您使用的是較舊的瀏覽器版本。若要獲得最佳 MSN 體驗,請使用支援的版本

緋聞男友家人開餐廳 唐詩詠 做人肉生招牌力撐

東方新地 標誌 東方新地 11/2/2019 東方新地 - 娛聞

現年37歲嘅唐詩詠喺2017年5月宣布同洪永城分手後,未有新戀情,反而舊愛洪永城戀上女模梁諾妍(Inez),人前人後都好恩愛,不時喺IG放閃,唔少網友都關心詩詠嘅感情生活,雖然上年底有傳佢同年約30歲有「教育界王力宏」之稱嘅Samuel(陳思銘)撻著,但詩詠就話只係朋友飯敍。不過踏入豬年第一日,詩詠被踢爆同Samuel孖住行山,疑似低調宣告有戀情,睇嚟「絕世好女友」成功趕及喺情人節前脫單喇!

 

撰文:東方新地 圖片:唐詩詠IG、陳思銘IG、myboatrestaurant IG

唐詩詠孖新歡行山

年嘅大年初一(5日)唐詩詠去咗行山,喺Instagram上載咗幾張靚相,仲留言:「大年初一行個大運 享受陽光 享受寧靜」見佢一身露腰行山Look笑晒口咁春風滿面。

View this post on Instagram

🌸Happy New YeAr 🌸 🐷年花開富貴 身體健康 !!!!. 繼續學習 保持覺知💫 . . #happycny #nlife #NT

A post shared by Natalie 唐詩詠 (@natalietong53) on Feb 5, 2019 at 2:49am PST

© 由 New Media Group Digital Services Limited 提供
 

那邊廂曾同詩詠傳出緋聞、有「教育界王力宏」之稱嘅陳思銘也喺同日同地點影相,佢仲打卡tag住「小欖水塘」!

© 由 New Media Group Digital Services Limited 提供 © 由 New Media Group Digital Services Limited 提供

雖然兩人都係晒獨照,但男方相片中右下角就見到有人舉機拍照嘅影子,但就未見其他人,農曆新年第一日就只有二人約會,豬年第一日唔係同家人過,反而畀咗呢位男士,唔通真係拍拖?!

© 由 New Media Group Digital Services Limited 提供 © 由 New Media Group Digital Services Limited 提供

緋聞男友家姐開餐廳 詩詠都力撐

其實佢哋唔止拍拖行山,陳思銘嘅大家姐去年底喺觀塘工廈開餐廳,詩詠百忙都抽空去食飯捧場,佢仲喺餐廳門口影相做生招牌,睇嚟詩詠同陳思銘家人關係都好好!

View this post on Instagram

細細個最鍾意食大家姐煮嘅嘢,一直鼓勵佢開餐廳。今年佢終於畀我打動,帶埋佢成家總動員,由收銀,清潔,出品,甚至乎裝修都自己一腳踢⋯ 喺觀塘開左間小餐廳 @myboatrestaurant 咁有誠意,我又點可以唔日日幫襯呢⋯ . #觀塘好遠 #有冇外賣 #支持下 #誠意推介瑞士雞翼 @deliveroo_hk @foodpanda_hongkong #myboatrestaurant

A post shared by Samuel Chan 陳思銘 (@ukchitchat) on Dec 2, 2018 at 7:28am PST

© 由 New Media Group Digital Services Limited 提供

陳思銘嘅家姐喺IG貼相,大讚視后有禮靚女冇架子!

View this post on Instagram

Welcome to my Restaurant for dinner 🍽 Hope you like it! 🥰 @natalietong53 #唐詩詠 #視后駕臨 #有禮貌冇架子 #好靚女 #唔記得合照 #鐘情鮮茄汁意粉

A post shared by MY BOAT Restaurant (@myboatrestaurant) on Dec 30, 2018 at 12:42am PST

   © 由 New Media Group Digital Services Limited 提供

陳思銘9歲負笈英國,畢業返學後創辦升學教育中心,不時接受訪問!

View this post on Instagram

相信每位小學生都寫過一篇《我的志願》嘅文章,你仲記得小時候嘅夢想嗎? . 早前同大家分享過一個故事,有家長話自己小時候好渴望成為醫生,但唔成功,所以現在將當年的夢想寄托在兒子身上。 . 父母希望仔女成為律師、工程師、醫生,我非常明白,有邊個唔望子成龍呢?印度電影《打死不離3兄弟》其中一幕令我印象特別深刻:印度父母從嬰兒喺媽媽肚裡已經不停灌輸做工程師嘅重要性,並經常為子女祈福,希望佢哋成為工程師。 . 但如果我哋睇遠一點,機械人嘅發展已經逐步取代一些傳統勞動性工作,而人工智慧Alpha Go亦打敗國際圍棋冠軍,我們應該思考如何轉移知識和技術去面對世界的轉變。隨著人工智慧和大數據的發展,今日好多新興產業在八、九十年代仍未出現。同樣地,有2030年的職業在今天仍未興起。 . 這意味著社會有無限可能,同時孩童亦有巨大的創造力和潛能。家長和學校只要逐步引領學生自主地探索佢哋嘅興趣,給予多點肯定便可以。英國教育經常強調「條條大路通羅馬」,成功並無一定的方程式,亦不會向學生灌輸一定要做律師、醫生或工程師先係成功嘅概念。相反,英國寄宿學校透過不同領袖訓練、野外定向、團隊訓練,致力培養學生終生學習和正面的態度,即使遇到困難也具極高的抗逆能力。 . 計劃永遠趕不上變化,讓學生自主學習、激發創意,才是雙贏之道。 @britanniastudylink @britishcouncilhk #britanniastudylink#ukstudy #英國留學 #海外留學 #英識教育 #英國文化協會 #陳思銘 #britanniastudylink #britishcouncil #sparkhk2019

A post shared by Samuel Chan 陳思銘 (@ukchitchat) on Jan 24, 2019 at 4:31am PST

 
View this post on Instagram

講離開自己嘅Comfort Zone,不得不讚Mabel。 . 2018年年尾,飲飲下喜茶,唔知邊個興奮得滯話要喺深圳開公司,就係咁兩個月後就開咗張。 . 當日最興奮嗰個Mabel今日駐守深圳,佢話:喜茶做得好係因為質素,我哋英識做得到,係因為服務! . #打咗個冷震 #宣傳易會見到Mabel #英識第五個辦公室 #大家多多支持 #Mabel加油

A post shared by Samuel Chan 陳思銘 (@ukchitchat) on Jan 10, 2019 at 3:03am PST

陳思銘仲好鍾意跑步,又不時參加馬拉松,同熱愛運動嘅詩詠認真夾!

View this post on Instagram

深夜四點起身,完成人生第二個半馬,多謝咁多位捐款支持 #unicefcharityrun #聯合國兒童基金會慈善跑 #係時候瞓覺 #陳思銘 #ukchitchat #英識教育 #csmsamuel @unicef #UNICEFRUN18 #UNICEF慈善跑2018 #為兒童跑 #同路跑出不同意義

A post shared by Samuel Chan 陳思銘 (@ukchitchat) on Nov 24, 2018 at 6:14pm PST

  © 由 New Media Group Digital Services Limited 提供 © 由 New Media Group Digital Services Limited 提供

直擊漏夜睇樓 洪永城急箍絕種好女友

無腳雀仔洪永城經歷一年半的自由自在單身生活,終於做回有腳雀仔,上月被爆戀上模特兒兼長跑教練梁諾妍(Inez),踏入2019年洪永城直認戀情,仲孖住去除夕派對狂放閃光彈。過往媾女無數,就連「最不能錯過的女友」唐詩詠都曾追到手,洪永城全靠把口𠺘過油,不過今次好唔同,與Inez拍拖四個月,洪永城對內外兼備、入得廚房、出得廳堂的女友讚不絕口,為急箍絕種好女友更斥過千萬買觀塘豪宅,日前拍拖去地盤巡視新愛巢。洪永城成個老襯從此被困咁樣,睇怕好快步好友黃翠如、蕭正楠後塵,拉埋天窗。

撰文:東方新地 圖片:新傳媒圖片、Instagram

洪永城 急箍絕種好女友

上月在萬千星輝頒獎典禮上,洪永城與黃翠如一齊頒獎給蕭正楠,結果蕭當眾多謝太太,自爆與黃翠如早已秘婚,而當時洪永城被嚇至目瞪口呆。好友修成正果,洪永城亦搵到自己人生的方向,宣布結束年半的單身生活,公開與模特兒兼長跑教練梁諾妍(Inez)拍拖。

© 由 New Media Group Digital Services Limited 提供

撻著四個月

單身年半的洪永城,感情終於有著落,與模特兒兼長跑教練梁諾妍(Inez)拍拖四個月,他直認雙方在了解中,求傳媒唔好嚇走佢,仲對女友讚不絕口話:「佢係好女仔,好多優點、太多,要講兩個鐘頭。」

公開關係穩定戀情

35歲的洪永城,以往對感情事吊兒郎當,入行已被封媾女王,12年與任職金融界的圈外女友Emily拍拖四年,最後卻有傳因為背女友在外媾女而分手。到13年與唐詩詠撻著,外界一直都不看好,洪永城更被指花弗性格未改,最後亦未能長揸「最不能錯過的女友」。相比起與唐詩詠拍拖初期的偷偷摸摸,洪永城今次愛得光明大,到底是甚麼驅使洪永城再次封盤?答案就是他遇到另一個「最不可多得的女友」。

© 由 New Media Group Digital Services Limited 提供

高調放閃

在熱戀階段的洪永城,日前帶Inez一齊出席圈內好友齊集的除夕 party,還 po合照及攬實咀嘴的短片上IG,讓戀情高調曝光。

© 由 New Media Group Digital Services Limited 提供

據知情者透露:「Inez入行多年為人低調又乖女,從來冇是非冇緋聞,因為佢性格真係超好,生活又健康,身邊無論男女朋友都好鍾意佢夠真,呢啲女友真係絕晒種。Tony(洪永城)一識Inez已經嗒晒糖,話要跟Inez學跑馬拉松,點知冇幾耐就畀佢得米。其實Inez同前男友拍咗好多年,不過一直分隔兩地,感情好難維繫,去年8月都仲未分手,Inez上節目亦有提起男友,點知9月就話同Tony開始咗,可想而知Tony幾心急箍實Inez,咁好嘅女仔真係手快有手慢冇。同Inez一齊後Tony個人都變得踏實咗,佢自己知自己事,以往個底花成咁,佢都想畀多啲安全感女友,睇佢哋嘅相處,男方都好認真,上個月仲喺觀塘買千萬豪宅,男人肯置業,都應該係想有個家。呢點就中晒Inez心意喇!佢上有大哥下有細佬,父母自小當佢如珠如寶,所以Inez家庭觀念好重,都會憧憬第時會有自己屋企。」去年12月初,洪永城出現在觀塘新樓盤凱滙的賣樓現場,旁邊有代理陪伴,最後他以1,057萬元買入凱滙三座一個兩房單位,未幾戀情被踢爆,估計他斥資買入新愛巢,是為了成家立室,而梁諾妍就是新屋的準女主人。

© 由 New Media Group Digital Services Limited 提供

甜蜜出巡

正在拍攝新劇《黃金有罪》的洪永城,去年聖誕前聲稱拍劇忙未必有時間拍拖,但12月26日Boxing Day一放工即陪女友去將軍澳睇戲。Inez春風滿面不時甜笑,不過女翹手男插袋,未敢公開拖手。

© 由 New Media Group Digital Services Limited 提供

夜巡新愛巢

上月正為無綫趕拍新劇《黃金有罪》的洪永城,接受訪問時表示佳節期間應該沒有時 間見梁諾妍,要等到2019年才有機會拍拖,點知平安夜(12月24日)放工即飛車返家夜會 女友,度過他們第一個平安夜。而12月26日晚上九時許,洪永城一收廠就趕去將軍澳 Popcorn 商場,原來梁諾妍早已買定戲飛等男友趕來睇戲,現場所見二人臉上都泛著絲絲 的甜意,不過街上人多未敢有身體接觸。睇完戲還有下場,洪永城駕車帶女友去視察上 月買入的觀塘豪宅,雖然樓盤仍在施工,估計要2021年才落成,事隔兩年都唔知會係咩 環境,但二人在車廂內向單位仰望,還圍繞樓盤慢駛一圈才離開。之後二人齊齊返 家,返到洪永城寓所已經是凌晨一時許,入屋不久便落簾熄燈就寢,據知洪永城最近拍 劇開早收夜,雖然工作辛苦但仍抽時間與女友二人世界。

© 由 New Media Group Digital Services Limited 提供

夜深人靜,洪永城把座駕隨便泊街,睇完戲與Inez攞車離開。

© 由 New Media Group Digital Services Limited 提供

偷閒視察地盤

下一站到達位於觀塘的新樓盤凱滙,洪永城把車泊在地盤旁, 二人未有落車,只留在車廂向上仰望,之後再圍繞地盤慢駛一圈。

d想跟女友出埠長征

有拖拍滿臉春風的洪永城,早前公開笑言自己開始行好運,更決心為女友 改變自己,他透露與梁諾妍是因為做運動、跑步而認識,更謂戀情曝光後反應非常正面,令他在工作上更加有動力,因為終於找到一個人,可以陪他傾訴心事,分擔一下他的生活點滴。說到女友的優點,他笑言數兩個小時都數唔完,總之各方面都很好,相處後開始發覺她有無盡的優點,從運動至她的生活態度都很吸引人,還大讚女友廚藝很好,不時下廚煮健康餐。身為馬拉松好手兼健身教練,梁諾妍每年都會到世界各地不同地方參加馬拉松賽事,洪永城的願望是可以跟著女友到處跑馬拉松。

© 由 New Media Group Digital Services Limited 提供

返家即落簾

感情一日千里已發展至同居,洪永城與Inez齊齊返回匡湖居,入屋不久洪即行去落晒全屋的窗簾。

千萬買觀塘豪宅

洪永城早前斥資1,057萬元買入凱滙三座一個中層兩房連儲物室的單位,面積592平方呎,樓都未起好就帶未來女主人 Inez去視察新愛巢,真夠誠意。

© 由 New Media Group Digital Services Limited 提供

為結婚進發

對戀情如此認真的洪永城還是第一次見,他揚言要給女友安全感,希望自 己可以變得更穩重,經過以往的感情,令他明白要花多些時間及心機給另一 半,所以經常提醒自己朝著這個方向而行。說到結婚,他表示長遠一定會去 想,人大了,可能是責任的問題,加上近年身邊很多朋友都結婚生 仔,話題總離不開小朋友,觸發起他要向人生另一階段邁進。洪永 城在對的時間遇上對的人,被正能量爆燈的梁諾妍真心感染,不 過執到寶都要識珍惜,係啱就快刀斬亂麻,唔好再錯過喇!

© 由 New Media Group Digital Services Limited 提供

風騷開工

平安夜雖然要開工,但洪永城放晚飯時心情靚到滿場飛,開籠雀講唔停,仲過枱搵張達倫一齊打機吹水。

© 由 New Media Group Digital Services Limited 提供

返家慰女友

晚上十點放工,洪永城一支箭揸車返回匡湖居,睇得出佢真係好心急。

© 由 New Media Group Digital Services Limited 提供

12月24日平安夜 女友露台吹風

原來Inez早洪永城一步到達匡湖居,還走出寓所露台抖氣,不過洪永城一返到,就落簾兼熄燈,與女友共度最浪漫最纏綿的平安夜。

© 由 New Media Group Digital Services Limited 提供

飯局全男班

入行多年的洪永城緋聞多多,難得今次遇到絕種好女友 Inez,洗心革面提升女友安全感,最近見他甚少近女 色,最多都是參加同性飯局及有線之友聚會,成個人乖晒。

© 由 New Media Group Digital Services Limited 提供 © 由 New Media Group Digital Services Limited 提供

遠離姣思貝

近年多次被指與蔡思貝過從甚密,與 Inez拍拖後洪永城終於對此女有啲避忌,為免節外生枝,同場合照都有埋譚凱琪和楊秀惠等。

© 由 New Media Group Digital Services Limited 提供

內外兼備

Inez梁諾妍原名梁鳳妍,擁葡國戶籍,生於澳門在港就讀中學,及後到加拿大升讀大學,畢業後回港從事模特兒工作,更被網民稱為「長腿冰女」。除了有樣有身材有學識外,Inez亦是運動健將,身為跑步教練的她每年都參加國際有名的馬拉松賽事,同時亦是連詩雅旗下My Girls夜跑隊成員,以及曾是鄧麗欣旗下排球隊Loey成員。除了跑步,Inez還是一名健身教練,現於中環開設健身室。

© 由 New Media Group Digital Services Limited 提供

Stephy排球隊員

Inez在讀書期間已是排球健將,早年曾加入Stephy旗下的Loey排球隊,身高佔優的她是隊中要員。

© 由 New Media Group Digital Services Limited 提供

近年 Inez勤練長跑,曾參加挪威、芝加哥、東京、柏林等國際馬拉松比賽,毅力驚人。

© 由 New Media Group Digital Services Limited 提供

健身室老闆

17年7月,Inex在中環荷里活道開了個人健身工作室Fitnez Studio,小腹的腹肌就是最好的生招牌。

模界清泉

純過蒸餾水的Inez,形象健康甚少作性感演出,泳衣照絕對是少之又少。

© 由 New Media Group Digital Services Limited 提供

連詩雅師妹

Inez大學畢業後返港從事全職模特兒工作,加盟鄒世龍 旗下的 Starzpeople,成為連詩雅、周柏豪同門師妹。

© 由 New Media Group Digital Services Limited 提供

素顏演出

17年開始,Inez不時現身電視台節目,除了為ViuTV《SE7EN 2》(毅行者挑戰者)、《全職媽媽放大假》及《築地100》做主持外,去年更參加無綫J2節目《極地馬拉松》。

© 由 New Media Group Digital Services Limited 提供

《極地馬拉松》

去年在-50度的極地跑馬拉松,Inez連生日都要在當地度過,在完全素顏下出鏡,一時感觸更哭了出來,肯以真斫目示人的女藝人,現已買少見少。

© 由 New Media Group Digital Services Limited 提供

《全職媽媽放大假》

為ViuTV拍《全職媽媽放大假》,Inez抽中一個四子女的大家庭,憑住親切的個性,為為最受歡迎保母,直到現在仍與節目中的小朋友經常見面。

17年分手 錯過最佳女友

洪永城與唐詩詠13年拍劇集《載得有情人》戲假情真,起初大玩地下情,後期才公開戀情,到17年5月在IG正式宣布分手,洪永城被指花弗用情不專,所以才失去「最不能錯過的女友」。

© 由 New Media Group Digital Services Limited 提供

19年目標明確

幾生修到的洪永城遇上好到加零一的Inez,難怪日前在 IG出新年 post都話唔會再等、唔會再畀自己 後悔,要朝著下一個里程碑進發。

© 由 New Media Group Digital Services Limited 提供 © 由 New Media Group Digital Services Limited 提供

更多 東方新地 的內容

image beaconimage beaconimage beacon