మీరు ఒక పాత బ్రౌజర్ వెర్షన్ను ఉపయోగిస్తున్నారు. ఉత్తమ MSN అనుభవం కొరకు, దయచేసిసహకారం అందించు వెర్షన్ను ఉపయోగించండి.

Myths And Facts on water: నీళ్లు ఎక్కువగా తాగితే.. బరువు తగ్గుతారా..?

తెలుగు సమయం లోగో తెలుగు సమయం 13-05-22
© తెలుగు సమయం ద్వారా అందించబడింది

నీళ్లు తాగితే బరువు తగ్గాతారంట..!, వేడి నీళ్లు తాగితే.. ఒంట్లో కొవ్వు కరిగిపోతుందంట..! ఎంత ఎక్కువగా నీరు తాగితే అంత త్వరగా బరువు తగ్గుతాం.. ఈ మాటలు మీరు చాలా సార్లు వినే ఉంటారు... నీళ్లు ఎక్కువగా తాగమని చాలా మంది మీకు సలహా ఇచ్చే ఉంటారు. మరి నీళ్లు తాగితే నిజంగా బరువు తగ్గుతారా.. నీరులో బరువు తగ్గించే కారకాలు ఉన్నాయా..!

గాలి తర్వాత జీవకోటికి నీరు అత్యంత అవసరమైన ప్రకృతి వనరు. నీరు.. ప్రాణకోటికి ఆధారం. పంచ భూతాల్లో ప్రధానమైనది. మానవ మనుగడ, భూగోళంపై ప్రాణకోటి వృద్ధికి నీరే ఆధారం అని మనకు చాలా బాగా తెలుసు. మన శరీరం సరిగ్గా పని చేయాలంటే.. నీరు అవసరం, నీళ్లు శరీరంలోని విష, వ్యర్థ పదార్థాలను క్లియర్‌ చేయడానికి సహాయపడుతుంది. శరీరం యొక్క మొత్తం పనితీరుని నీరు నియంత్రిస్తుంది. మరి నీరు మనం బరువు తగ్గడానికి సహాయపడుతుందా..? దీనిపై అపోహలు , వాస్తవాలు తెలుసుకోవాలంటే ఈ స్టోరీ చదివేయండి..

నీటికి బరువు తగ్గించే గుణం లేదు. నీటిలో బరువు తగ్గించే సహజ కారకాలు లేవు. ఒకవేళ మీరు నీటిలో బరువు తగ్గేందుకు సహాయపడే ఆకులు, సగంధ ద్రవ్యాలు కలిపి తాగితే.. మీరు సన్నబడే వీలుంది. కేవలం నీరు తాగితే.. మీరు బరువు తగ్గే ఛాన్సెస్‌ లేవు.

మీ నీళ్లు ఎక్కువగా తాగితే.. టీ, కాఫీ, డ్రింక్స్‌ తాగడానికి ఆసక్తి చూపరు. ఇవి తాగితే బరువు పెరిగే అవకాశం ఉంది. వీటికి దూరంగా ఉండి మీరు నీళ్లు ఎక్కువగా తాగితే.. మీ ఆరోగ్యం మెరుగుపడుతుంది. మీ బరువు అదుపులో ఉంటుంది.

అతి ఎప్పుడూ అనర్థదాయకం అనే మాట వినే ఉంటారు. ఏదైనా అతిగా చేయడం, తినడం, తాగడం లాంటివి చేస్తే.. ఆరోగ్యంపై ప్రతికూల ప్రభావం చూపిస్తుంది. మీ బాడీకి కావల్సిన దానికంటే ఎక్కువగా నీళ్లు తాగితే.. మీరు వాటర్ టాక్సిసిటీ అనే పరిస్థితికి గురవుతారు. అతిగా నీరు తాగితే.. శరీరంలో సోడియం స్థాయిలు తగ్గుతాయి. శరీరంలో సోడియం తక్కువగా ఉండటం.. ప్రాణాంతకం కావచ్చు. దీనిని దృష్టిలో ఉంచుకుని మీ శరీరానికి సరిపడా నీళ్లు తాగడం మంచిది.

కొంతమంది 6 గ్లాసుల నీళ్లు తాగినా హైడ్రెటెడ్‌గా ఉంటారు. కొంతమందికి 8 గ్లాసుల కంటే ఎక్కువ నీళ్లు తాగేవారు కూడా ఉన్నారు. కాబట్టి మీకు దాహంగా ఉన్నప్పుడు నీళ్లు తాగడం మంచిది. మిమ్మల్ని హైడ్రెటెడ్‌గా ఉంచుకోవడం మంచిది. కొంతమంది నీళ్లు తాగడం నిర్లక్ష్యం చేస్తారు. అలాంటి వారు 8 గ్లాస్‌ వాటర్‌ రూల్‌ ఫాలో అయితే వారి ఆరోగ్యానికి మంచిది.

బరువు తగ్గాలనుకునే వారు.. భోజనానికి ముందు నీరు తాగితే మంచిది. భోజనానికి ముందు నీరు తాగితే.. తినే ఆహారం క్వాంటిటీ తగ్గుతుంది. సాధారణంగా అదనంగా రోజుకు పావు లీటరు నుంచి ముప్పావు లీటరు నీరు తాగినవారు 68-205 కేలరీలు తక్కువగా తీసుకుంటుండటం గమనార్హం. అలాగే సోడియం 78-235 మిల్లీగ్రాములు, చక్కెర 5-17 గ్రాములు, కొలెస్ట్రాల్‌ 7-21 మిల్లీగ్రాములు తక్కువగా తీసుకుంటున్నట్టూ బయటపడింది. అదనంగా తీసుకునే నీటితో కడుపు నిండిన భావన కలుగుతుంది.తినేటప్పుడు నీరు అధికంగా తాగినట్లయితే ఎక్కువెక్కువగా తినటం తగ్గటమే కాదు.. కేలరీలు అధికంగా ఉండే తీపి పానీయాలు తాగటమూ తగ్గుతుంది. కేలరీలు, చక్కెర, కొవ్వులు తీసుకోవటం తగ్గితే బరువూ అదుపులో ఉంటుంది.

ఇండియన్ కౌన్సిల్ ఆఫ్ మెడికల్ రీసెర్చ్ యొక్క డైటరీ గైడ్‌లైన్స్ ప్రకారం.. ఒక సాధారణ వ్యక్తి రోజుకు కనీసం 2 లీటర్ల నీరు తాగాలని సూచించింది. వేసవి కాలంలో, ఎక్కువ పని చేసినప్పుడు ఈ పరిమాణం పెరుగుతుంది.

More from Telugu Samayam

image beaconimage beaconimage beacon