您使用的是較舊的瀏覽器版本。若要獲得最佳 MSN 體驗,請使用支援的版本

與老公三人行睇戲 吳日言 買餸煮飯學做人妻

頭條日報 標誌頭條日報 11/1/2017 頭條日報

上年10月,33歲的吳日言(Yan)與拍拖17年的男友Barry在沖繩秘婚,榮升林太的她,有計畫今年補擺喜酒,不過造人大計就順其自然,現時先享受二人世界。曾講過不是完美女朋友的她,決心做個盡責的妻子,早前她同女友人行完名店冇收穫,便去超巿買餸返屋企煮飯畀老公食。雖然結咗婚,但阿Yan都唔會唔理老友,聖誕同老公去睇戲都預埋好朋友。

  阿Yan 04年入行,事業上遇過不少波折,但她的終身大事,16歲就揀定咗。她自爆拍拖17年以來,曾經變心半年,不過與男友Barry分開後再復合,反而令兩人感情跨進一大步。她笑稱結婚兩個月,現時仍未習慣被人叫林太,至於生B計劃,她表示不是想有就有,但會努力,更坦言:「以前我未必係好好嘅女朋友,但將來會係一個好妻子。」

  捧金像影后場

    講得出做得到的阿Yan,早前同女友人在銅鑼灣時代廣場的LV睇鞋,試咗15分鐘,再轉到連卡佛睇衫,不過都係唔啱心水,之後到地庫的CitySuper買餸,買完肉再買菜,掃了一籃新鮮的食物返屋企煮飯。精打細算的她,買完嘢後仲細心檢查帳單才離開。事隔幾日在聖誕節正日,她與老公到銅鑼灣MCL睇Jennifer Lawrence主演嘅電影《太空潛航者》,同行還有女友人,只見三人一邊傾一邊步入戲院,老友記同老公都係身邊,明白Yan點解不時笑笑口。

  採訪:梁志明

■買唔到嘢,吳日言去行超巿,結果買了成籃食物。

■買唔到嘢,吳日言去行超巿,結果買了成籃食物。
© 頭條日報

更多來自 娛樂 的內容

image beaconimage beaconimage beacon