您使用的是較舊的瀏覽器版本。若要獲得最佳 MSN 體驗,請使用支援的版本

十人陪產團 返圍村派錢 胡杏兒包起百萬生仔費

東方新地 標誌 東方新地 6/10/2017 orientalsunday.hk

預產期在今個月底的胡杏兒,雖然已經停飛待產,但她日日出街繼續周圍騰,日前扮靚靚與老公李乘德(Philip)去影樓影大肚寫真,為第一胎留下最美好的回憶。一直唔肯公開BB性別的杏兒,早前搞了個baby shower,正式宣布陀慈姑椗,老公Philip更開心高呼:「Yes it’s a boy!」肚內BB是李家長子嫡孫,胡杏兒即變皇后,更出錢又出力包起百萬生仔費。據知緊張的杏兒早於懷孕初期已請定兩個有經驗的陪月,再加上老公與奶奶為首的陪產團,為其坐月準備就緒。根據客家人圍村俗例,胡杏兒坐滿月就會抱B返李家祠堂拜祭,到時又會大派利是,萬眾期待的李家小王子,一出世就豪花百萬,揚言要生夠三個的杏兒,難怪要努力搵錢。

撰文:東方新地

圖片來源:新傳媒圖片庫、胡杏兒Facebook 、王祖藍微博

胡杏兒 包起百萬生仔費

大肚無休的胡杏兒,8月初與「胡說八道會」班好姊妹飛去澳洲拍特輯,返港後即籌備自家品牌的秋冬系列時裝展,9月再為內地劇《那年花開月正圓》先後到上海、北京及廣州各地做宣傳,陀住巨肚仍為工作去到盡,拒停工待產仲搞到老公Philip詐晒型,要做跟得老公寸步不離。今個月生得的胡杏兒終於肯停工,不過街就依然照去。

© 由 New Media Group Digital Services Limited 提供

一直唔肯公開BB性別的杏兒, 終於在9月23日搞咗個baby shower,正式宣布陀慈姑椗,其實早在派對舉行前,Philip已忍唔住喺IG晒親朋好友送上嘅 BB衫,當中有唔少波衫同男裝工人褲,變相自爆係男丁。

© 由 New Media Group Digital Services Limited 提供

陀住巨肚未有影響杏兒的活動能力,日前她與孫儷、鄧超兩夫妻、王祖藍、阿Sa等一起吃午飯,並為孫儷慶祝生日。

© 由 New Media Group Digital Services Limited 提供

杏兒與孫儷及何潤東主演的內地劇《那年花開月正圓》,播出短短一星 期已達10億點擊率,累積至今更已衝破72.9億點擊率,杏兒的演出備受 讚賞,未出世的BB認真好腳頭。

分分鐘作動

37歲的胡杏兒為沙頭角圍村老公Philip陀慈姑椗後,奶奶錫到燶不停煲靚湯,老公又當自己是女皇,杏兒陀得開心有意生完即催孕追多兩個,打算順產的她預產期愈近愈緊張,早前公開表示擔心順產會痛到發癲:「都開始有啲驚,因為我想順產,啲人話順產復元得快啲,但我未試過,一生人都未經歷過嗰種痛,唔知自己捱唔捱到,因為朋友都話會痛到發癲、痛到會暈,所以都有啲驚。」事實上,杏兒陀B至今一直控制體重,只重了二十多磅。本刊記者日前直擊腹大便便的杏兒出巡,臨盆在即,腳已開始腫的她要著拖鞋,肚亦重到向下墜,不過面色很好非常靈活。

從女孩到女神 阿Sa出道17年大蛻變!

邱淑貞張敏⋯ 5位你要認識的90年代電影女神

© 由 New Media Group Digital Services Limited 提供

杏兒早前去澳洲拍《胡說八道真情假期》時,由胡定欣操刀影了一輯火辣三點式大肚泳衣照,見她手腳依然纖幼,但上圍澎湃連升幾Cup。

© 由 New Media Group Digital Services Limited 提供

這日杏兒先送老公Philip到中環返工,然後自己去附近做facial及試衫。

© 由 New Media Group Digital Services Limited 提供

重了二十幾磅的杏兒表示有努力控制飲食,所以肥胎不肥人,不過幸福媽媽的雙下巴就避免唔到。

© 由 New Media Group Digital Services Limited 提供

影大肚寫真

9月18日下午,胡杏兒與老公Philip同車由大埔逸瓏灣寓所出發,先送Philip返回中環蘭桂坊的公司,杏兒就去中環做facial扮靚靚,然後入了一幢商業大廈,非常頻撲。據知當日杏兒到訪設計師的辦公室,為影大肚寫真的靚裙試身,離開時本刊記者上前做訪問,杏兒行完十幾級樓梯都冇氣喘,記者問她臨盆在即有沒有感到不適,她說:「冇喎!陀得好好。」現場所見,身穿粉紅色針織連身裙的杏兒上圍升cup,明顯奶水充足,相信等BB出世就可以進行母乳餵哺。

© 由 New Media Group Digital Services Limited 提供 © 由 New Media Group Digital Services Limited 提供

步出自動櫃員機中心,杏兒好瀟灑咁自己行,Philip冇扶老婆但就一臉緊張叫杏兒小心睇車。

© 由 New Media Group Digital Services Limited 提供

Philip做完保鑣做Ironman,見到有架大貨車駛近,他伸直左手企圖截停大貨車 讓杏兒安全過馬路,不過佢七情上面都冇用,司機睬佢都傻。

© 由 New Media Group Digital Services Limited 提供

上周二(9月26日)下午,杏兒在老公Philip陪同下到中環擺花街的自動櫃員機撳錢,Philip保鑣上身𥄫到實,杏兒撳錢後隨手把一大疊五百蚊銀紙塞入牛仔褸袋。

© 由 New Media Group Digital Services Limited 提供

老公化身Ironman

上周二(9月26日)上午,胡杏兒與Philip一齊去位於觀塘的影樓影靚相,本刊記者見他們影完相離開,然後到中環買蛋撻返Philip開的西餐廳慰勞員工。當日負責為杏兒影相的攝影師及化妝師亦先後把合照放上IG,不過只有完工後的大合照,未見杏兒挺住大肚影的寫真。期間杏兒到自動櫃員機中心撳錢,Philip充當保鑣護身,離開時見有記者在場,Philip即伸手作狀想叫停駛至的大貨車,動作非常誇張。杏兒見老公懶緊張反而表現得非常淡定,繼續笑對鏡頭過馬路上車。

© 由 New Media Group Digital Services Limited 提供

影大肚寫真當日,杏兒的御用攝影師與化妝師先後在I G上載合照,後面的布景板以湖水綠為主, 刻上Mr.& Mrs.,可見製作認真。

© 由 New Media Group Digital Services Limited 提供

當日上午, 杏兒與老公Philip一早到位於觀塘的影樓影大肚寫真,離開時有工作人員幫手拎衫落樓,化咗個靚妝的杏兒一支箭標上車,著住對毛毛拖鞋的她腳踝明顯有點腫。

© 由 New Media Group Digital Services Limited 提供

Philip返回在中環開的西餐廳前,到中環有名的餅店買了兩打蛋撻。

© 由 New Media Group Digital Services Limited 提供

老闆娘杏兒御駕親征,負責餐廳保安的外籍保鑣前來迎接,護送杏兒行入餐廳。

親自揀星級陪月

雖然胡杏兒產前周圍飛,但她已為迎接李家金叵羅做足所有準備,知情者透露:「杏兒同Philip都係新手父母,所以一知道有咗,杏兒就周圍問人有冇好陪月介紹,仲同老公一齊逐個面試,最後揀咗兩個星級嘅資深陪月員,之後仲請多個有湊過小朋友嘅外傭,再加埋老爺奶奶拍晒心口話幫手湊B,仲叫埋啲女長輩幫手,杏兒都好放心。話晒係李家第一粒男孫,當然乜都要最好,杏兒搵最好的產科醫生團隊接生,訂定VIP產房,買定坐月要食嘅補品絕不手軟,好似買冬蟲草都用咗六位數字,又幫BB買定教育基金,之後仲話要返圍村祭祖向村民派金牛,未計之後嘅百日宴,已經豪花過百萬。」

© 由 New Media Group Digital Services Limited 提供

Philip是沙頭角禾坑村客家原居民、三代單傳,這次杏兒成功為夫家陀慈 姑椗,囝囝將來會有丁權,出世後亦要抱B返祠堂祭祖。

© 由 New Media Group Digital Services Limited 提供

胡杏兒一班好姊妹除認晒頭做BB契媽外,更約定在杏兒入院當日如果唔使開工就一定做陪產團,不過只限於陪入院在外打氣,剪臍帶入產房的重任就交由Philip負責。老公、雙方父母再加杏兒家姐及一班好姊妹,超過十人的陪產團絕對是史無前例,杏兒個慈姑椗未出世已經咁巴閉,出世後肯定萬千寵愛在一身。

© 由 New Media Group Digital Services Limited 提供

身為胡說八道會之首,杏兒生仔咁大件事,其餘五位姊妹當然好重視,已應承齊齊陪杏兒入院陪產,第一時間與契仔見面。

© 由 New Media Group Digital Services Limited 提供

全文完

更多來自 娛樂 的內容

更多 東方新地 的內容

image beaconimage beaconimage beacon