您使用的是較舊的瀏覽器版本。若要獲得最佳 MSN 體驗,請使用支援的版本

【7億投資酒店?】阿叻口中的「橫店富豪」 曾志偉︰買一兩間啦!

流動新聞︱娛樂 標誌 流動新聞︱娛樂 19/9/2018 Elaine
圖︰阿叻(左)話曾志偉(右)喺橫店投資7億開酒店,係「橫店富豪」;志偉就話買一兩間啫。(網上截圖) © 流動新聞 news.modia.com.hk 圖︰阿叻(左)話曾志偉(右)喺橫店投資7億開酒店,係「橫店富豪」;志偉就話買一兩間啫。(網上截圖)

陳百祥(阿叻)於8月港姐競選當晚,大爆曾志偉於橫店投資酒店,仲話志偉投資7億,連同周邊嘅地總值30、40億,係「橫店富豪」!志偉昨日(18日)晚上受訪時,承認有投資酒店,但強調自己只係佔少少股份,買一兩間啦!咁究竟係一兩家酒店,定一兩間酒店房呀?

志偉被封殺? 阿叻︰點封殺幾十億身家嘅老闆

阿叻昨日(18日)下午出席活動,又再講起志偉投資酒店。阿叻先話自己「冇收到」志偉邀請佢去《黃金兄弟》首映禮,「都唔知有冇當我好朋友,發咗達唔理人喇!」談到志偉被TVB封殺一事,阿叻又爆志偉位於橫店嘅酒店就嚟開幕:「點封殺一個有幾十億身家嘅老闆呢?」

講到咁detail,但志偉當晚出席首映時就話:「我今朝特登叮囑製片,話叻哥要親自打電話㗎,你要記住!我頭先再問:『打咗未打咗未?』佢哋話打咗喇。不過你知叻哥不嬲都係咁講㗎喇,佢唔得閒嚟,就會話我冇打㗎喇!」志偉又話︰「叻哥上次話我幾廿億買酒店,同佢俾貼士一樣,係唔可信㗎!」

又話如果自己係「橫店富豪」,「我仲使做咩?我坐喺度啦!」志偉否認指,「梗係唔係啦,打工仔!」至於開酒店一事,志偉就承認此事,但強調只係佔少少股份,「因為橫店我哋拍戲成日都會住,咁買一兩間,朋友拍戲都會住嗰度。」一兩間?志偉話:「係咁上下啫,係咁上下啫!」定係一兩棟?志偉就話:「冇喇冇喇,邊有咁勁吖!」大家又會信邊個呢?

圖︰2018年世界盃間期,曾志偉現身ViuTV,但TVB港姐競選又唔見志偉出現。(ViuTV截圖) © 流動新聞 news.modia.com.hk 圖︰2018年世界盃間期,曾志偉現身ViuTV,但TVB港姐競選又唔見志偉出現。(ViuTV截圖)

更多來自 流動新聞︱娛樂 的內容

流動新聞︱娛樂
流動新聞︱娛樂
image beaconimage beaconimage beacon