您使用的是較舊的瀏覽器版本。若要獲得最佳 MSN 體驗,請使用支援的版本

被前夫拋棄 獨力養大三子女 薛家燕娶新抱:等咗呢一日好耐

東方新地 標誌 東方新地 12/6/2018 東方新地 - 娛聞

薛家燕 8歲入行做童星,自小已經有機會學做戲,但佢嘅夢想唔係事業,而係家庭。薛家燕話自己係一個好傳統嘅女人,佢覺得婚姻對女人嚟講係好重要,所以當婚後退出幕前,相夫教子,卻沒想到會遇上婚姻觸礁。

家燕姐當年被前夫石保慶拋棄,她做單親媽媽母兼父職,十多年不眠不休咬緊牙關養大三名子女,現在子女均長大有成就,29歲的孻女珠珠(石耀珠)學有所成,在香港大學碩士畢業後現在於「母親的抉擇」做社工,二子石耀昨天成家立室迎娶女友陳素怡(Zoe)。家燕姐苦盡甘來,此刻的幸福她絕對值得擁有⋯

編輯:東方新地|撰文:Sunday Kiss| 圖片:新傳媒圖片、王梓軒微博、石耀庭IG、Zoe IG

薛家燕非常恨抱孫

家燕姐二仔昨天在洲際酒店舉行婚禮,家燕姐十分緊張阿仔的婚事,送樓送首飾、包辦兩場盛大婚宴等,夾夾埋埋豪擲4千萬娶新抱。而呢位超級奶奶昨日娶新抱的行頭十足,她身上一套翡翠頸飾、手鈪和指環超搶Fo!

© 由 New Media Group Digital Services Limited 提供 © 由 New Media Group Digital Services Limited 提供

提到囝囝石耀庭和新抱Zoe早上敬茶令她感觸,她不禁眼濕濕,感覺終等到這一日,坦言下午簽紙儀式一對新人講誓詞一剎那更是喜極而泣,她說身旁的襯家都一樣,而她只哭了兩次而已。

© 由 New Media Group Digital Services Limited 提供

薛家燕:終於等到這一日

薛家燕在上台致辭時激動地哭道:「Jackson今天事業有成,還可以成家立室,我真係好開心,因為我等咗呢一日好耐,對唔住,唔好意思,我頭先仲喺下低諗,等一陣上台唔會咁(哭)⋯」

© 由 New Media Group Digital Services Limited 提供 © 由 New Media Group Digital Services Limited 提供

而在家燕姐上台前,他的囝囝致辭時也禁不住哭道:「我哋能經歷到撐到過去,我相信以後沒有事可以難倒我哋⋯」之後一對新人仲獻花給家燕姐及女家父母!

© 由 New Media Group Digital Services Limited 提供

七公主其中一員薛家燕紅足半百年

60年代係七公主嘅天下。身為其中一員嘅薛家燕,8歲就入行做童星,直到今日家燕媽媽仍然係廣告商同埋監製嘅寵兒,可謂紅足半百年。

只是80或90後嘅你,可能只係見過家燕媽媽風光嗰一面。其實當年佢試過由事業高峰期急流引退,經歷人生低潮,一度諗過輕生。但為咗仔女,重新振作同生活搏鬥,捱出重病,重差啲同大家緣分已盡。一個女人,帶住3個仔女,經歷起起跌跌。今時今日,家燕媽媽仍然心境豁達,驀然回首,當年嘅一切只不過係人生路上嘅幾塊小沙石。

© 由 New Media Group Digital Services Limited 提供

拍1日戲就買到1個單位

粵語片時代,成個東南亞都係七公主嘅fans。家燕媽媽當年重讀緊書,但係已經搵唔少錢。「初初入行搵10蚊日,後來變成萬幾蚊日。當年萬幾蚊可以買到個單位喇!以前大家嘅巴士月票個套都攝晒我哋啲相,放學又有好多人喺學校門口等我。」銀色旅途看似順利,可惜70年代粵語片開始式微,七公主主將陳寶珠同蕭芳芳放低演藝事業,走去美國讀書。而當年19歲嘅家燕媽媽,就被揀中簽約過日本接受培訓做歌手。

© 由 New Media Group Digital Services Limited 提供

「當年我喺日本training半年都未出碟,做新人得$8,000個月,連食宿都唔夠,重要爸爸寄錢俾我生活。雖然真係學到好多嘢,但爸爸就覺得浪費咗 我最黃金嘅時間,因為我未train之前已經係女主角。當年兩個經理人都係日本人,佢哋對我好好。但係爸爸係華籍英軍,佢以前同日本人打過扙,怕我嫁俾日 本人,所以最後就叫咗我返嚟。」自細就行緊條風順路嘅家燕媽媽, 呢次港、日兩地嘅事業一鋪清,遇上人生中嘅第1次失落。

© 由 New Media Group Digital Services Limited 提供

前夫失蹤 慳啲使

返到香港,家燕媽媽拍咗幾部國語片,人氣又再回升,重喺東南亞接咗好多登台jobs。之後4年,佢更為麗的電視(亞視前身)主持代表作《家燕與小田》。點知家燕媽媽重振雄風後,選擇急流引退。「當時我已經28歲喇!我係個好傳統嘅女人,我覺得應該要結婚。」家燕媽媽成為人妻之後,退出娛圈,開始發展錄影帶生意。

© 由 New Media Group Digital Services Limited 提供

曾經諗過跳樓

「當時生意做到好大,我攞咗無綫同亞視嘅劇集代理權,星馬人要睇劇,就要同我租帶。」之後佢誕下3個仔女,表面上一切都幸福如意,但家庭觀念好重嘅家燕姐,呢個時候就遇上人生中最不如意嘅事。「當時我前夫失咗蹤,好無奈……3年來完全搵佢唔到。我帶住3個仔女,都要生活㗎!惟有慳啲使。曾經試過做保險同埋地產,但係我又唔夠厚面皮。試過自薦做《婦女新姿》嘅主持,但監製以為我係少奶奶,重覺得我講緊笑,當時真係好苦惱、好擔心。」

再堅強嘅人,都有脆弱嘅一刻,家燕媽媽當年1個人擔起頭家,差啲因為經濟問題而自殺。「當年我連住緊嘅屋都差啲被人收番,本來諗住跳樓,已經爬咗出窗,好彩我啲仔女叫住我。我望番轉頭,個大女攬住我喊,個仔就話:『我買咗薯條俾你食呀!』當時我就諗,班仔女都咁懂事,我唔應該揼低佢哋。」

© 由 New Media Group Digital Services Limited 提供

家燕媽媽公開離婚之後,《真情》嘅監製就想搵家燕媽媽演好姨一角,起初佢都好掙扎。

「開頭我推咗監製,因為大女覺得好姨呢個角色好乞人憎。當時最細個女得3歲,拍劇要捱夜,冇時間睇住啲仔女,而且酬勞亦唔多,得$2,000集。」最徬徨嘅時候,家燕媽媽遇上曾經公開傾慕佢嘅知己黎小田。「黎小田知道我離咗婚,重話:『早知嫁俾我啦!』哈哈!同佢傾開先知,當時管藝員科嘅同事Ben Chan,係《家燕與小田》嘅工作人員,於是佢就幫手聯絡珍姐(曾勵珍),搵我上去傾下加人工囉!」就咁促成咗個膾炙人口嘅角色——好姨,同時亦造就咗家燕媽媽第3個事業高峰。

© 由 New Media Group Digital Services Limited 提供

出唔到院 寫定遺囑

拍《真情》呢段日子,係家燕媽媽成世人最忙、最難過嘅日子。「嗰時好多人搵我拍廣告,但係我冇經理人、冇司機、冇助手,惟有自己mark檔期。返到屋企已經12點幾,又要睇仔女啲功課,背劇本背到3點,晨早6點又要起身送啲仔女返學。《真情》後又拍咗《皆大歡喜》,頭尾加埋差唔多10年冇停過。

© 由 New Media Group Digital Services Limited 提供

「曾經試過搵唔到工,養唔起班仔女。當年冇諗過可以紅到而家,所以一有機會,就梗係接啦!拍《富貴門》嗰時,因為卡士大,啲期好難就。開拍之前我一次過割 咗痔瘡同埋膽石,割完之後就即刻開劇喇!當時成日都心口痛,於是就入院檢查,點知原來膽管、胰臟同腹膜都發炎,加上又肺積水,已經出唔到院。」百病纏身,當時家燕姐已經寫定遺囑。「好記得阿肥(沈殿霞)當年都係割咗個膽,跟住就覺得周身唔舒服,同我嘅情況好似。3個仔女都喺美國,touch wood有咩事我都要同佢哋有個交代。」好彩,家燕媽媽大步檻過!

{"IPTC-DATA":"NMG","data":{"photoID":2123022}} © 由 New Media Group Digital Services Limited 提供 {"IPTC-DATA":"NMG","data":{"photoID":2123022}}

投資蝕3分1身家

曾經有間大學搵咗3千個小朋友做過調查,問佢哋心目中嘅爸爸媽媽係邊個。結果,佢哋揀咗李嘉誠做爸爸,而家燕媽媽就係佢哋心目中嘅媽媽。「我唱兒歌同埋製作兒童書籍,係想帶動小朋友有個好思維。所以我就向學校推廣《弟子規》一書(由家燕媽媽演繹孔子嘅教誨故事),引導佢哋學識德育嘅重要。」

© 由 New Media Group Digital Services Limited 提供

家燕媽媽坦白承認,而家辦學(家燕媽媽藝術中心)同埋搞品牌,比拍戲搵得更多。「當時唔識投資,而家識嘛!不過幾年前我都試過因為投資而蝕咗3分1身家。但係我唔會去諗喇!又唔係我1個人蝕。最近我都蝕咗7位數字(股票),其實只係個數字,我唔放都唔叫蝕咗。」

S © 由 New Media Group Digital Services Limited 提供 S

由抑鬱到想輕生,直到成為搞笑高手,氹番人開心,家燕媽媽睇得好開。「做嘢嘅過程會遇到好多困難,會諗唔到解決方法,我就同自己講,識得解決嘅事就做,唔識嘅就求救,如果人哋都幫唔到你,就擺埋一邊唔好理,船到橋頭自然直。惟有以呢種心態,先至可以面對挫折。」

薛家燕細女 在「母親的抉擇」做社工

家燕姐大女石祐珊在社交網站分享妹妹畢業禮的照片,留言:「Proud of this little one today !」見佢哋一家四口笑容滿面,尤其是家燕姐笑到四萬咁口,梗係啦!囡囡學有所成,而二子石耀庭6月成家立室,家燕姐更準備飲新抱茶,苦盡甘來,相信佢覺得好安慰!

家燕姐為珠珠引以為傲,早前她透露女兒自到泰北做義工後,感受幫助別人的喜悅而立志做社工。原來珠珠願望達成,現在於「母親的抉擇」工作做社工。而大女石祐珊在IG晒出合照,並留言:「Proud of this little one today(為你驕傲)#masterofsocialwork #smartestinthefamily #hku」見石耀珠着住畢業袍戴埋四方帽,笑得好開心!

薛家燕 © 由 New Media Group Digital Services Limited 提供 薛家燕

細女碩士畢業,薛家燕繼續黃袍加身,笑到見牙唔見眼!

© 由 New Media Group Digital Services Limited 提供

家燕姐話珠珠好有愛心,之前雙身去泰北教小朋友英文!

© 由 New Media Group Digital Services Limited 提供

兒子求婚成功薛家燕喊埋一份

薛家燕的30歲兒子石耀庭(Jackson)目前從事幕後製作,去年四月,在家姐石祐珊及好友王梓軒協助下,向圈外女友求婚。他向圈外女友Zoe表示要去看好友王梓軒的綵排,抵達九展後突然由石耀庭換上歌手位置向女友自彈自唱《愛很簡單》,接著更跳出電影《星聲夢裡人》的舞,最後更以99枝玫瑰及戒指跪地求婚,令女友Zoe感動落淚並應承求婚,家燕姐都感動到喊埋一份。

© 由 New Media Group Digital Services Limited 提供

而昨天係薛家燕兒子石耀庭與女友陳素怡(Zoe)結婚嘅大日子,家燕媽媽榮升做奶奶喇!大家都好期待家燕姐着上招牌黃袍登基衫榮升做新奶奶,但早上家燕姐揀著奶奶褂興奮娶新抱,開心到見牙唔見眼。榮升奶奶的她好錫新抱,豪送過百萬金器畀佢,當中包括兩對合共40萬的龍鳳鈪、巨型金豬牌、金鍊等,而酒席都係家燕姐包辦埋單,佢雖然未肯透露金額,但話娶新抱最緊要開心…

石耀庭早上先到尖沙嘴洲際酒店接新娘,下午在酒店進行證婚儀式,晚上在大禮堂設婚宴,筵開53席!榮升奶奶嘅家燕姐戴上玉器及金首飾,捧著金豬牌與一對新人合照!

© 由 New Media Group Digital Services Limited 提供

家燕姐話:「我同個仔講,最緊要愛錫老婆,佢都好乖,要繼續生性,兩公婆要容忍,錫多啲老婆,新抱好錫我個仔,好細心,個仔好有福氣。(一串六隻金豬係咪有寄語?)新抱都唔明乜嘢意思,我聽老人家講,買一排豬可以生多啲,但其實一、兩個都OK!」睇嚟佢真係非常恨抱孫呀! © 由 New Media Group Digital Services Limited 提供 © 由 New Media Group Digital Services Limited 提供

新娘子頸上的金豬、重量級的龍鳳鈪等,可謂閃爆全場,單是新娘手上的一對重量級「流星錘」龍鳳鈪,已超過港幣40多萬,全身行頭近百萬!

© 由 New Media Group Digital Services Limited 提供

家燕姐豪娶新抱,親家梗開心,新娘出嫁一刻緊抱媽媽,相當溫馨!

© 由 New Media Group Digital Services Limited 提供

© 由 New Media Group Digital Services Limited 提供 © 由 New Media Group Digital Services Limited 提供

新郎方面的「戥穿石」亦很熱鬧,今早一對新人出閣,除了名車出巡,更有大紅花轎迎親,派頭十足!

© 由 New Media Group Digital Services Limited 提供

踢轎門

© 由 New Media Group Digital Services Limited 提供 © 由 New Media Group Digital Services Limited 提供

出門喇!

© 由 New Media Group Digital Services Limited 提供

提到囝囝石耀庭和新抱Zoe早上敬茶令她感觸,她不禁眼濕濕,感覺終等到這一日,坦言下午簽紙儀式一對新人講誓詞一剎那更是喜極而泣,她說身旁的襯家都一樣,而她只哭了兩次而已。 © 由 New Media Group Digital Services Limited 提供 © 由 New Media Group Digital Services Limited 提供

© 由 New Media Group Digital Services Limited 提供

除了昨晚的婚宴,本月16日石耀庭會再搞派對,薛家燕話:「真係唔好意思,個仔今晚得一圍!」石耀庭續說:「係呀!所以只係請最熟嘅朋友嚟,16號喺尖沙咀搞party,請番自己嘅朋友。」 © 由 New Media Group Digital Services Limited 提供

© 由 New Media Group Digital Services Limited 提供

一對新人晚上於尖沙嘴洲際酒店大禮堂設婚宴,筵開53席,家燕姐於圈中一向人緣好,到場嘅賓客都係份量十足,其中「七公主」當中蕭芳芳、陳寶珠、岑芝華、王愛明、馮素波齊到賀,一對新人向5位長輩敬茶。

© 由 New Media Group Digital Services Limited 提供

一對新人石耀庭與陳素怡於台上發表感言,陳素怡首先感激父母及公公、婆婆,指自己儼如有兩對父母,一直獲他們愛護及照顧,即使自己性格任性也一一包容,當中婆婆由細睇到她大,又陪她到英國求學,每日教她中文,又給她煮飯,說到此時,素怡已淚流披面,耀庭見狀即為她遞上紙巾。

© 由 New Media Group Digital Services Limited 提供

徐小鳳表示今晚是她出席最感人的婚宴,由頭到尾每一個字都好感動,特別是一對新人及薛家燕致辭,而她自己都一直抹眼淚,也見到薛家燕都開心到落淚! © 由 New Media Group Digital Services Limited 提供

© 由 New Media Group Digital Services Limited 提供

佘詩曼出席婚宴時表示好戥家燕姐開心,她透露早前於白雪仙的壽宴中見到家燕姐,阿佘謂:「我嗰日都有問家燕姐,一日擺唔擺得晒,佢話要擺兩日,仲話阿仔投訴佢分得圍數少。」問到何時到她,她即笑住表示要開席閃走。

© 由 New Media Group Digital Services Limited 提供 © 由 New Media Group Digital Services Limited 提供

胡杏兒

© 由 New Media Group Digital Services Limited 提供

湯洛雯、吳嘉樂、楊怡

© 由 New Media Group Digital Services Limited 提供

陳敏之

© 由 New Media Group Digital Services Limited 提供

吳若希

汪明荃單拖到場,她表示:「因為老公羅家英到咗拉薩登台,今晚先返,應該嚟唔到,但家燕姐娶新抱喎,我一定要嚟啦!(送咩禮?)送現金最好,因為唔知一對新人鍾意啲乜嘢!其實今晚好開心,大家都知佢經歷唔簡單,又係單親媽媽,而啲仔女又咁乖,今晚佢娶新抱真係好戥佢開心!」

© 由 New Media Group Digital Services Limited 提供 © 由 New Media Group Digital Services Limited 提供

陳百祥、黃杏秀

© 由 New Media Group Digital Services Limited 提供 © 由 New Media Group Digital Services Limited 提供

姜麗文、秦沛

© 由 New Media Group Digital Services Limited 提供

李思捷

© 由 New Media Group Digital Services Limited 提供

歐陽震華夫婦

© 由 New Media Group Digital Services Limited 提供

李丞責、樂易玲、劉倩婷

© 由 New Media Group Digital Services Limited 提供

張慧儀

© 由 New Media Group Digital Services Limited 提供

王祖藍

© 由 New Media Group Digital Services Limited 提供

湯盈盈

© 由 New Media Group Digital Services Limited 提供

鄭丹瑞

© 由 New Media Group Digital Services Limited 提供

張玉珊

© 由 New Media Group Digital Services Limited 提供

蕭定一夫婦

© 由 New Media Group Digital Services Limited 提供

邵音音、葉念琛

【深宮計】變身太平公主過程曝光|陳煒 自己動手畫花鈿

陳煒 © 由 New Media Group Digital Services Limited 提供 陳煒

【深宮計】胡定欣頻現高低眉 |網友:得罪化妝師?

胡定欣 © 由 New Media Group Digital Services Limited 提供 胡定欣

《深宮計》宮女李美慧 被爆大肚趕嫁富商|繼女環保送BB衫

李美慧 © 由 New Media Group Digital Services Limited 提供 李美慧

【深宮計】死得人多!曾偉權被斬頭 陳煒下場仲慘⋯⋯

© 由 New Media Group Digital Services Limited 提供

《宮心計2》女星激多 邊個古裝look最索?

© 由 New Media Group Digital Services Limited 提供

【深宮計】籌百萬醫藥費|張慧儀獨力撫養患病養子

© 由 New Media Group Digital Services Limited 提供

【深宮計】童年遭街童欺凌4年 堅強張文慈 靠信仰走出陰霾

張文慈 © 由 New Media Group Digital Services Limited 提供 張文慈

馬浚偉劇透《深宮計》角色:絕對唔係正義L!

馬浚偉 © 由 New Media Group Digital Services Limited 提供 馬浚偉

【深宮計】羅霖演凍齡大宮女 狂呻拍通頂捱到殘

羅霖 © 由 New Media Group Digital Services Limited 提供 羅霖

馬浚偉入行25年:直覺唔會攞視帝

馬浚偉 © 由 New Media Group Digital Services Limited 提供 馬浚偉

更多 東方新地 的內容

image beaconimage beaconimage beacon