您使用的是較舊的瀏覽器版本。若要獲得最佳 MSN 體驗,請使用支援的版本

外遊要小心|10種常見 旅遊街頭騙案

Gotrip.hk 標誌 Gotrip.hk 27/1/2017 GOtrip編輯部

旅遊騙案層出不窮,旅人真係防不勝防,一唔小心受騙有損失,就大大影響旅行心情。唔好以為只係去到落後國家先有機會中招,其實去到歐美等大國一樣有機會出事!早前Just The Flight網站就為旅人挑選出40種常見騙案招式,讓大家知己知彼。Viviy都曾經試過在意大利街頭差點被小偷光顧、又試過在巴黎聖心堂的樓梯上成功避開手繩黨,所以出門前先做好功課,自己小心最重要,宜家先睇其中十項 旅遊街頭騙案 !

01 | 「友誼手帶」

如果去過歐洲的朋友應該對此方法唔會陌生,騙徒多數會喺著名景點等遊客經過,唔理三七廿一就將手帶綁喺你手,然後問你拎錢,又或者乘機偷你嘢!想避免中招,最好方法係見到有人拎住手帶行這來時有咁遠行咁遠,千祈唔好俾佢掂到你隻手。

常見於:巴黎、羅馬、巴塞隆拿、開羅

02 | 玫瑰送贈黨

同女朋友同遊時要小心,騙徒會將玫瑰送到你女友手上然後問你收錢,到時你自然唔俾唔得啦!

常見於:巴黎、羅馬、巴塞隆拿

旅遊街頭騙案 © 由 New Media Group Digital Services Limited 提供 旅遊街頭騙案

03 | 扮晒路不拾遺!跌戒子黨!

騙徒喺地上執起隻戒指然後問係咪你跌的,當你否認後佢就會check一check隻戒指,再同你講原來係金戒指,開個價叫你買。(呢個世界冇咁大隻蛤乸随街跳,警訊都有教大家便宜莫貪)

常見於:巴黎

04 | 拋B棄子

行行吓抱BB女人會將手中BB(其實係公仔)拋向你,當你手忙腳亂接住個BB時,佢嘅同黨已經將你袋內值錢野洗劫一空了。(呢個行為真係絕,利用人嘅同情心去聲東擊西)

常見於: 羅馬

05 | 「街頭偽人」表演、攝鏡變勒索

歐洲街頭經常有好多人表演,睇還睇,記得睇實自己個袋,你身邊的「觀眾」好有可能係偷走你野的同黨!

不過歐洲街頭有好多正當的賣藝者,如果錯過佢哋嘅表演會好可惜,都係果句,睇還睇,小心自己財物。

常見於: 巴黎、倫敦

LONDONFFEA © 由 New Media Group Digital Services Limited 提供 LONDONFFEA

06 | 先生,你跌咗銀包!

行係條街時有人問你地下跌既銀包係咪屬於你,唔少人都會下意識地摸吓自己放銀包個位,咁其實變相話俾個賊知你放銀包嘅位置,同黨就可以吊住你尾趁機做野!(個人覺得呢一個不適用於女士,皆因女士銀包好多花款,一睇就知地下嗰個唔屬於自己㗎啦!)

常見於: 羅馬、烏克蘭

旅遊街頭騙案 © 由 New Media Group Digital Services Limited 提供 旅遊街頭騙案

07 | 小姐,你條裙污糟咗!

呢個都算係經典又冇品的方法,將污糟野(e.g.茄汁)整落遊客年衫,然後扮好人去幫你清理,當然順手「清理」埋你既銀包電話啦!Viviy就有朋友喺西班牙中過招,成個銀包俾人偷走!

常見於: 里約熱內盧、布宜諾斯艾利斯

08 | 專呃好心人,刷鞋仔扮殷勤

刷鞋仔會在遊客面前特登跌咗個鞋擦,如果你幫佢執返,佢就會提出幫你擦鞋作為答謝。若然你接受,佢擦完鞋後就會問你收錢,殺你一個措手不及!

常見於:伊斯坦堡

09 | 賣迷迭香的女人

呢一招通常由上咗年紀的女性來負責,佢哋會假裝送你一小束迷迭香;跟住就會捉住你隻手幫你睇掌算命,當然,算完命就會問你收錢,如果你唔俾,佢就會開始詛咒你,甚至用好惡毒既字眼來「問候」你!

常見於:馬德里、新德里

10 | 免費攝影師

有冇試過去旅行時請當地人幫你影相?去到歐洲時要格外小心,騙徒會喺呢個時候主動過來幫你揸機影相,影完就大條道理問你攞錢;更差的例子,就有可能拎住你部相機或電話逃之夭夭。

常見於:歐洲各地

旅遊街頭騙案 © 由 New Media Group Digital Services Limited 提供 旅遊街頭騙案

原文刊登於 GOtrip 遊蹤

旅行‧最重要的小事 Facebook page︰http://www.facebook.com/viviy.travel

My Blog︰http://vv-chezmoi.blogspot.hk/

微博︰http://weibo.com/viviykwan

更多 Gotrip.hk 的內容

image beaconimage beaconimage beacon