您使用的是較舊的瀏覽器版本。若要獲得最佳 MSN 體驗,請使用支援的版本

唔迫人、打龍必到冬日絕景 日本 秋田阿仁樹冰

Gotrip.hk 標誌 Gotrip.hk 11/1/2017 遊日職人

N年前去山形藏王看樹冰,處處遊客迫滿人,轉足幾程纜車流足幾行鼻涕仆足幾次街,終於上到山頂,滿心以為可以睇到藍天白雪絕景樹冰,點知刮起大風雪,一眼望出去,能見度唔知有無1米,一場來到無理由空手而回,夾硬步出室外,行唔到去地藏菩薩位就要折返,差點以為自己會死在山頂,掃興而回。近年原來被遊客攻陷山形藏王樹冰已out,唔少識途老馬都轉咗場睇 秋田阿仁樹冰 !無論藍天銀白大地、黑夜滿天星光,當地日夜景樹冰都超級靚!‌

螢幕快照 2017-01-11 下午03.03.25 © 由 New Media Group Digital Services Limited 提供 螢幕快照 2017-01-11 下午03.03.25

今年阿仁森吉山的賞樹冰期由即日至3月5日。

Ani ski_004 © 由 New Media Group Digital Services Limited 提供 Ani ski_004 akita2 © 由 New Media Group Digital Services Limited 提供 akita2

看 秋田阿仁樹冰 的交通唔算複雜,一雞兩味順便坐埋觀光鐵道秋田內陸縱貫線,呢條線由角館開始,全長94.2公里共29個站,龍友最迷的在比立内駅為小火車打龍,由於火車班次唔多,想日歸去埋睇樹冰就留意返時刻表。樹冰就在阿仁滑雪場山頂,不過出咗火車站無車直到滑雪場,建議先預約好周遊計程車在「阿仁合」站,從車站出發大約廿分鐘就到達。

睇雪冰,唔係上雪山就睇到,樹冰出現要配合天時地利:

  1. 耐寒性強的常綠針葉樹木
  2. 積雪量須有2-3公尺,降雪量不能太多也不能太少
  3. 風向穩定,負五度以下的風

在日本只有東北地區藏王、森吉山、八甲田山、八幡平等山區才出能看到

花廿分鐘坐完全長3,473公尺登山纜車到達山頂站,沿途可高空睇到看到樹冰奇景。 © 由 New Media Group Digital Services Limited 提供 花廿分鐘坐完全長3,473公尺登山纜車到達山頂站,沿途可高空睇到看到樹冰奇景。

花廿分鐘坐完全長3,473公尺登山纜車到達山頂站,沿途可高空睇到看到樹冰奇景。

akita6 © 由 New Media Group Digital Services Limited 提供 akita6

樹冰的繞道步行只需30分鐘,難度唔高,大人細路都去得。

螢幕快照 2017-01-11 下午03.03.39 © 由 New Media Group Digital Services Limited 提供 螢幕快照 2017-01-11 下午03.03.39

從纜車的山麓站步行往樹冰平唔遠,可約導賞員帶路(需另收費),山上天氣難測,記得唔好隨便亂行。

秋田阿仁樹冰 就在森吉山頂,花廿分鐘坐完全長3,473公尺登山纜車到達山頂站(山麓駅),你可以選擇自己隨意走走,又或跟著收費的樹冰案內人(導覽員)走一圈,半小時的樹冰行程,導覽員會解說秋田阿仁樹冰的形成過程,還會帶大家去招牌打龍位影餐飽!去睇雪冰,好大風好凍,一定要做好禦寒準備,見過唔少人著錯鞋差點仆死,大家如果無帶雪靴,最好換上免費提供的雨靴(對襪一定要夠厚夠暖!)。日頭影完,唔夠喉,不妨參加埋夜之樹冰觀賞會,坐雪上車到山頂,睇埋滿佈星星的夜空,驚訝這無光害的世界,夜空原來可以有咁多星星咁靚!

ani12 © 由 New Media Group Digital Services Limited 提供 ani12

阿仁滑雪場雪道眾多,有不少適合初學者,好似我呢種悟性低學極唔識滑雪,都可以去睇吓樹冰消磨時間。

ani11 © 由 New Media Group Digital Services Limited 提供 ani11

坐雪上車到山頂,睇埋滿佈星星的夜空。

ani10 © 由 New Media Group Digital Services Limited 提供 ani10

樹冰靚唔靚? 完全睇天氣,我上次去藏王就咩都睇唔到。

夜之樹冰觀賞會

舉行日期:2月10-12、17-19、24-26日及3月3-5日

集合地點:山麓駅

集合時間:6pm-8pm

參加人數:5-15人

收費:成人¥2,500、小童¥1,500 (附熱飲)

螢幕快照 2017-01-11 下午03.03.07 © 由 New Media Group Digital Services Limited 提供 螢幕快照 2017-01-11 下午03.03.07

森吉山阿仁滑雪場

地址:秋田縣阿仁鍵ノ滝79-5

電話:+81-(0)186-82-3311

纜車票價及運行時間:8:30am-4pm,成人單程¥1,200、來回¥1,800

交通:秋田內陸線「阿仁合」站轉乘預約周遊計程車,車資每位¥1,100(兩人以上 每位¥900)

網址:www.aniski.jp

備註:2017年樹冰觀賞時期由即日至3月5日

更多 Gotrip.hk 的內容

image beaconimage beaconimage beacon