您使用的是較舊的瀏覽器版本。若要獲得最佳 MSN 體驗,請使用支援的版本

遺失一個月 吳若希廁所搵返婚戒

頭條日報 標誌頭條日報 11/1/2019 頭條日報

前晚,吳若希(Jinny)為仁愛堂周年慈善餐舞會演出,一到場即興奮表示要宣佈好消息,但並非有喜,只是她剛尋回已遺失一個月的婚戒,她坦言已非第一次遺失,好彩老公未有發現,笑言搵唔番會偷偷買過。

  Jinny大笑透露要搵番婚戒先敢同老公講,由於婚戒頗鬆,Jinny也擔心當晚會再次遺失,表示失而復得會更小心。戴住婚戒的她說;「自己瘦咗好多,都有虛位同埋幾鬆,證明我老公箍得我唔係咁實,但戒指可以改窄,自己都會特別小心。」

  問到戒指喺邊度搵番?原來喺舊屋廁所。「香港住嗰間屋放緊租,好彩未租出去,就係喺廁所啲罅發現。」無線勁歌金曲頒獎典禮今晚舉行,Jinny坦言無信心攞獎,只抱住參加聚會心情出席:「睇人哋攞獎自己都開心,獎項唔係重點,任何結果都無所謂。」

■因為太開心,Jinny一受訪即急不及待報料搵番婚戒。

■因為太開心,Jinny一受訪即急不及待報料搵番婚戒。
© 頭條日報

image beaconimage beaconimage beacon