您使用的是較舊的瀏覽器版本。若要獲得最佳 MSN 體驗,請使用支援的版本

撐Eason上節目 捱那英插 楊千嬅愁爆湊仔

東方新地 標誌 東方新地 6/10/2017 orientalsunday.hk

向來義氣仔女的楊千嬅,上月中為撐老死陳奕迅,出席浙江衛視製作的大型歌唱比賽真人騷《中國新歌聲2》,做Eason幫唱嘉賓,同學員于梓貝一齊合唱〈可惜我是水瓶座〉,唱畢卻慘遭擔任導師之一的那英狠批「狀態有壓力,跟學員一樣緊張」,堂堂一個天后人落面,千嬅當場面有難色,就算有陳奕迅周杰倫打圓場,千嬅依然笑唔出。日前節目出街,千嬅心情再受影響,就連湊仔去生日P,都愁爆冇晒心機!

Eason嗌幫手

連張學友都表態抗拒參加內地歌唱比賽,無意畀人評論,誰知楊千嬅早前就因為畀面陳奕迅而參加內地歌唱比賽節目《中國新歌聲2》,賽畢當眾遭那英狠插,知情者透露:「Eason七月已經參加浙江衛視嘅《中國新歌聲》第二季節目,因為臨近尾聲,早前一集就要4位導師各自帶歌手助唱, Eason就搵咗好友千嬅幫手,雖然千嬅忙緊籌備年尾演唱會,但為撐朋友二話不說就答應。」千嬅演出前,還在lG放相表示「今日大Project」,相當重視是次幫唱演出,當日千嬅同學員于梓貝合唱〈可惜我是水瓶座〉,最終于梓貝被淘汰,千嬅就落得被導師那英批評得體無完膚,原本另外三位導師都講得相當得體,Eason率先畀評語:「這首歌很適合二人唱!」劉歡更表示:「水瓶座很有水平!」,周杰倫亦搭嘴說:「陳奕迅很有誠意,周杰倫就很糾結!」令千嬅即時開懷大笑!但到那英發言:「這個狀態有壓力,跟學員一樣緊張。」全場頓時鴉雀無聲,而千嬅則面露難色。

© 由 New Media Group Digital Services Limited 提供 © 由 New Media Group Digital Services Limited 提供

那英表示同千嬅識咗好多年,但就不留情批評對方!那英一句「像學員一樣緊張」,令千嬅相當尷尬,立即皺晒眉,臉露不悅。

© 由 New Media Group Digital Services Limited 提供 © 由 New Media Group Digital Services Limited 提供

節目錄影完結千嬅同Eason及其他助唱嘉賓合照,未有跟那英合照!

搵老師練歌

向來EQ爆棚的千嬅,最終亦有同其他導師一齊笑晒結束當晚節目錄影。千嬅友人說:「千嬅本身喺香港有番咁上下地位,喺大陸都有一定知名度,當初應承都係為幫Eason,點知咁樣畀人當面狠批,千嬅返到香港都唔係咁開心,丁生(丁子高)就安慰佢,當係一個節目,做完就算,唔好太上心。」由於12月會舉行個人演唱會,千嬅個多月前已經開始做Gym keep fit,亦跟老師學唱歌。知情者表示:「其實為咗今次歌唱比賽,雖然只係唱一首歌,楊千嬅都好緊張,出發前專登搵唱歌老師練咗兩堂,話晒中國有咁多億人睇住,千嬅好落力!絕對唔係Hea住去!」

外父走數 老婆焦慮 陸永撲水填氹

生日P送吻 湯洛雯認與羅天宇發展中

© 由 New Media Group Digital Services Limited 提供

一直恨開聖誕跨年演唱會的楊千嬅,成功取得原先屬劉德華的跨年黃金檔期,盛裝出席記招後,就會開始閉關綵排。

© 由 New Media Group Digital Services Limited 提供

早於15年開《let’s Begin》演唱會時,楊千嬅已經跟健身教練落力做Gym,今年更加係加碼受訓,在街做重力訓練,單睇她如此落力鍛鍊,就知她對今次演唱會十分緊張!

© 由 New Media Group Digital Services Limited 提供

老公丁子高是跑步健將,楊千嬅婚後受老公感染經常練跑,為演唱會備戰亦絕不疏懶。

網民留言撐千嬅

節目日前播出街,引起網民討論丶內地媒體又廣泛報道,令千嬅心情再受影響,幸好有唔少網民留言幫千嬅平反。「我沒看出緊張,反而覺得楊千嬅的唱功比那英好得多!」、「那英喜歡假唱,千嬅實力不輸那英!」幫楊千嬅爭番口氣!

© 由 New Media Group Digital Services Limited 提供

心情未平復

節目播完兩日,楊千嬅湊仔去金鐘快餐店出席友人生日P,明顯心情仲係唔多靚,當日老公丁子高坐友人車早一步到達,楊千嬅就同Torres乘坐七人車到現場,一落車楊千嬅就抱住Torres行去快餐店,話晒Torres已經5歲,體重有番咁上下,千嬅仍然唔怕辛苦抱住佢

行,果然係廿四孝媽咪。場內,老公丁子高接力湊阿仔,同其他小朋友一齊玩,千嬅就坐埋一邊食薯條,一派悶悶不樂的樣子,與平日大癲大肺的她大相逕庭,玩了大概兩小時,丁子高一馬當先行先,跟在後邊的千嬅就拖實Torres一齊離開,剛巧遇著落雨,搞到千嬅狼狽皺晒眉,工作人員見狀即刻擔遮護送佢兩母子上七人車離開!

© 由 New Media Group Digital Services Limited 提供

生日會結束,楊千嬅拖住Torres離開,點知又遇著落毛毛雨,本來心情唔多靚的她更加皺晒眉頭!

© 由 New Media Group Digital Services Limited 提供 © 由 New Media Group Digital Services Limited 提供

老公幫手睇住個仔,楊千嬅終於可以坐埋一邊食薯條休息吓,但佢好明顯心情仲係麻麻。

© 由 New Media Group Digital Services Limited 提供

楊千嬅同老公陪囝囝Torres參加友人小朋友的生日P,兩公婆在場內與其他家長密密傾。

© 由 New Media Group Digital Services Limited 提供

丁子高陪Torres和其他小朋友玩遊戲, Torres更加叻叻贏得氣球公仔

注重家庭樂

工作點忙,千嬅都很注重家庭樂,演唱會記者會當日,千嬅媽媽和仔仔Torres都陪她開工,而楊媽媽有上台撐愛女,更一起玩直播。雖然歌影一樣忙,嚟緊十一月會開拉闊音樂會及十二月開個人演唱會,但千嬅一有時間就會留在家中湊仔,早前就同Torres一齊整嘢食!

© 由 New Media Group Digital Services Limited 提供

那英 到處辣火頭

現年49歲的那英,一向口沒遮攔,經常在節目上辣火頭,被佢寸過嘅人不勝其數!例如那英早年擔任《音樂風雲榜》評委主席,認為歌手

刀郎唱腔和作品不入流,一句「刀郎的歌只有農民去KTV才會點唱」,一次過得罪刀郎同全中國農民。

© 由 New Media Group Digital Services Limited 提供 © 由 New Media Group Digital Services Limited 提供

閨密王菲復出開唱被指失準兼假唱,那英挺身而出在網上同樂評人展開罵戰,更逐個親自回覆留言, 鬧爆網民「狗屎」、「爛人」、「狗雜種」。

全文完

更多 東方新地 的內容

image beaconimage beaconimage beacon