您使用的是較舊的瀏覽器版本。若要獲得最佳 MSN 體驗,請使用支援的版本

35歲月儲$16k 揀平穩增值股 煤氣港鐵騰訊|龔成信箱|經一專欄

經濟一週 標誌 經濟一週 22/3/2019 龔成

【經一專欄・平穩增值股】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括銀行股、收息股 、月供股票、手續費、潛力股,以及優質股等提問。

撰文:龔成|圖片:新傳媒資料庫、unsplash

1.平穩增值股

你好龔成老師,本人35歲, 想開始做月供股票投資, 扣除開資及現金儲蓄後, 每月多餘資金16k

打算月供如下:

$3,000 (3), $3,000 (66), $3,000 (700), $2,000 (778), $2,000 (808), $3,000 (2800)

由於股市現正下調 未知道今天開始月供還是遲少少先開始月供才對, 希望老師賜教 無言感激, 謝謝

 

龔成老師:

上述的都是有質素的股票,可以月供,長期進行,以你的年齡情況,這些股都是適合的,因為都是穩健,平穩增長型股票。至於現金與月供分配比例無問題,基本上可以開始。

月供股票的最大作用,就是分散風險,可以避少一次過在高位買入的風險,所以,只要股市不貴,基本上都可以進行,因為本身就是一個長期的策略,唔需要太理會短期升跌,以及這刻股市。

現時大市處合理水平,你以一邊月供,一邊儲現金,是最適合的,因此你可以進行。

(對照龔成信箱:Q8679)

2.財經網站

成兄,我見財經網站話恆生銀行有7元一股股息咁多咩?係咪攪錯左?

 

龔成老師:

佢正確的,不過佢顯示的,是恆生(0011)全年的派息。

佢一年派4次,中期3次上年度是$1.3,至於上年未期息是$3.1,合共就是$7。

即是你持有1股,一年就收$7,你持有1000股,一年就收到股息$7000。

(對照龔成信箱:Q8664)

【經一專欄・平穩增值股】圖片:新傳媒資料庫 © 由 New Media Group Digital Services Limited 提供 【經一專欄・平穩增值股】圖片:新傳媒資料庫

3.長飛(6869)

阿sir, 6869長飛光纖 我用每股盈利2蚊 市盈率10-15黎估值 你覺得如何?

我預期因為大陸5g 之後幾年都可以keep到17年左右嘅盈利

另外,新聞講內企債務問題嚴重 你認為需唔需要減持 比亞迪等內地企業黎降低風險?(我幫46歲的母親問的)(我自己23歲就冇打算減持)

 

龔成老師:

長飛(6869)有質素,基本上你的估值可以,但佢盈利增長好快,如果考慮埋風險,假設盈利有回落,情況就會唔同,所以最好考慮埋這個因素。所以,你可以用你的估值為基礎,同時考慮風險因素,而將最終的估值略為調低。

至於大陸負債情況,的確有這關題,比亞迪(1211)近年的負債水平都有增加,對於4X歲的人來說,比亞迪仍可持有,但比例上不會太多,而你則無問題。所以,如果佢持有的比亞迪太多,先要考慮減少少。

(對照龔成信箱:Q8665)

4.潛力股

成哥你好,有小小問題想請教你

本人27歲,而家既家庭收入7至10萬度

今年搞裝修結婚用左好多錢,黎緊手頭鬆小小可以儲返錢

現時財政狀況:

供樓大約18000 一個月

預計3-4年後有宿舍,到時會搬入去再出租而家呢層

家庭月供基金,保險同年金大約$10,000

入面已經儲到 20萬度,手頭現金20萬

而家見個市跌返啲, 想月供股票$7,000-$10,000度

想請教一下分配比率?

盈富、港燈、港鐵、比亞迪

至於銀娛同金沙應該點揀?

呢個組合會唔會太保守?

仲有咩潛力股可以推介?

唔該哂你呀

 

龔成老師:

之前開支大唔緊要,相信這刻開始你可以更儲到錢,以你的年齡情況,現時仍是累積財富的黃金時機,我建議你呢幾年努力少少儲錢投資,去到你有得住宿舍,情況會較好,到時反而可以輕鬆翻啲。

你可以做月供股票,選擇「平穩增值股」+「潛力股」,盈富(2800)、港鐵(0066)、中銀(2388)、銀娛(0027)、比亞迪(1211)、中生製藥(1177),都是適合你月供的,你不要理中短期股價波動,保持長期進行就得。

但要留意,唔好用盡現金,你這刻點都要儲下現金先,你可以一邊月供,一邊儲現金。同埋,你27歲,仍是黃金時期,把握這時期努力儲多點本金,同埋努力學投資,在選股、企業估值、投資時機上下功夫,長遠財富會好唔同。

(對照龔成信箱:Q8666)

5.港燈(2638)

龔Sir好、我今年63歲已退休,太太沒工作、孩子有工作。有一層樓供完了。

現在有0005匯豐及2318平保價值共$1,500,000, 銀行定期存款大約6.5百萬。

我想問是否應該拿出3~4百萬來投資股票。如果投資買什麼股 ?2800、1928、0939、1038 ok 嗎?

 

龔成老師:

你持有一定的現金,同時沒有負擔等問題,所以可以善用這些現金,你可以將其中一部分持有現金作定期,收息及備用。

另一部分則投資收息股,宜偏向低風險,以收息現金流為主,增值則是次要。你可以投資$300萬,投資5-10隻股票左右,建立一個平衡的組合,「收息股」+「平穩增值股」是可以的。

收息股如港燈(2638)、工行(1398)、建行(0939)、香港電訊(6823)、置富(0778)、陽光(0435)、合和公路(0737)、深高速(0548)等。

平穩增值股則包括盈富(2800)、長建(1038)、金沙(1928)、港鐵(0066)、中銀(2388)。

上述股票都適合你的,收息股所佔的比例可多少少,你建立一個組合,不要太集中在某一股就得。

另外,現時大市處合理水平,可投資,但由於未到平宜區,因此投資時要分注買入,同時要留有現金作備用。

(對照龔成信箱:Q8667)

6.優質企業

老師,我想問問,從notes(分析5年數據)中提到”營業額及盈利均平穩有增長”,請問是否嚴格點數字必須年年有所增長?

見到有些公司營業額很好,但在2013至2017年內其中一年營業額比上一年稍為退步,再到下一年改善左。在這情況下是否不被定為優質股?謝謝你的回覆。

 

龔成老師:

我地在選優質企業時,其中一指標是「營業額及盈利均平穩有增長」,這是指一個大方向情況,只要企業大致做到這情況,已經合格過關。

如果佢中間有1年生意下跌,只要情況不嚴重,而之後又能回升,我地都會比佢過關。當然,若仔細分析,就最好了解企業當年點解會出現生意下跌,又或盈利下跌,例如一些特殊虧損令盈利下跌,而預期之後唔會出現,這當然無問題。

但如果當中的下跌,是大環境的明顯改變,而預期這個不利情況將持續,咁就要小心。

企業評估表我真係研製左好耐,你可以盡量利用,對你分析企業質素、評分,都好有用的。

(對照龔成信箱:Q8668)

7.優質股

老師,如嚴選優質股時, 最好參考一些營運已有十年或以上的公司會比較安全?

 

龔成老師:

有多年營運的企業,我地會較為放心,就算巴菲特選股,都要求企業要有「穩定的經營歷史」。

企業有較長的經營歷史,同時我地見到佢一直都處於不錯的賺錢狀態,就算經歷經濟好壞都無問題的時候,我地就更能確認佢是優質企業。

(對照龔成信箱:Q8669)

8.收息股

唔該晒老師!!昨日買左你本50優質股本書!! 當中提及到隻939 想長遠收息 同 想長渣不放 .重貨可以嗎

謝謝老師!

 

龔成老師:

建行(0939)是書中其中一隻有質素的股票,可以投資,這股規模大,但增長力較弱,只可以當收息股,不要對股價有太大的期望。

另外任何股票都有少少風險,唔能夠過份集中,你可以長期持有、收息,但若太重貨,佔組合比例太多,咁就唔建議。

(對照龔成信箱:Q8671)

9.月供股票

你好,成哥!現在我的portfolio有:

3 香港中華煤氣 4000股

5 HSBC 817股

12 恆基 1000股

66 地鐵 3018股

1038 CKI 1000股

1211 BYD 1500股

1972 太古 800股

2800 Tracker Fund 1772股

想問下現時組合OK嗎?

之後每月可投資$40,000,應該如何分配(有冇邊隻提議/其他會好啲?)?心目中有呢幾隻股:12, 1972, 1928, 27, 388, 66, 2388, 1038, 823。

$40000裡面應該一路儲幾多%現金?

謝謝!!應該加點1211?

 

龔成老師:

你持有的,都是有質素的股票,基本上可以持續持有。匯豐(0005)增長力比過往年代較弱,應集中在收息,不要對股價有太大期望。長建(1038)近年股價較弱,但長遠仍不錯的,可持有。

現時組合無問題,你繼續持有就得。

至於每月$4萬,現時大市處合理水平,但就未到平宜區,你可以一邊月供股,一邊儲現金,你可以將其中$25,000去做月供股,比亞迪(1211)可以投資,但這股最好以月供模式進行,因為股價較為波動。

你可以月供恆基(0012)、銀娛(0027)、金沙(1928)、港交所(0388)、港鐵(0066)、長建(1038)、比亞迪。建立一個平衡的組合。

你唔需要理中短期股價的上落,長期保持月供就得。

(對照龔成信箱:Q8672)

10.銀行股

龔成老師你好,請問11和2388揀邊隻月供比較好呢?2388有人民幣業務和東南亞發展,是否比11優勝?

 

龔成老師:

在香港上市的眾多銀行股中,我最喜歡就是中銀(2388)同恆生(0011),這兩股都有投資價值。

中銀是3大發炒銀行之一,同時中資背景,長遠發展較好,人民幣因素是其一。發展海外市場則有危有機,香港是佢最賺錢的地方,其他地方則推動佢增長,同時會產生少少風險。

至於恆生,其實都好優質,賺錢能力不錯,發展大陸都是增長點,管理質素同企業的穩健度,都是銀行股中前列的,所以有投資價值。

兩者中,中銀增長力會好少少,但恆生就穩定少少。

(對照龔成信箱:Q8673)

更多來自 經濟一週 的內容

image beaconimage beaconimage beacon