您使用的是較舊的瀏覽器版本。若要獲得最佳 MSN 體驗,請使用支援的版本

英皇戲院開幕 衛詩雅 陳家樂 教大家過單身情人節

東方新地 標誌 東方新地 14/2/2018 東方新地

位於屯門新都商場的英皇戲院於情人節當日正式開幕,日前一眾英皇藝人衛詩雅、陳家樂、洪卓立和湯怡一齊出席戲院開幕活動,問到衛詩雅同陳家樂呢個單身情人節會點樣過,衛詩雅會盡量唔開電話上網,避免睇到其他情侶放閃,而陳家樂就話會約一班男仔出去食打邊爐。洪卓立同湯怡呢對有情人就講到佢哋情人節會留喺屋企煮飯仔,不過問到今年係佢哋度過嘅第幾年情人節,洪卓立竟然唔記得,要女友提番,小心返到去畀湯怡扭耳仔呀!

撰文:東方新地

圖片:新傳媒圖片庫

英皇衛詩雅:唔好開電話

英皇衛詩雅與陳家樂同屬單身,問到佢哋單身情人節應該點樣過?衛詩雅就呼籲各位單身人士當日盡量唔好開電話,避免上網睇到人哋放閃!不過佢之後又笑住解畫:「其實我覺得冇所謂,反而睇到人哋幸福,都可沾染到嗰種開心,仲可以對愛情有多啲朌望。」而陳家樂就話:「我會當冇情人節呢日嘅存在,淨係搵啲男仔出去食個宵夜、打吓邊爐。」衛詩雅當即插嘴:「係喎,可以約晒全部單身嘅朋友一齊開party!」陳家樂就反駁:「咁樣太著跡啦!好似特登話畀人聽我哋全部都係單身咁,最好唔好理佢,當呢個世界冇情人節存在就最好!」

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:衛詩雅話自己唔怕睇到人放閃,因為見到人哋幸福,可以令佢對愛情有更多朌望。

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:陳家樂話會當情人節唔存在,當日會約班男仔出去打邊爐。

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:衛詩雅提議當日可以開個單身派對,不過陳家樂話咁樣太著跡。

英皇洪卓立 親自下廚

洪卓立同湯怡係英皇入面嘅一對拍拖多年嘅有情人,但當被問到今年係佢哋第幾年一齊度過嘅情人節時,洪卓立竟然唔記得,要湯怡提番佢今年原來已經係第11年。講到佢哋今年情人節會點樣度過,洪卓立就話一早準備好會喺屋企煮啲湯怡鍾意食嘅嘢:「係中西合璧嘅,花反而聽日係唔會送,其他時間就會!(成日送花?)又唔會成日嘅,畀你估到就唔係『食神』啦!」湯怡就澄清:「我不嬲叫佢唔使送,係真㗎!」問到佢哋有畀屋企人摧婚?洪卓立表示:「屋企人好似天生知道做呢行唔可以提結婚兩個字咁,唔知點解由第一年開始從來冇講過呢樣嘢。」湯怡就解釋:「其實係咁啱我有一個姐姐、佢又有一個哥哥,兩個都結咗婚有小朋友,所以從來冇摧過我哋!」

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:問到佢哋有冇結婚計劃,洪卓立就叉開話題,話睇多啲戲先講。

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:今年情人節,洪卓立話會親自下廚,煮啲中西合璧嘅嘢食送畀女友湯怡。

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:洪卓立話唔會喺情人節送花,但平日都會送吓花,為湯怡製造驚喜。

屯門英皇戲院 早場最平$45

去年十月才登陸中環蘭桂芳的英皇戲院,還未夠半年再進駐屯門!新戲院色調與中環相近,香檳金色調,走工業風華麗Urban Chic路線,環境舒服乾淨。整座戲院佔地一萬平方呎,其中有4個影院,385個座位,其中一影院更設有全港首個雲朵天幕擴音系統。影院細細,皮座位隔間舒服,而且票價沒有因此而調得好高,最平只係$45,與同區的街坊戲院相約,讓屯門影迷們,從此多個新場地睇戲!

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:新戲院設有4間影院,其中一間首設「CLOUD雲」聲音擴散系統,讓中與高音聽起來舒服有空間感,天花睇戲時更會保持藍色調,讓戲院環境更有氣氛。

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:現在爆谷已經無法完全滿足觀眾的胃口,這裡的小食挺豐富的,份量都幾大份,當然價錢都會有番咁上下。

英皇戲院開幕 © 由 New Media Group Digital Services Limited 提供 英皇戲院開幕

英皇戲院開幕:與同區相比,新戲院沒有特別調高票價,$45便看到早場,對於屯門影迷們多個環境舒服和就腳的戲院睇戲。

唐文龍 秘撻「10億咪神」黃文意

© 由 New Media Group Digital Services Limited 提供

簡淑兒愈大愈靚 六年進化史重溫

© 由 New Media Group Digital Services Limited 提供

更多 東方新地 的內容

image beaconimage beaconimage beacon