您使用的是較舊的瀏覽器版本。若要獲得最佳 MSN 體驗,請使用支援的版本

陀B開工疑被走數 孫慧雪怒插:好無良

都市日報 標誌 都市日報 14/11/2017

今年7月才榮升媽咪的孫慧雪,昨日突然於社交網發文自爆疑似被走數!事緣,她於多月前挺住巨肚去開工,惟至今仍未收到酬勞,對頭人更忽然人間蒸發,搞到孫慧雪嬲到開Po爆Seed:「真係好無良!」仲話以後都會學精啲呀!

早前孫慧雪粗身大勢仍開工賺奶粉錢,惜至今仲未收到酬勞。

早前孫慧雪粗身大勢仍開工賺奶粉錢,惜至今仲未收到酬勞。
© image/jpg

孫慧雪(阿雪)於去年下嫁圈外男友羅天彥,今年7月便誕下兒子「小饅頭」Riley。產後專心湊仔的她不時於社交網分享BB萌照之餘,間中亦會做KOL、拍廣告賺外快。不過阿雪昨日突然於facebook貼出多張WhatsApp截圖,自爆懷孕期間接的Job至今仍未收到酬勞,疑似被「走數」。

阿雪留言大呻:「其實每次工作我都好盡力同好爽快地完成,然而每次追數都好似我要求人咁,有試過因為爭成年,我先開口問,都被人話我Chur住追數……但我真係做咗!自問都好有禮貌呀?點解要求出糧好似我做錯咁?呢單仲要大住肚來做,我覺得咁樣都走數,真係好無良,我好嬲呀!」

聽聞有其他人「中招」

事後,不少網民都表示戥阿雪唔抵,仲鬧爆該公司連「大肚婆血汗錢都呃」認真冇陰功,亦有人建議她公開涉事公司名稱。可是,阿雪卻回覆稱:「我呻吓得啦!多謝你哋!我再搵正確辦法解決,唔網上公審啦⋯⋯」並謂該公司的前員工否認是WhatsApp對話中的人,又聽聞有許多人已經「中招」,而該公司更改名繼續運作,惟有呼籲大家小心受騙。

阿雪昨日回應傳媒時直言感到十分無奈,又謂雙方多次合作,每次均以不同原因拖數,未料今次直頭走數,她慨嘆今次只好當買個教訓:「自己做咗嘢,應該係要攞返自己嘅人工,但嗰邊已經唔見咗人,所以我先至出Post,我已經預咗收唔返,但都想大家小心啲。將來我接Job都會簽返啲文件保障自己,以後都會學聰明啲!」

更多來自 娛樂 的內容

更多都市日報的內容

image beaconimage beaconimage beacon