您使用的是較舊的瀏覽器版本。若要獲得最佳 MSN 體驗,請使用支援的版本

傳無綫棒打鴛鴦 李佳芯感言:要愛得勇敢

NM+ 新Monday 標誌 NM+ 新Monday 11/8/2017 Bokwan Wong

李 佳芯 (Ali)近日在新劇《踩過界》飾演性格開放愛蒲的法官,與張振朗及王浩信有勁多情慾戲。肯搏肯捱唔錫身, 李佳芯 上位在望,唯一阻力應該是相戀兩年的ViuTV主持男友陳炳銓(Danny)。自去年被踢爆拍拖, 李佳芯 為保飯碗一直以退為進,堅稱二人只是了解中的好友關係。這對情侶雖然受到無綫棒打,但 李佳芯 依然愛得義無反顧,與男友感情愈趨穩定,最近二人養了一隻黑狗仔「豆豉」,日前更一家三口在西貢市溫馨出巡。排除萬難都要拖實男友, 李佳芯真愛萬歲!

Source- 東方新地 edit- 呀正

李佳芯 擇偶不求靚仔

李佳芯 擁有天使面孔,陳炳銓在她身旁自然被比下去,但 李佳芯 對這位才華洋溢的男友非常欣賞。對於在新劇中與高大威猛的王浩信拍床上戲, 李佳芯 曾表示擇偶不求靚仔:「男友唔需要有朱古力肌,唔需要有胸肌,亦唔需要靚仔,我覺得靚仔冇本心。」

李佳芯 © 由 NM+ 新Monday 提供 李佳芯

難得拍緊《跨世代》的李佳芯有假放,一家三口去西貢出巡,陳炳銓負責抱狗,李佳芯就拎水樽,對愛犬服侍周到。

© 由 NM+ 新Monday 提供

去年李佳芯勇奪「飛躍女藝人」後受到無綫力捧,今年有多套擔正的劇集出街,包括《律政強人》、《與諜同謀》及《踩過界》,被譽為下一個衝視后的大熱人選。

戀ViuTV主持陳炳銓 李佳芯 宣稱單身

去年本刊影到 李佳芯 與陳炳銓租住西貢村屋同居,戀事被踢爆後, Ali唔敢認男友更對外宣稱仍單身,原來全因當時受到無綫高層施壓,接受訪問亦承認無綫要佢解釋:「公司有問我係咪拍拖,我都有解釋,我明白自己嘅事業剛起步,公司真係畀咗好多機會我,如果我唔珍惜會後悔,我遲入行,知道更加要把握,被影到後我好驚,內心好掙扎,成日覺得只可以喺愛情同事業中二擇其一。」為免戀情成為事業的絆腳石,Ali承諾將戀情進一步密封,更一度搬回柴灣公屋娘家避嫌扮分手。

李佳芯 © 由 NM+ 新Monday 提供 李佳芯 © 由 NM+ 新Monday 提供

李佳芯在《踩過界》中與張振朗及王浩信都有大量床戲,當中與張振朗更是埋身肉搏,飾演豪放女法官的李佳芯唔止有連場激咀,仲有女上男下,甚至黐埋牆任由擺弄。

上位開始企硬 慳住食茶記

李佳芯 唔係拜金港女,男友陳炳銓被指配唔起佢,但佢卻不離不棄,繼續講心唔講金。「女神」被私有化,更有不少宅男叫陳炳銓「放手」,上星期兩人拍拖遊西貢,力證情比金堅打風都打唔甩。當日 李佳芯 與陳炳銓拖住黑狗仔「豆豉」行街,全程只拖狗冇拖手,期間豆豉唔肯行, 又愈來愈多人眼望望, Ali索性叫男友抱起隻狗行。其後二人更在茶餐廳買外賣返清水灣半島愛巢慢慢享用。

李佳芯 © 由 NM+ 新Monday 提供 李佳芯

8月1日下午3點,李佳芯與男友陳炳銓孖住去西貢市放狗,二人新養的黑狗仔「豆豉」好受小朋友歡迎,不時畀人圍住摸摸。

李佳芯 © 由 NM+ 新Monday 提供 李佳芯

西貢市人來人往,李佳芯與男友在茶餐廳門口坐低叫外賣,選擇買返屋企慢慢歎。

李佳芯 © 由 NM+ 新Monday 提供 李佳芯

為免畀人眼望望,李佳芯先行一步返上車等,留低男友與「豆豉」拎外賣。

囝囝豆豉

李佳芯 與陳炳銓共同撫養黑狗仔「豆豉」唔夠一個月,本來與父母同住養貓的Ali ,因為男友是愛狗之人,佢亦愛屋及烏,當「豆豉」仔咁看待。

© 由 NM+ 新Monday 提供 © 由 NM+ 新Monday 提供

李佳芯 感言:要愛得勇敢

雖然男友外表上不及自己,網上更有粉絲反對她倆拍拖,認為他配不起李佳芯。不過亦有粉絲維護這段戀情,只要 李佳芯 喜歡佢哋亦會接受。而曾被公司施壓的  李佳芯 日前在社交網上載高舉V字手勢的相,寫上「Love Bravely」,係咪要高呼愛得勇敢,不畏強權?

© 由 NM+ 新Monday 提供 © 由 NM+ 新Monday 提供

開班教戲 積極拉近距離

女友事業穩步上揚,陳炳銓唔想被拋離,近年都積極發圍,希望與 李佳芯 拉近距離。早前佢成功向ViuTV自薦開拍黑色幽默怪誕劇《賤民20》和警匪劇《Plan B》,自己上陣做主角外,更擔任節目統籌。此外,佢更在曾志偉創辦的兒童教育中心擔任戲劇課程總監,又開演技班教戲,日前見佢與女友到將軍澳厚德商場醫肚後,隨即返教育中心上堂。陳炳銓全靠上進有才,鎖住Ali BB的心,不過要TVB同ViuTV一家親就難啲囉!

© 由 NM+ 新Monday 提供

陳炳銓當日在九龍城的Funtastic Playland逗留了兩個半小時,據知該教育中心由曾志偉創辦,這間去年才開張的九龍城分校,陳炳銓亦有份投資,他更擔任藝術總監一職。

© 由 NM+ 新Monday 提供 © 由 NM+ 新Monday 提供

低調睇話劇

日前 李佳芯 與陳炳銓拍拖去睇世界巡迴的舞台劇「Slava’s Snow Show」,完場後二人分別與俄羅斯丑角大師Slava合照。

© 由 NM+ 新Monday 提供 © 由 NM+ 新Monday 提供

又演邪花 投懷送抱

李佳芯 外表清純卻擅長演邪花角色,依家拍緊的《跨世代》又演打扮性感的十三點,她堅稱自己拍劇可以好open,不過現實生活中對男友就好cool好被動。本刊記者見 李佳芯 與陳豪、森美拍外景,畀森美攬完又要姣電陳豪,佳芯收放自如,呢啲角色真係難佢唔到。

© 由 NM+ 新Monday 提供 © 由 NM+ 新Monday 提供

親民女一

上位後的 李佳芯 依然冇架子,除了與台前幕後相處融洽外,見到本刊記者在場,她一樣好nice打招呼。

© 由 NM+ 新Monday 提供

《同盟》開播 格局酷似《使徒行者》《城寨英雄》到底誰是幕後大佬?

>>>​ LIKE我們fb​ ​

fb.com/newmonday.com.hk

更多來自 娛樂 的內容

更多 NM+ 新Monday 的內容

image beaconimage beaconimage beacon