您使用的是較舊的瀏覽器版本。若要獲得最佳 MSN 體驗,請使用支援的版本

單文柔想生龍鳳胎 爆陳展鵬下甜品禁令

都市日報 標誌 都市日報 6/12/2018

單文柔與陳展鵬於10月結婚,上月便宣布「造人」成功,開始見肚的單文柔昨日仍穿上4吋高踭鞋,出席西寶城《the bears’ school冬日甜蜜渡聖誕》揭幕禮,仲自爆跟老公為食甜品一事拉鋸!

粗身大勢的單文柔(Phoebe)昨日偕「美女廚神」麥潔兒,現身西寶城《the bears’school冬日甜蜜渡聖誕》揭幕禮時,雖然腹部已微微隆起,但仍腳踏4吋高踭鞋,非常牙煙!提到開始為BB物色衣服,問到選擇粉紅色或粉藍色?她即大賣關子笑謂:「我決定兩隻色都買!」

對於老公陳展鵬自爆BB乳名為「陳皮妹」,難道是陀B女?Phoebe解釋:「佢話我鍾意食陳皮嘛,仔就叫『小煎Pan』,女就叫『陳皮妹』。(你鍾意仔定女?)我自己就仔女都OK,當初係有諗過生龍鳳胎,咁就可以生一次就OK,但啲人話生女先好啲,因為可以照顧細佬,所以順其自然啦。」

避談BB幾大

當問到目前懷孕幾多個月時,Phoebe則避談:「畀多少少時間我,我哋再同你哋講,因為我好怕小器,有啲禁忌都會避開,遲啲一定講。」此外,本身嗜甜的Phoebe又大呻大肚後被老公禁止再食甜品,她說:「佢叫我唔好食咁多甜嘢、唔好偷食雪糕囉,呢樣嘢每日都喺度拉鋸,暫時我都未有偷食雪糕住嘅。」

更多都市日報的內容

image beaconimage beaconimage beacon