您使用的是較舊的瀏覽器版本。若要獲得最佳 MSN 體驗,請使用支援的版本

傳曾志偉幫財困關淑怡 譚詠麟:係佢老竇嘛

都市日報 標誌 都市日報 20/3/2017

關淑怡近年情緒不穩,上星期更因涉嫌襲擊及刑事恐嚇酒店職員被捕,樂壇校長譚詠麟前晚出席活動時就表示冇聯絡對方,但認為她要自己想清楚去路,問到好友曾志偉是否有幫關淑怡解決財政困難,譚詠麟即笑言:「梗係啦,志偉係佢老竇吖嘛!」

曾志偉

曾志偉
© image/jpg

關淑怡(Shirley)早年成為未婚媽媽,曾志偉屢次被指是兒子生父,雖然Shirley幾年前承認「經手人」是不丹活佛寧波車,但前晚老友譚詠麟(阿倫)出活動時都要抽志偉水。本來記者正問他有否留意Shirley被捕的新聞,知否她陷入財困,阿倫說:「佢有咁嘅歌,咁嘅實力,又有咁嘅歌迷,成個珠江三角洲有過億人聽廣東歌,最緊要佢的起心肝去做。」他直言曾經勸Shirley不必太騰雞,最緊要放鬆,但覺得對方不肯去想通,其他人想幫忙都無從入手。

講到有傳志偉出手幫Shirley解決財政困難時,阿倫則「靚抽」老友說:「梗係啦,志偉係佢老竇吖嘛!(聽講佢唔聽志偉電話?)真係?好忙打邊爐呀佢?」有指酒店在Shirley鬧事後截水截電將她趕走,阿倫聽罷十分愕然,並說:「酒店使乜Cut水Cut電?嗌佢走咪得囉,使唔使放煙喺門口攻佢呀?哈哈!」

更多來自 娛樂 的內容

更多都市日報的內容

image beaconimage beaconimage beacon