您使用的是較舊的瀏覽器版本。若要獲得最佳 MSN 體驗,請使用支援的版本

傅嘉莉拍新劇扮「阿梅」嗌過癮

星島網即時新聞 標誌星島網即時新聞 6/10/2017 星島網即時新聞

傅嘉莉為新劇《特技人》黐頭套騷光頭Look,扮電影《少林足球》中的阿梅。她在新劇中飾演女明星秦臻,造型多多,首次作新嘗試變光頭,忍痛黐頭套,Kelly大表興奮:「好彩我依家短頭髮,不過都要花3個小時去變髮,過程都有啲痛,工作人員都有悉心幫我搽防敏cream,但結果都係成條頸紅晒,我將光頭look放上網,大家都覺好有趣。」Kelly將相放上社交平台share後,不少藝人都讚她造型靚,包括湯洛雯都問她點解光頭都咁靚?

  Kelly從未見過自己沒頭髮的樣子,就連對手關楚耀都讚她「So Handsome」,教Kelly開心不已:「做model嘅時候都有諗過剃光頭影一輯相,相信會幾型,今次竟然喺拍劇時嘗試。有網民叫我返去火星,好搞笑,連媽咪睇完相都話好得意。」

  Kelly指新劇發揮多,過足戲癮:「拍完呢個鏡頭要用45分鐘拆頭套,都有啲痛,但為咗靚都值得嘅!依家終於知道男演員拍清裝嘅辛苦。」 傅嘉莉變「阿梅」,被網民叫佢返火星。 © 星島網即時新聞 傅嘉莉變「阿梅」,被網民叫佢返火星。

image beaconimage beaconimage beacon