మీరు ఒక పాత బ్రౌజర్ వెర్షన్ను ఉపయోగిస్తున్నారు. ఉత్తమ MSN అనుభవం కొరకు, దయచేసిసహకారం అందించు వెర్షన్ను ఉపయోగించండి.

జగన్ సర్కార్ సంచలన నిర్ణయం.. సెకట్రరీ, పరిపాలన కార్యదర్శులకు కీలక బాధ్యతలు.. ఇక గ్రామ, వార్డు సచివాలయాల్లోనే!

తెలుగు సమయం లోగో తెలుగు సమయం 25-11-21
© తెలుగు సమయం ద్వారా అందించబడింది

జగన్ సర్కార్ మరో కీలక నిర్ణయం తీసుకుంది. గ్రామ, వార్డు, సెక్రట‌రీ, పరిపాలన కార్యదర్శులను సబ్‌ రిజిస్ట్రార్‌లుగా ప్రభుత్వం నియమించింది. వన్‌టైమ్‌ సెటిల్‌మెంట్‌ డాక్యుమెంట్ల రిజిస్ట్రేషన్‌ కోసం నియమిస్తూ ప్రభుత్వం ఉత్తర్వులు జారీ చేసింది.

జగనన్న శాశ్వత గృహ హక్కు పథకం అమలు కోసం ప్రభుత్వం ఈ నిర్ణయం తీసుకుంది. గ్రామ, వార్డు సచివాలయాల్లోనే రిజిస్ట్రేషన్లు చేయనున్నారు. రిజిస్ట్రేషన్‌ ప్రక్రియలో పూర్తి పారదర్శకత పాటించాలని సీఎం అధికారులకు సూచించారు.

అధికారులు సచివాలయాల్లో మౌలిక సదుపాయాల కల్పనతో పాటు సచివాలయ పంచాయతీ కార్యదర్శి, డిజిటల్‌ అసిస్టెంట్‌, ఇతర సిబ్బందికి ఆస్తుల రిజిస్ట్రేషన్ల విధానంపై శిక్షణ ఇస్తున్నారు. భూముల రీ-సర్వే జరిగే సచివాలయాల్లో రిజిస్ట్రేషన్లను నవంబరు 3వ వారంలో ప్రారంభించే విషయాన్ని ప్రభుత్వం పరిశీలిస్తుండటంతో సచివాలయాల్లోనూ ‘ఎనీవేర్‌ రిజిస్ట్రేషన్‌’ విధానం అమలుకు చర్యలు తీసుకోనున్నారు.

ఏపీలో వన్‌ టైమ్‌ సెటిల్‌మెంట్‌ పథకాన్ని అమలు చేస్తోంది. తనఖా పెట్టిన ఇంటి స్థలాలను ప్రైవేటు ఆస్తులుగా మారుస్తూ.. వారి పేర్లతోనే రిజిస్ట్రేషన్‌ చేయించాలని నిర్ణయించింది. రాష్ట్రంలో 1983 నుంచి 2011 ఆగస్టు 15 వరకు గృహ నిర్మాణ సంస్థ వద్ద స్థలాలను తనఖా పెట్టి.. ఇళ్ల నిర్మాణం కోసం రూ.9,320 కోట్లను పేదలు రుణంగా తీసుకున్నారు. దీనిపై వడ్డీ రూ.5,289 కోట్లు.. అసలు, వడ్డీ కలిపి రూ.14,609 కోట్లు అయ్యింది. ఈ రుణాన్ని వన్‌ టైమ్‌ సెటిల్‌మెంట్‌ పథకం కింద చెల్లింపులు చేస్తే, వారికి ఇంటి స్థల పత్రాలను అప్పగించడంతోపాటు వారి పేర్లతోనే రిజిష్ట్రేషన్‌ చేసి ఇస్తారు. తద్వారా వారికి పూర్తి హక్కులు వస్తాయి.

గృహ నిర్మాణ సంస్థ నుంచి రుణాలు పొందిన వారిలో.. గ్రామీణ ప్రాంతాలవారైతే రూ.10 వేలు, మున్సిపాల్టీల్లో ఉండేవారు రూ.15 వేలు, నగర పాలక సంస్థల్లోవారు రూ.20 వేలను వన్‌ టైమ్‌ సెటిల్‌మెంట్‌ కింద చెల్లిస్తే సరిపోతుంది. గృహ నిర్మాణ సంస్థ నుంచి రుణం తీసుకుని నిర్మించుకున్న ఇంటిని ఒకవేళ ఎవరికైనా అమ్మిన పక్షంలో.. ఆ ఇంటిని కొనుగోలు చేసిన వారికి మరెక్కడా ఇంటి స్థలం లేకపోతే.. వారు పేద వారైతే అలాంటి వారికి గ్రామీణ ప్రాంతాల్లో రూ.20 వేలు, మున్సిపాల్టీల్లో రూ.30 వేలు, నగర పాలక సంస్థల్లో రూ.40 వేలు ఈ పథకం కింద చెల్లించాలి.

గృహ నిర్మాణ సంస్థ నుంచి రుణం తీసుకోకుండా సొంతంగా ఇల్లు కట్టుకుని ఉంటే, రూ.10 చెల్లిస్తే వారికి ఇంటి స్థలంపై ప్రభుత్వం హక్కులు కల్పిస్తుంది. ఇలాంటి స్థలాన్ని కొనుగోలు చేసిన వారికి మరెక్కడా ఇంటి స్థలం లేకపోతే.. వారు పేద వారైతే గ్రామీణ ప్రాంతాల్లో రూ.10 వేలు, మున్సిపాల్టీల్లో రూ.15 వేలు, నగర పాలక సంస్థల్లో రూ.20 వేలను చెల్లించి పూర్తి హక్కులు పొందవచ్చు. వన్‌టైమ్‌ సెటిల్‌మెంట్‌ పథకం కింద చెల్లింపులు చేయడానికి తుది గడువు డిసెంబర్‌ 15. చెల్లింపులు చేసిన వారికి డిసెంబర్‌ 21న ఇంటి స్థలం పత్రాలను అప్పగిండచంతో పాటు వారి పేర్లతోనే రెవెన్యూ అధికారులు రిజిస్ట్రేషన్‌ చేయించి పూర్తి హక్కులు కల్పిస్తారు.

More from Telugu Samayam

image beaconimage beaconimage beacon