新聞︱娛樂 的內容

流動新聞︱娛樂
流動新聞︱娛樂
image beaconimage beaconimage beacon