మీరు ఒక పాత బ్రౌజర్ వెర్షన్ను ఉపయోగిస్తున్నారు. ఉత్తమ MSN అనుభవం కొరకు, దయచేసిసహకారం అందించు వెర్షన్ను ఉపయోగించండి.

ఐర్లాండ్‌పై ఉత్కంఠ టీ20లో భారత్ గెలుపు.. ఆఖరి ఓవర్‌లో టెన్షన్

తెలుగు సమయం లోగో తెలుగు సమయం 28-06-22
© తెలుగు సమయం ద్వారా అందించబడింది

భారత్, ఐర్లాండ్ మధ్య మంగళవారం రాత్రి జరిగిన రెండో టీ20 మ్యాచ్ ఉత్కంఠ‌గా ముగిసింది. డబ్లిన్ వేదికగా జరిగిన ఈ మ్యాచ్‌లో ఫస్ట్ బ్యాటింగ్ చేసిన భారత్ జట్టు 7 వికెట్ల నష్టానికి 225 పరుగులు చేయగా.. ఛేదనలో దూకుడుగా ఆడిన ఐర్లాండ్ టీమ్.. టీమిండియాకి చివర్లో చెమటలు పట్టించేసింది. అయితే.. యువ ఫాస్ట్ బౌలర్ ఉమ్రాన్ మాలిక్ లాస్ట్ ఓవర్‌లో కాస్త తెలివిగా బౌలింగ్ చేయడంతో భారత్ జట్టు 4 పరుగుల తేడాతో గెలిచి ఊపిరి పీల్చుకుంది. ఈ మ్యాచ్‌తో ఐర్లాండ్ గడ్డపై టీమిండియా పర్యటన ముగియగా.. రెండు టీ20ల సిరీస్‌ని భారత్ జట్టు 2-0తో కైవసం చేసుకుంది.

మ్యాచ్‌లో టాస్ గెలిచి మొదట బ్యాటింగ్ చేసిన టీమిండియా నిర్ణీత 20 ఓవర్లలో 7 వికెట్ల నష్టానికి 225 పరుగులు చేసింది. టీమ్‌లో దీపక్ హుడా (104: 57 బంతుల్లో 9x4, 6x6) సెంచరీ నమోదు చేయగా.. ఓపెనర్‌గా ఆడిన సంజు శాంసన్ (77: 42 బంతుల్లో 9x4, 4x6) అర్ధశతకం బాదేశాడు. అయితే.. చివర్లో దినేశ్ కార్తీక్ (0), అక్షర్ పటేల్ (0) విఫలమవగా.. కెప్టెన్ హార్దిక్ పాండ్య (13 నాటౌట్: 9 బంతుల్లో 2x4) భారీ షాట్లు ఆడలేకపోయాడు. దాంతో.. భారత్ 225 పరుగులతోనే సరిపెట్టుకోవాల్సి వచ్చింది. ఐర్లాండ్ బౌలర్లలో మార్క్ అడైర్ మూడు వికెట్లు పడగొట్టగా.. జాషువా లిటిల్, క్రైగ్ యంగ్ చెరో రెండు వికెట్లు తీశారు.

More from Telugu Samayam

image beaconimage beaconimage beacon