మీరు ఒక పాత బ్రౌజర్ వెర్షన్ను ఉపయోగిస్తున్నారు. ఉత్తమ MSN అనుభవం కొరకు, దయచేసిసహకారం అందించు వెర్షన్ను ఉపయోగించండి.

ఈ ఒక్క ఇంజెక్షన్‌తో 13 సంవత్సరాల వరకూ పిల్లలు పుట్టరట..

తెలుగు సమయం లోగో తెలుగు సమయం 19-12-19
© తెలుగు సమయం ద్వారా అందించబడింది

సంతానం కోసం ఎంత మంది ఎదురుచూస్తారో.. కొన్ని బాధ్యతల వల్ల అప్పుడే పిల్లలు వద్దనుకునే వారు కూడా కొంతమంది ఉంటారు. ఇలాంటి వారు కొన్ని ప్రత్యామ్నాయాలు వాడతారు. పురుషులు వెసెక్టమీ, స్త్రీలు మందులు మింగేవారు.. వీటి వల్ల కొన్నిరోజుల వరకు పిల్లలు పుట్టకుండా చేయొచ్చు. ఈ నేపథ్యంలోనే తాజాగా ఐసీఎంఆర్ సరికొత్త ప్రయత్నాలు చేసింది. ఫలితంగా ఓ ఇంజెక్షన్‌ని కనిపెట్టారు. దీని వేసుకోవడం వల్ల 13 సంవత్సరాల వరకూ సంతానానికి దూరం ఉండొచ్చని చెబుతున్నారు నిపుణులు.

ప్రపంచంలోనే తొలిసారిగా ఇలాంటి ఇంజెక్షన్ తయారీకి శ్రీకారం చుట్టిన ఐసీఎంఆర్ దీనికి డీసీజీఐ అనుమతులు రాగానే అందుబాటులోకి తీసుకొచ్చే ప్రయత్నం చేయనుంది. 2016 సంవత్సరంలోనే ఈ ప్రయోగం మొదలైనప్పటికీ ప్రయోగాలకు కాస్తా సమయం పట్టింది..

© తెలుగు సమయం ద్వారా అందించబడింది

ఎలా పనిచేస్తుంది..

రివర్సిబుల్ ఇన్‌హిబిషన్ ఆఫ్ స్పెర్మ్ అండర్ అని పేరు పెట్టిన ఈ ఇంజెక్షన్ ఎఫెక్టివ్‌గా పనిచేస్తుందని శాస్త్రజ్ఞులు భావిస్తున్నారు. ఇప్పటి వరకూ 303 మందిపై మూడు విడతల వారీగా ప్రయోగాలు జరిగాయని ఇందులో 97.3 శాతం సానుకూల ఫలితాలు వచ్చినట్లుగా శాస్త్రజ్ఞులు చెబుతున్నారు. దీనిని పురుషుల వృషణాల నుంచి వీర్యకణాలను మూత్రనాళానికి చేరవేసే నాళికకు మత్తు మందు ఇచ్చి ఈ ఇంజెక్షన్ వేస్తారు. ఈ ప్రయోగం పురుషుల్లో సానుకూల ఫలితాలు ఇచ్చిందని పరిశోధకులు చెబుతున్నారు. దీనిని వేసుకోవడం వల్ల సంతానానికి కారణమయ్యే వీర్యకణాలను నిర్వీర్యం చేస్తుందని చెబుతున్నారు.

ఈ ఇంజెక్షన్‌కి భారత ఔషధ నియంత్రణ మండలి ఆమోదం కోసం ఎదురు చూస్తున్నామని.. తక్కువ సమయంలోనే ఈ ఇంజెక్షన్‌కి ఆమోదం లభిస్తుంది.. రాగానే.. మార్కెట్‌లోకి అందుబాటులోకి రానుందని శాస్త్రవేత్తలు చెబుతున్నారు.

ఇప్పటి వరకూ ఎన్నో ప్రత్యామ్నాయాలు ఉన్నాయి. అవన్నీ కూడా తాత్కాలికంగా పనిచేస్తున్నాయి. కొన్ని ఫెయిల్ అయ్యే అవకాశాలు ఉంటున్నాయి. అయితే, ఈ ఇంజెక్షన్ అలా కాదు.. దీన్ని వాడడం వల్ల కచ్చితంగా 13 సంవత్సరాల వరకూ సంతానం కలగదని చెబుతున్నారు నిపుణులు. ఇప్పటి వరకూ ఈ సూదిమందుకోసం జరిగిన ప్రయోగాలలో అనుకూల ఫలితాలు రావడంతో దీనిని త్వరలోనే మార్కెట్‌లోకి తీసుకొచ్చేందుకు ప్రయత్నాలు జరుగుతున్నాయి.

© తెలుగు సమయం ద్వారా అందించబడింది

రోజురోజుకి జనాభా పెరుగుతుండడం, దంపతులు సరైన గర్భ నిరోధకాల కోసం ఎదురుచూడడం,ఇలాంటివన్నీ దృష్టిలో పెట్టుకుని శాస్త్రవేత్తలు ఈ సరికొత్త ఇంజెక్షన్‌ని తయారు చేసినట్లుగా చెబుతున్నారు. ఈ ఇంజెక్షన్ వాడడం వల్ల చాలా వరకూ అనుకూల ఫలితాలు ఉంటాయి. ఎలాంటి ప్రతికూల ఫలితాలు ఉండవని చెబుతున్నారు నిపుణులు. అయితే, ఇది అన్నీ అనుమతులు తీసుకుని ప్రయోగదశలను తట్టుకుని మార్కెట్లోకి వచ్చేందుకు కాసింత సమయం పడుతుందని చెబుతున్నారు నిపుణులు.

త్వరగా వివాహం జరిగి.. అనేక బాధ్యతలు కలిగిన దంపతులు అనేక కారణాల వల్ల పిల్లల్నీ కోరుకోరు. అలాంటివారికి ఈ ఇంజెక్షన్ బాగా ఉపయోగకరమని ఈ ఇంజెక్షన్‌ని కనుక్కున్న శాస్త్రవేత్తలు చెబుతున్నారు.

More from Telugu Samayam

image beaconimage beaconimage beacon