您使用的是較舊的瀏覽器版本。若要獲得最佳 MSN 體驗,請使用支援的版本

唐詩詠再遇花弗男!揭男友暗瘟厚唇女

東方新地 標誌 東方新地 22/3/2019 東方新地 - 娛聞

曾被封「絕世好女友」的唐詩詠,過去連番遇人不淑受盡情傷,去年再度放盤成功,與32歲「教育界王力宏」Samuel(陳思銘)撻著,被影到食飯搭晒膊頭,年初一又結伴行山,不過唐詩詠謂以往公開戀情都感到壓力而分手收場,今次為保戀情未肯承認Samuel男友身份,二人一月中甜蜜歐遊,感情有增無減,但返港後拍拖見面亦收收埋埋。

最近唐詩詠忙住拍新劇《唐人街》,Samuel大把私人時間,日前見他揸住架Tesla由屯門寓所去港島南區的海怡半島,接了貌似香香(岑麗香)的厚唇女,然後孖住返回銅鑼灣的英識教育學校,放工時二人又前後腳去攞車,Samuel送厚唇女返香閨,期間女方陪食煙時笑住做人肉手機架,行為極似熱戀中的情侶。Samuel年青有為,package極佳,唐詩詠hold唔住,恐怕再一次煲冇米粥。

撰文:東方新地 圖片:新傳媒圖片、Instagram

唐詩詠 再遇花弗男

今年已38歲的唐詩詠,雖然被指是最佳女朋友,但感情路上多波折,被花心渣男崔建邦多次背叛,她仍處處維護男方,年前與洪永城亦分手收場,她歸咎於每次拍拖公開後都受盡壓力,所以沒有好結果。去年遇上「教育界王力宏」,對方細她六年,二人一拍即合,曾被影到飯敍又自放行山照上社交網洩密,不過唐詩詠決意玩地下情,對於被指譜姊弟戀,早前她回應:「最近太忙,再冇時間行山,等劇集拍完,三個月後再開電話,做朋友自然會體諒,我哋係朋友,聽日發生咩事,大家都唔知,一切順其自然,愛情要嚟就會嚟!」可見她否認拍拖又唔想封後門。

© 由 New Media Group Digital Services Limited 提供

年初一行山

踏入豬年大年初一,唐詩詠去咗行山,當日更在IG上載咗幾張靚相,見她一身露腰行山Look笑晒口春風滿面。那邊廂Samuel亦在同日同地點影相,仲打卡 tag「小欖水塘」,雖然二人都係晒獨照,但女方相片中右下角就見到有人舉機拍照嘅影子,被指低調宣告戀情。

© 由 New Media Group Digital Services Limited 提供

唔敢放歐遊照

口講是普通朋友,事實上卻已打得火熱。唐詩詠與Samuel拍拖一年,早已見過家長,去年唐詩詠更到Samuel家姐在觀塘開的餐廳幫襯,做埋生招牌,知情者透露:「Natalie(唐詩詠)想收埋男友,所以每次出街拍拖都好小心,今年一月佢哋去咗法國同意大利旅行,Natalie唔敢放相上社交網,Samuel就照放單人照,過咗兩個月早前Natalie先開始放少少相,兩個扮到唔同時間去旅行,但明眼人一睇就知啦!Samuel開教育學校,成日都出嚟講talk,佢需要知名度,同Natalie拍拖對佢有利而無害,慳番唔少廣告費,不過Natalie點都唔肯制,佢想大家真係有意思向住結婚做目標先公開。」

這晚7時左右,Samuel(陳思銘)步出位於銅鑼灣禮頓道的教育學校,準備過馬路。

© 由 New Media Group Digital Services Limited 提供

措手不及

首次被斷正單獨約會,唐詩詠顯得措手不及,男友Samuel亦好唔自在,不停用手掩鼻。

© 由 New Media Group Digital Services Limited 提供

新車掩人耳目

過到對面酒店門口,Samuel一直望住手機,未幾唐詩詠駕駛其價值78萬的黑色Benz到達,他即趕快上車。

© 由 New Media Group Digital Services Limited 提供 © 由 New Media Group Digital Services Limited 提供

早晚管接送

既然女友唔肯畀名份,Samuel也就可以繼續扮單身筍盤,日前本刊記者見他揸住架紅色Tesla離開屯門寓所,花了約一小時車程去到港島南區的海怡半島,長途跋涉接一名年約二十五貌似香香、厚唇的女子,泊好車後二人孖住行入Samuel在銅鑼灣開的英識教育學校。身為學校創辦人的Samuel,日日勤力返工,當日做足十小時才放工,晚上8時左右,見他急急腳去攞車,而該名厚唇女原來已早一步到達,見擋風玻璃上攝了一張違例罰票,厚唇女伸手去攞,看了一眼才交給Samuel,接過手後他只瞄了兩秒,完全不當一回事。之後Samuel倚車點煙,厚唇女陪伴在側,仲擔當人肉手機架,為Samuel拎住手機讓他傾電話,而其時Samuel兩手非常得閒。

© 由 New Media Group Digital Services Limited 提供

拍拖一年 殘樣接仔

唐詩詠以素顏見男友,不過雙眼無神,臉上又勁多暗瘡印好礙眼,見到本刊記者即拎出粗框眼鏡戴上。

© 由 New Media Group Digital Services Limited 提供

踩油速逃

唐詩詠為擺脫記者採訪,向港島西行時突然踩油加速,更危險cut線。

© 由 New Media Group Digital Services Limited 提供 © 由 New Media Group Digital Services Limited 提供

現場所見,Samuel與厚唇女同穿白色情侶波鞋,言談甚歡,舉手投足都默契十足,厚唇女對住Samuel不時笑到腰果眼,電力十足。之後Samuel經香港仔隧道送厚唇女返回海怡半島香閨,一早一晚管接送,屯門與海怡半島又絕對不是順路,看來Samuel與厚唇女關係非淺。據知Samuel在學校甚受女同事歡迎,身為老闆毫無架子,愛說愛笑陽光味甚濃,據知Samuel早在英國讀大學時曾與一名富家女拍拖,返港後更一起創辦教育學校,不過兩年多前已分手。

© 由 New Media Group Digital Services Limited 提供

朝早接返工

早前本刊記者影到Samuel專誠由屯門寓所揸車到港島南區的海怡半島,接了樣子甜美的厚唇女上車,二人更一起返回位於銅鑼灣的教育學校。

© 由 New Media Group Digital Services Limited 提供

男友號出動

唐詩詠向來愛揸車,即使與好姊妹黃翠如出街,她都爭住做司機,一有時間就會揸車接男友放工,據知情者透露:「為咗接男友放工同去街,去年4月Natalie一拍拖就買多咗架黑色Benz跑車,平時佢返工係揸紅色寶馬,架新車就專揸嚟接人,有時亦會call車,咁就可以掩人耳目,唔會畀人發現行蹤。但早前架紅色寶馬喺觀塘發生三車相撞意外損毀,之後Natalie就用Benz代步。」日前唐詩詠被斷正駕駛黑色Benz去接Samuel放工,當晚7時許,Samuel離開學校後行過對面酒店食住煙等,未幾唐詩詠揸車到達,Samuel即九秒九衝上車。聲稱忙趕新劇沒時間拍拖的唐詩詠,這晚以素顏接男友,真面目現形,面無血色、雙眼無神仲超多暗瘡印,個樣又攰又殘,去到灣仔時發現本刊記者,唐詩詠即戴上粗框眼鏡遮掩憔悴樣,最後更左穿右插擺脫記者。

自榮登視后寶座後,唐詩詠變得封閉自己,以往遇記者大方友善的她,日前在將軍澳電視城遇上本刊記者,對關於男友的所有提問,她都堅拒回答,有指她為怕再受情傷選擇低調處理感情事,而早前她亦在社交網留言道:「做人難,做我朋友也甚艱難 ,我不氣餒,仍然會喺呢個細小空間尋找屬於我的自由。# 都係留喺屋企煲劇 # 宅女生活 # 我身邊嘅朋友都有別名 # 個個勁過我 」其實偷偷摸摸拍拖先係最艱難,再過兩個月就38歲的唐詩詠,青春有限,要加把勁啦!

© 由 New Media Group Digital Services Limited 提供

夜晚同放工

晚上8時許,Samuel與厚唇女一前一後離開學校,各自行去攞車處會合,擺到明此地無銀。

前後腳攞車 © 由 New Media Group Digital Services Limited 提供 前後腳攞車

情侶鞋

厚唇女率先發現違例泊車被抄牌,她行去擋風玻璃拎罰票,Samuel卻一臉不在乎,接過罰票只望了一眼。原來當日二人同穿白色情侶波鞋,襯到絕。

© 由 New Media Group Digital Services Limited 提供

摸黑調情

Samuel與厚唇女未有即時開車走,二人在車旁傾了一陣,Samuel倚車叼住支煙時,厚唇女即變身人肉手機架,但其實當時 Samuel絕對有手揸電話,只見他們不時情深對望,厚唇女不時甜笑發電。

© 由 New Media Group Digital Services Limited 提供 © 由 New Media Group Digital Services Limited 提供

送返香閨

日頭接返工,夜晚又送返香閨,仲要唔係順路,Samuel與厚唇女關係密切。

© 由 New Media Group Digital Services Limited 提供

拒絕回應

日前本刊記者到將軍澳電視城搵唐詩詠,對於現在的感情狀況,她耍手擰頭堅拒作出回應,更一支箭衝上外景車。

© 由 New Media Group Digital Services Limited 提供 © 由 New Media Group Digital Services Limited 提供

英識教育創辦人

32歲的Samuel陳思銘是升學顧問中心「英識教育」的創辦人兼執行董事,父母在流浮山賣海鮮,小時候讀屯門蝴蝶邨的屋邨小學。九歲時,Samuel到英國留學,曾於英國中學會考(GCSE)拿到八科A的成績,並畢業於華威大學及諾定咸大學。

© 由 New Media Group Digital Services Limited 提供

Samuel是城中青年才俊,曾出過有關到英國升學的書籍,現在教育學校已上軌道,有指他每年收入過千萬,還坐擁三億身家,堪稱城中筍盤。

© 由 New Media Group Digital Services Limited 提供 © 由 New Media Group Digital Services Limited 提供

Samuel近年不時上電視、到處做演講嘉賓,今年1月更曾與曾俊華一起出席講座。

王祖藍好友

Samuel曾透露與王祖藍是多年好友,周日 (17日) 亦有出席祖藍為囡囡在迪士尼大搞的百日宴,離開時見他與母親及親友同行,仲霸氣叼住煙。

© 由 New Media Group Digital Services Limited 提供 © 由 New Media Group Digital Services Limited 提供

一月遊意法

為保護這段姊弟戀,唐詩詠與Samuel一月時去歐遊都唔敢高調,其實Samuel當時有在IG上載在法國及意大利的照片,唐詩詠則相隔兩個月,日前才上載照片,不過她留言「身在工作,心在放假」,說明是舊照。

© 由 New Media Group Digital Services Limited 提供

意大利

© 由 New Media Group Digital Services Limited 提供 © 由 New Media Group Digital Services Limited 提供

法國

© 由 New Media Group Digital Services Limited 提供

緋聞男友家姐開餐廳 詩詠都力撐

其實佢哋唔止拍拖行山,陳思銘嘅大家姐去年底喺觀塘工廈開餐廳,詩詠百忙都抽空去食飯捧場,佢仲喺餐廳門口影相做生招牌!

View this post on Instagram

細細個最鍾意食大家姐煮嘅嘢,一直鼓勵佢開餐廳。今年佢終於畀我打動,帶埋佢成家總動員,由收銀,清潔,出品,甚至乎裝修都自己一腳踢⋯ 喺觀塘開左間小餐廳 @myboatrestaurant 咁有誠意,我又點可以唔日日幫襯呢⋯ . #觀塘好遠 #有冇外賣 #支持下 #誠意推介瑞士雞翼 @deliveroo_hk @foodpanda_hongkong #myboatrestaurant

A post shared by Samuel Chan 陳思銘 (@ukchitchat) on Dec 2, 2018 at 7:28am PST

© 由 New Media Group Digital Services Limited 提供

陳思銘嘅家姐喺IG貼相,大讚視后有禮靚女冇架子!

View this post on Instagram

Welcome to my Restaurant for dinner 🍽 Hope you like it! 🥰 @natalietong53 #唐詩詠 #視后駕臨 #有禮貌冇架子 #好靚女 #唔記得合照 #鐘情鮮茄汁意粉

A post shared by MY BOAT Restaurant (@myboatrestaurant) on Dec 30, 2018 at 12:42am PST

  © 由 New Media Group Digital Services Limited 提供

癡心錯付

唐詩詠入行至今曾經歷多次情傷,最重傷一次是與崔健邦,男方出軌她都啞忍甚至出言維護,多次分合令自己陷入不能自拔的地步。

© 由 New Media Group Digital Services Limited 提供

坎坷好女友

唐詩詠與洪永城拍拖三年於17年分手,當時傳出洗米華愛將盧啟邦追求唐詩詠,令她感覺受委屈而哭了。由於唐分手後屢為前度講好說話,故被網友稱為「絕世好女友」。

© 由 New Media Group Digital Services Limited 提供

靚下屬得寵

唐詩詠唔認愛,Samuel表面上是單身貴族。在其社交網及學校的社交網內,可見到他對校內一名樣子甜美名叫Iris的靚女員工特別有偏愛。

© 由 New Media Group Digital Services Limited 提供

Iris在學校內非常受重用,除了粉墨登場拍宣傳片,早前學校在深圳開分校她亦有份出席,拍在港姐冠軍麥明詩旁,一啲都唔輸蝕。

© 由 New Media Group Digital Services Limited 提供

洪永城撻著長腿模特兒 前度唐詩詠開口回應

 

早日傳出藝人洪永城撻著有「長腿冰女」之稱的30歲模特兒梁諾妍,雖然主角們一度備受關注,然而有傳媒訪問洪永城前度唐詩詠(Natalie)的看法,Natalie對於前男友有新歡表示……

撰文:東方新地 |圖片:Instagram

唐詩詠回應洪永城戀情

洪永城(Tony)與唐詩詠(Natalie)分手一年半,早前有傳媒拍到洪永城偷嗒長腿Model梁諾妍,身為前度的Natalie都極受關注。被問到舊愛有沒有向她透露與Model撻著,Natalie表示:「唔多講喇!不過我都祝佢開心,希望佢開心!」有「最佳女朋友」之稱的Natalie果然大方得體!

View this post on Instagram

50+1 悠然自得 Happy birthday Tvb 🍃🍃🍃 . . #今年抽到一卡鑽石 #本來無抽獎運 #luckyblue #nlife #NT

A post shared by Natalie 唐詩詠 (@natalietong53) on Nov 20, 2018 at 8:44am PST

View this post on Instagram

Taking the time to soak up the sunshine of my life 🌹 . . #澳洲咩都好 #係本地網絡好慢 @wifiegg 今次用ONE EGG data plan #唔需要次次拎機還機 #可以擁有一隻屬於自己既WiFi蛋 #nlife #NT

A post shared by Natalie 唐詩詠 (@natalietong53) on Oct 31, 2018 at 7:04pm PDT

Tony被爆出秘撻新女後,Natalie在IG上都依舊像平日發布生活照,看來心情沒有太大影響,希望詩詠可以早日找到真正幸福!

View this post on Instagram

當有人威脅你,唔影相唔去食pancake時 為咗嗰個幸福的pancake 🥞 我唯有照做同用笑容去遮掩我嘅尷尬🙈 . . #我唔係瘦咗只係面仔細咗 #qlarite星級代言人 #肌膚再生 #好凍好凍 #nlife #NT

A post shared by Natalie 唐詩詠 (@natalietong53) on Dec 12, 2018 at 3:32am PST

View this post on Instagram

Yeah !!!! Winter is coming 🧶🧶🧶 可以著冬天衫嘞 . . 冷衫 @toutacouphk @ithk #我的最愛配搭 #冷衫加短裙 #winter #nlife #NT

A post shared by Natalie 唐詩詠 (@natalietong53) on Nov 21, 2018 at 8:38pm PST

洪永城被爆秘撻「長腿冰女」

洪永城被傳媒影到同「長腿冰女」模特兒梁諾妍來往。舊年被影到同前女友唐詩詠約會,疑似復合,當時Tony一直講想搵個新嘅女友,估唔到年幾後終於「出Pool」喇!

View this post on Instagram

好彩有呢件@nobis 鴨絨毛外套頂住冰島冰天雪地嘅環境。一日經歷四季,我終於明白嗰個意思。#gowildhongkong

A post shared by Tony Hung 洪永城 (@guruhung) on Oct 21, 2018 at 11:26am PDT

View this post on Instagram

Finally, after 235 trials, he had one photo made it through. #brooklynbridge #newyork

A post shared by Tony Hung 洪永城 (@guruhung) on Sep 28, 2018 at 3:06pm PDT

有傳媒影到Tony同30歲模特兒梁諾妍喺男方寓所共度春宵後離開,不過梁諾妍八月時都仲話自己有個拍咗拖兩年嘅北京男朋友,唔知係雙方和平分手後先接受Tony,定係Tony介入戀情呢?當傳媒問到Tony女方有無男朋友時,佢就話:「佢應該無,以我所知。」仲叫大家畀啲空間佢。

View this post on Instagram

「久唔久要post 吓自己個樣出嚟俾大家睇下先得㗎,如果唔係大家會唔記得你㗎,或者覺得你好out 囉。」哦。😯😯😯 #多功能老婆

A post shared by Tony Hung 洪永城 (@guruhung) on Jul 9, 2018 at 1:35am PDT

可能大家對梁諾妍呢個名覺得好陌生,其實佢係香港全職模特兒,兼職跑步同健身教練。中學畢業後就去咗多倫多讀大學,返到香港後就正式入行。而家仲係連詩雅夜跑隊員兼鄧麗欣排球隊成員添!

View this post on Instagram

什麼時候可以盡情穿起衛衣來!

A post shared by Inez Leong 梁諾妍🦉 (@inez_leong) on Dec 4, 2018 at 1:37am PST

View this post on Instagram

🏃🏽‍♀️ 是一份熱情 一份自信 一種開心 一份專注 #runwithinez #謝謝相片

A post shared by Inez Leong 梁諾妍🦉 (@inez_leong) on Nov 16, 2018 at 1:47am PST

睇得出佢好鍾意做運動,IG上基乎8成嘅相都同運動有關!據知Tony係參加長跑活動時認識對方。

View this post on Instagram

是一個很認真的梁諾妍啊 #我可以很瘋狂 #也可以很認真 #很瘋狂的認真

A post shared by Inez Leong 梁諾妍🦉 (@inez_leong) on Oct 21, 2018 at 8:20am PDT

問到Tony呢個女仔有咩好,Tony笑到見牙唔見眼話佢嘅優點多到一、兩個鐘都講唔晒!

View this post on Instagram

Good morning Friday☀️ 這個週未 要小心山竹啊!

A post shared by Inez Leong 梁諾妍🦉 (@inez_leong) on Sep 13, 2018 at 6:33pm PDT

大家又覺得Tony嘅新女朋友靚唔靚先?小編就覺得運動型得嚟又有啲文青feel。

View this post on Instagram

身邊的人最近一直看了很多佛系思想 其中有一個 他跟我說 每一個人、或每一件事都有好與壞 可是所有人都只會注意壞的一面 所以才會常常吵架 如果欣賞多一點大家好的一面 人與人之間的距離一定變得更親近 少一點爭執 多一點愛 🌈

A post shared by Inez Leong 梁諾妍🦉 (@inez_leong) on Aug 11, 2018 at 11:11am PDT

與洪永城分手 唐詩詠含淚回應

詩詠去年出席TVB新劇《棟仁的時光》造型及拜神儀式,被追問與洪永城的感情狀況,佢堅持沒有多講,只係一直重複兩人需要更多時間,有共識會喺適當時候先公布。不過講吓講吓,詩詠對眼就愈來愈紅,眼泛淚光,不斷努力擠出苦笑… 冇問題就奇啦!

© 由 New Media Group Digital Services Limited 提供 © 由 New Media Group Digital Services Limited 提供 © 由 New Media Group Digital Services Limited 提供

承認受感情困擾

詩詠出席《不懂撒嬌的女人》宣傳活動,再次被追問感情事,佢首先向大家講聲唔好意思,因為自己唔太識得處理感情事,令到大家有誤會。而感情係兩個人的事,需要尊重雙方,同時需要時間處理,所以希望大家俾空間佢哋。外界估計佢一係結婚一係分手?詩詠回答:「唔講啦,我寧願一次過講。」但佢就點頭承認呢件事令佢好困擾,並希望短期內可以解決。

© 由 New Media Group Digital Services Limited 提供 © 由 New Media Group Digital Services Limited 提供 © 由 New Media Group Digital Services Limited 提供

婚期有分歧 和平分手

詩詠與洪永城拍拖兩年多,兩人都已屆適婚年齡,尤其詩詠已經36歲,心急想結婚亦無可厚非。但消息指33歲的洪永城仍然未定性,更自認「冇本事」養老婆,最後兩人在婚期上未能達成共識,更因此經常有爭拗,所以最終決定和平分手!

© 由 New Media Group Digital Services Limited 提供 © 由 New Media Group Digital Services Limited 提供

不過詩詠與洪永城「分」後再見亦是朋友,佢哋已經向無綫備案,亦希望之後有機會一齊交代呢件事。詩詠早前承認受感情困擾,話佢哋兩人需要多啲時間,並會喺適當時間同大家公布,如無意外就係分手一事了……

© 由 New Media Group Digital Services Limited 提供 © 由 New Media Group Digital Services Limited 提供

「不能錯過的女友」情路坎坷

人美心善身材更好的 唐詩詠 ,被喻為「不能錯過的女友」,可惜在愛情路上屢受創傷,被前男友余文樂、崔建邦背棄出賣,令佢對愛情缺乏安全感。早年詩詠同洪永城拍劇互生好感,花了近半年時間觀察期始接受對方追求,但執到寶的洪永城未有好好珍惜,拍拖期間被爆跟前度藕斷絲連,又多次跟同劇拍檔傳緋聞,不過詩詠一一投以信任一票。

© 由 New Media Group Digital Services Limited 提供 © 由 New Media Group Digital Services Limited 提供

《不懂撒嬌的女人》中,詩詠與王浩信願意暫時放下婚姻的枷鎖,好好享受愛情,可惜劇集情節未有發生在詩詠與洪永城身上……

© 由 New Media Group Digital Services Limited 提供 © 由 New Media Group Digital Services Limited 提供

唐詩詠被封為「最佳女朋友」、「不能錯過的女友」

唐詩詠被外界形容為「最佳女朋友」、「不能錯過的女友」,原因係佢入行以來戀聞不多,初出道拍港台劇集《Y2K》跟余文樂撻着,但呢段戀情很快結束,之後詩詠同崔建邦拍咗9年拖,兩人屢次分手又復合;崔建邦身邊有第三者或陷入低潮時,詩詠都係不離不棄。最後崔建邦承認有新歡,二人九年情才結束!

© 由 New Media Group Digital Services Limited 提供

唐詩詠兜路避洪永城

馬國明、洪永城、唐詩詠、黃心穎、黃智雯藝員參加無綫電視台「big big channel」記者會。早前唐詩詠被網民指經常借舊愛洪永城宣傳,詩詠表明不想再提及前度洪永城,以免被網民指她借對方造新聞,詩詠更兜路行,也不肯與前度合照。

唐詩詠表明不想再提及前度洪永城,以免被網民指她借對方造新聞,詩詠更兜路行,也不肯與前度合照。 © 由 New Media Group Digital Services Limited 提供 唐詩詠表明不想再提及前度洪永城,以免被網民指她借對方造新聞,詩詠更兜路行,也不肯與前度合照。 © 由 New Media Group Digital Services Limited 提供

另邊廂的洪永城則表示與詩詠碰面不是想像中尷尬,亦不知道傳媒要求一齊做訪問,戲言大家愈想看他的反應,他愈是不給大家看。之後他認真說其實自己沒所謂,記者問他可否與詩詠合照?他說無問題,但詩詠兜路行不肯合照。

© 由 New Media Group Digital Services Limited 提供

一直有做甜點生意的唐詩詠表示這幾年來都有好些朋友問她劇裡的服裝和手袋等是什麼品牌之類的問題,讓她覺得確實有很多人關注演員的服飾,令她對做服裝生意也開始感興趣:「也許可以試下和品牌合作,設計一些包包和服裝。」,而快生日的她自曝當天還在工作,問到可有追求者替她慶生?她則表示:「這個問題昨天我的朋友也問了,可是真的沒有人約。」。

© 由 New Media Group Digital Services Limited 提供

唐詩詠日前在社交網分享生活點滴,網友竟突然「踩場」留言:「唐姨唔好再煲新聞喇!」唐詩詠霸氣秒回:「新聞冇得自己煲」,隨即揭開戰幔!該網友繼續狙擊詩詠:「呢幾個月有意無意提起洪仔,居心叵測。」唐詩詠隨即回覆:「係記者問定自己提你都分唔到,呢段對話可以唔使繼續。have a good day」明顯想就此終結話題。點知網友繼續提出「證據」,指她宣傳劇集《棟仁的時光》時透露感情路暫時未見曙光,又指會用男友生日日期做手機密碼,認為她刻意將話題牽扯到感情事上。唐詩詠對此作出最後回覆:「珍惜那些相信你,鼓勵你,看見你價值的人,因為他們讓你更加相信你自己。同時也要理解與包容那些否定你,挑剔你的人,因為他們會令你更加堅強。」

唐詩詠日前在社交網分享生活點滴,被網友指佢消費舊愛洪永城! © 由 New Media Group Digital Services Limited 提供 唐詩詠日前在社交網分享生活點滴,被網友指佢消費舊愛洪永城!

詩詠唔介意被叫「唐姨」

談到有網民批評詩詠經常借舊愛洪永城宣傳,她留言反擊,不過就表示自己沒有嬲,並謂:「我不嬲都鍾意喺網上同人交流,因為佢哋有時會畀到啲好嘅意見我。(有冇唔開心?)畀人誤會都會唔舒服,但呢個世界總有人唔明白你,所以我都要包容一啲誤解我嘅人。」詩詠又補充自己一直都沒有提及舊愛,希望大家亦不要再說。至於最近遭網民稱呼她做「唐姨」,她笑說:「我個侄女成日都叫我姨姨,雖然我係姑姑,如果大家想親切啲都可以咁嗌我!」

談到有網民批評唐詩詠經常借舊愛洪永城宣傳,她留言反擊,不過就表示自己沒有嬲! © 由 New Media Group Digital Services Limited 提供 談到有網民批評唐詩詠經常借舊愛洪永城宣傳,她留言反擊,不過就表示自己沒有嬲!

更多來自 東方新地 的內容

image beaconimage beaconimage beacon