మీరు ఒక పాత బ్రౌజర్ వెర్షన్ను ఉపయోగిస్తున్నారు. ఉత్తమ MSN అనుభవం కొరకు, దయచేసిసహకారం అందించు వెర్షన్ను ఉపయోగించండి.

‘కడువా’ వాయిదాపై పృథ్వీరాజ్ పోస్ట్ వైరల్.. శత్రువులే కారణమంటూ కామెంట్స్

తెలుగు సమయం లోగో తెలుగు సమయం 28-06-22
© తెలుగు సమయం ద్వారా అందించబడింది

దక్షిణాది చిత్రాల‌తో ఇక్క‌డి ప్రేక్ష‌కుల‌కే కాదు, బాలీవుడ్ సినిమాల్లో న‌టించి అక్క‌డి ప్రేక్ష‌కుల‌కు కూడా సుప‌రిచితుడైన న‌టుల్లో మ‌ల‌యాళ చిత్ర‌సీమ‌కు చెందిన వెర్స‌టైల్ హీరో పృథ్వీరాజ్ సుకుమారన్‌. ప్ర‌స్తుతం ఈయ‌న క‌థానాయ‌కుడిగా న‌టించిన చిత్రం క‌డువా. ఈ చిత్రాన్ని మ‌ల‌యాళంతో పాటు తెలుగులోకి కూడా అనువ‌దించారు. జూలై 1న సినిమాను రిలీజ్ చేయ‌డానికి సిద్ధ‌మ‌య్యారు. దాని ప్ర‌కారం ప్ర‌మోష‌న‌ల్ కార్య‌క్ర‌మాల‌ను కూడా పూర్తి చేసుకున్నారు. కానీ.. చివ‌ర‌కు ‘కడువా’ రిలీజ్‌ను ఇప్పుడు వాయిదా వేశారు. (Kaduva Postponed)

అయితే ‘కడువా’ (Kaduva) విడుద‌లపై పృథ్వీరాజ్ సుకుమారన్ (Prithviraj Sukumaran) చేసిన వ్యాఖ్య‌లు మాత్రం తెగ వైర‌ల్ అవుతున్నాయి. ‘‘కలలు పెద్దవిగా ఉన్న‌ప్పుడు అడ్డంకులు కూడా పెద్ద‌విగానే ఉంటాయి. శ‌త్రువులు బ‌ల‌వంతులు అయితే మ‌నం గ‌ట్టిగానే పోరాడాల్సి వ‌స్తుంది. అనివార్య కార‌ణాల‌తో క‌డువా చిత్రాన్ని వారం రోజుల పాటు వాయిదా వేస్తాం. జూలై 7న క‌డువా సినిమాను రిలీజ్ చేయ‌బోతున్నాం. వ‌ర‌ల్డ్ వైడ్‌గా మా చిత్రాన్ని విడుద‌ల చేయ‌డానికి ముందుకు వ‌చ్చిన డిస్ట్రిబ్యూట‌ర్స్‌, ఎగ్జిబిట‌ర్స్ అంద‌రికీ క్ష‌మాప‌ణ‌లు చెబుతున్నాను’’ అంటూ పృథ్వీరాజ్ త‌న సోష‌ల్ మీడియాలో పోస్ట్ చేశారు. ఆయ‌న‌లా పోస్ట్ చేయ‌టంపై ఇండ‌స్ట్రీలో భిన్న స్వ‌రాలు వినిపిస్తున్నాయి.

పృథ్వీరాజ్ త‌న సినిమాను వారం రోజుల పాటు అనివార్య కార‌ణాల‌తో వాయిదా వేస్తున్నామ‌ని చెప్ప‌టం వ‌ర‌కు ఓకే కానీ.. శ‌త్రువులు అంటూ ఇన్ డైరెక్ట్‌గా ఆయ‌న కామెంట్ చేయ‌డమే హాట్ టాపిక్‌గా మారింది. ఎవ‌రిని ఉద్దేశించి పృథ్వీరాజ్ వ్యాఖ్య‌లు చేశారనే దానిపై ఇండ‌స్ట్రీ వ‌ర్గాల్లో మాత్రం గుస‌గుస‌లు మొద‌ల‌య్యాయి. పృథ్వీరాజ్ త్వ‌ర‌లోనే ప్ర‌భాస్ హీరోగా న‌టిస్తోన్న పాన్ ఇండియా మూవీ స‌లార్‌ (Salaar)లో కీల‌క పాత్ర‌లో న‌టించ‌బోతున్న‌ట్లు రీసెంట్‌గా తెలియ‌జేశారు.

More from Telugu Samayam

image beaconimage beaconimage beacon