您使用的是較舊的瀏覽器版本。若要獲得最佳 MSN 體驗,請使用支援的版本

陳伶俐晒大仔DSE成績 感謝兒子支持再婚

東方新地 標誌 東方新地 14/2/2018 東方新地

港姐出身、現年41歲的陳伶俐與前夫林敏驄育有兩個囝囝林肯(Lincoln)和林善(Yohji),2008年兩人宣布離婚後各自各精彩,陳伶俐於2012年再婚下嫁新加坡富豪老公劉頌銘,並於2014為對方誕下一子。上星期係大仔長子Lincoln嘅19歲生日,陳伶俐喺社交平台上載咗一張Lincoln嘅DSE成績單,全部科目都考獲5*或以上,成績彪炳!眼見囝囝咁生性,陳伶俐好安慰,喺社交網寫下一封感人嘅信俾兒子,仲話好感謝上天送給她「這對寶貝仔」,內容相當感人⋯⋯

撰文:東方新地

圖片:新傳媒圖片庫、陳伶俐Facebook

陳伶俐晒大仔DSE成績 感謝兒子支持再婚

長子Lincoln現於香港大學修讀工商管理學學士(lBGM),早前19歲生日,陳伶俐在FB大晒兒子DSE成績單,見佢全部科目都考獲5*或以上,成績好好,見囝囝咁懂事又係高材生,陳伶俐當然好放心!佢仲寫下給兒子的信,提到當年只得22歲嘅佢未婚懷孕,伶俐話要為自己嘅「任性」負責任,排除萬難把Lincoln帶來這個世上,而離婚後,懂事的Lincoln又鼓勵陳伶俐去拍拖,希望媽媽得到幸福。伶俐在信中講明以後都會全力支持仔仔,又叫佢好好享受大學生活。

陳伶俐 © 由 New Media Group Digital Services Limited 提供 陳伶俐

陳伶俐和大仔林肯!

陳伶俐 © 由 New Media Group Digital Services Limited 提供 陳伶俐

陳伶俐和兒子合照!

給Lincoln的信:

多謝乖仔你,很有心思和努力地…在2017年~我40歲~送了一份很大很大的禮物給我!還對我説:「媽咪,我好想為你做點事…..」我真的感到欣慰…更感動得…流下淚來…(放心,這是開心的淚)

19年前的今天…剛到22歲的我,不理世俗眼光…義無反顧…排除患難,堅決地把你帶來這裡…跟自己説:「要為自己的任性,負上一世責任!一定要好好把你養育成人!」就是這份任性,所以更努力工作…更拼命去生存~靠自己的一雙手,要做好母親的職責!

2010年,你鼓勵我去拍拖,跟我說:「找個男人好好錫你,倍下你去旅行玩下,都成33歳啦!成日做嘢都沒有認真去玩下…..」原來,11歳的你…知道我那廿幾歲的生活瑣碎事……

陳伶俐 © 由 New Media Group Digital Services Limited 提供 陳伶俐

陳伶俐喺社交平台上載咗一張Lincoln嘅DSE成績單,全部科目都考獲5*或以上,成績彪炳!

陳伶俐 © 由 New Media Group Digital Services Limited 提供 陳伶俐

陳伶俐的大仔林肯依家讀緊大學!

陳伶俐 © 由 New Media Group Digital Services Limited 提供 陳伶俐

陳伶俐大仔

2012年,我問你:「阿仔,點算好?有人竟然向我求婚…. 」你興奮地説:「梗係結啦!」但我答:「我怕…更怕失去你們…我會內疚的…」你搶著説:「到時我們成家立室,得你自己一個人,我們仲內疚啦!」

説到這裡……涙…今次是感觸感恩的涙…真的要多謝上天送給我「這對寶貝仔」~我的幸福快樂是你們送給我的❤️

今天,你就19歲了!媽咪真的好高興~高興的是你的懂事和生性,令我想起…那些過去…苦與樂…一切一切都是值得的!

多謝你陪我過渡那些年…那些事…!❤️

祝你生日快樂!身體健康!繼續享受你的大學生活~他日你想做什麼,我都一定會全力支持你的!

你也要好好享受和珍惜你的時光!

再一次多謝你…是你…成就了今天的我!

~乖仔Lincoln ~

永遠愛你的媽咪😘

陳伶俐 © 由 New Media Group Digital Services Limited 提供 陳伶俐

陳伶俐和兩個兒子的合照!

陳伶俐 © 由 New Media Group Digital Services Limited 提供 陳伶俐

陳伶俐

陳伶俐 再婚嫁得好

陳伶俐於12年下嫁新加坡富豪劉頌銘,做咗幸福少奶奶依然唔願停,繼兩年前開畫廊,近日再掟千萬開餐廳。14年為老公誕下金叵羅,加埋同林敏驄之前所生的兩名兒子,已是三子之母的她,可心急追多個女?劉太陳伶俐接受本刊記者訪問時,坦言已經放棄這個諗法:「我40歲之前就好心急,但依家41歲,驚自己兼顧唔到,順其自然啦!」老公是新加坡隱形富豪胡嘉烈後人,家族顯赫,最重要奶奶思想開通,從來冇催促,得到夫家上下厚愛,伶俐可以事業家庭兩兼顧!

陳伶俐 © 由 New Media Group Digital Services Limited 提供 陳伶俐

陳伶俐於12年下嫁新加坡富豪劉頌銘,二人人前人後都好恩愛!

陳伶俐 © 由 New Media Group Digital Services Limited 提供 陳伶俐

陳伶俐於2012年再婚下嫁新加坡富豪劉頌銘。

陳伶俐 © 由 New Media Group Digital Services Limited 提供 陳伶俐

陳伶俐同老公劉頌銘常周遊列國!

陳伶俐 愈忙愈有魄力

陳伶俐的富豪老公劉頌銘是新加坡人,近日她就孖老公在銅鑼灣開設新加坡餐廳,將當地美食砂煲田雞粥引入香港。繼兩年前開設畫廊,近日進軍飲食界,三子之母陳伶俐卻不嫌辛苦:「我鍾意做嘢,愈忙愈有魄力!加上自己過咗40歲,諗法唔同咗,唔想再嘥時間,想做自己鍾意又有滿足感嘅嘢!」

陳伶俐 © 由 New Media Group Digital Services Limited 提供 陳伶俐

陳伶俐同老公投資千萬開新加坡餐廳,餐廳籌備逾一年,由於要為餐廳及畫廊兩邊忙碌,這幾個月她就足足瘦了十幾磅,現時只剩107磅,雖然咁辛苦,但她就表示遺傳了父母潮州人性格,鍾意忙碌工作,愈忙愈興奮!

陳伶俐 © 由 New Media Group Digital Services Limited 提供 陳伶俐

陳伶俐圈中人緣甚廣,餐廳開幕前,她已不停搵朋友試菜,開幕當日黃佩霞、向海嵐、唐詩詠、梁文韜及陳建穎等圈中好友都有到賀。

萬千寵愛

陳伶俐坦言現階段可以專注自己興趣創業,除了多謝老公大力支持,亦多得大仔二仔成就她的夢想。「我託賴幾開心,囝囝好獨立好生性,成就咗媽咪去做自己鍾意嘅嘢,的確係幾感動,佢哋好似好朋友咁,有時又似男朋友咁去關心我,無論有乜開心唔開心,佢哋都會同我傾,加上佢哋好懂性,可能知道我好早做媽咪,以前有好多夢想未實現,所以佢哋好Backup我呢個年紀做番自己鍾意嘅嘢。」

陳伶俐 © 由 New Media Group Digital Services Limited 提供 陳伶俐

已是三子之母的陳伶俐,做咗幸福少奶奶,依然唔願停,努力發展自己事業。

陳伶俐 © 由 New Media Group Digital Services Limited 提供 陳伶俐

陳伶俐話要多謝老公同大仔二仔都好支持她成就自己的夢想。

陳伶俐 © 由 New Media Group Digital Services Limited 提供 陳伶俐

食神韜韜都有到場為陳伶俐開店剪綵。

大仔街頭表演

19歲大兒子林肯現於香港大學修讀工商管理學學士(lBGM),讀書叻外還有表演天份。陳伶俐一提兒子就滔滔不絕:「佢唱歌真係幾好,我都畀好多朋友聽過,不過佢好低調,唔想我講,佢怕見咗報,會影響佢嘅社交圈子,但我好開心,原來佢聖誕嘅時候,去咗尖沙咀街頭表演,最緊要佢做自己開心嘅嘢,我又唔會迫佢,只要唔好做壞事,唔好傷害人,佢做咩我都會支持佢!」陳伶俐表示三個兒子相處融洽:「雖然大嗰兩個仔,同細仔年紀都有段距離,但佢哋好鍾意同細佬玩,細仔就最幸福,係人都鍾意,萬千寵愛!」

陳伶俐 © 由 New Media Group Digital Services Limited 提供 陳伶俐

陳伶俐14年為老公誕下兒子Marengo,加埋同林敏驄之前所生的兩名兒子林肯及林善,已是三子之母。

陳伶俐 © 由 New Media Group Digital Services Limited 提供 陳伶俐

陳伶俐細仔已經3歲,她透露兩個哥哥同弟弟感情好好,讓弟弟受到萬千寵愛。

陳伶俐 © 由 New Media Group Digital Services Limited 提供 陳伶俐

陳伶俐同老公結婚五年多,至今仍非常恩愛,不時孖住出埠放閃,早前兩公婆又去了日本旅行,一起浸溫泉享受二人世界。

奶奶錫晒

婚後同老公搬入山頂布力徑獨立屋,陳伶俐更深得奶奶痛錫,獲贈位於新加坡聖淘沙價值億半港元的豪宅,問她同奶奶的相處之道,陳伶俐就表示:「始終佢哋係長輩,我覺得盡量配合番長輩要求,都係好簡單嘅事,大家坦白同尊重,譬如覺得有咩嘢唔妥,就一定會出聲,唔會收收埋埋,大家係互相尊重!」問伶俐奶奶可有給她生B壓力?陳伶俐就大讚奶奶:「佢係新加坡人,仲係大學生,你知嗰陣時嘅大學生,真係好Yeah!奶奶思想好開通,冇畀壓力我!」

陳伶俐 © 由 New Media Group Digital Services Limited 提供 陳伶俐

陳伶俐婚後同老爺奶奶相處融洽,奶奶對她更加錫到燶,日前餐廳開幕,伶俐同老公孖住老爺奶奶一齊合照,幸福到爆。

陳伶俐 © 由 New Media Group Digital Services Limited 提供 陳伶俐

陳伶俐因在意大利認識了幾位米芝蓮大廚朋友,令她同老公對食更有要求,因此萌起搞餐廳構想。

陳伶俐 © 由 New Media Group Digital Services Limited 提供 陳伶俐

陳伶俐婚後搬入夫家位於山頂布力徑過億獨立屋,同老爺奶奶一齊住,婆媳關係更好到經常一齊行街食飯,奶奶更送她新加坡市值億半豪宅做禮物。

譚仔三哥米線 鈉含量超標近倍

© 由 New Media Group Digital Services Limited 提供

TVB上位小花真身 江嘉敏初熟水著曝光

© 由 New Media Group Digital Services Limited 提供

更多 東方新地 的內容

image beaconimage beaconimage beacon