మీరు ఒక పాత బ్రౌజర్ వెర్షన్ను ఉపయోగిస్తున్నారు. ఉత్తమ MSN అనుభవం కొరకు, దయచేసిసహకారం అందించు వెర్షన్ను ఉపయోగించండి.

Post Pregnancy Diet: డెలివరీ తర్వాత.. ఈ ఆహారం తినకూడదు..!

తెలుగు సమయం లోగో తెలుగు సమయం 29-09-22

Post Pregnancy Diet: డెలివరీ తర్వాత మహిళలు మానసికంగానూ, శారీరకంగానూ ఎంతో ఒత్తిడికి గురవుతారు. డెలివరీ టైమ్‌లో రక్తం పోవడం, ఒత్తిడి, మానసిక ఆందోళన... లాంటి కారణాల వల్ల మహిళలు నీరసించి పోతారు. నీరసం, నిస్సత్తువ నుంచి కోలుకొని, ముందులా యాక్టివ్‌గా అవ్వాలంటే.. వారి డైట్‌ విషయంలో ఎన్నో జాగ్రత్తలు తీసుకోవాల్సి ఉంటుంది. డెలివరీ తర్వత కొన్ని ఆహార పదార్థాలకు దూరంగా ఉండాలని వైద్యులు సూచిస్తున్నారు. అవి తినడం వల్ల తల్లి, బిడ్డ ఆరోగ్యంపై ప్రభావం పడుతుందని అంటున్నారు. బాలింతలు తినకూడని ఆహారం ఏమిటో చూసేయండి.

Post Pregnancy Diet: డెలివరీ తర్వాత.. ఈ ఆహారం తినకూడదు..! © తెలుగు సమయం ద్వారా అందించబడింది Post Pregnancy Diet: డెలివరీ తర్వాత.. ఈ ఆహారం తినకూడదు..!

Post Pregnancy Diet: ఓ బిడ్డుకు జన్మనిచ్చి.. ఈ భూమి మీదుకు తీసుకురావడం.. ప్రతి అమ్మ జీవితంలోనే అద్భుత క్షణాలని చెప్పొచ్చు. ఆ ఫీలింగ్ దేనితోనూ పోల్చలేనిది. డెలివరీ తర్వాత మహిళలలో ఎన్నో మార్పులు వస్తాయి. మానసికంగానూ, శారీరకంగానూ ఎంతో ఒత్తిడికి గురవుతారు. డెలివరీ టైమ్‌లో రక్తం పోవడం, ఒత్తిడి, మానసిక ఆందోళన... లాంటి కారణాల వల్ల మహిళలు నీరసించి పోతారు. నీరసం, నిస్సత్తువ నుంచి కోలుకొని, ముందులా యాక్టివ్‌గా అవ్వాలంటే.. వారి డైట్‌ విషయంలో ఎన్నో జాగ్రత్తలు తీసుకోవాల్సి ఉంటుంది. అమ్మలు తినే ఆహారం.. పిల్లల ఆరోగ్యంపైనా ఎఫెక్ట్‌ చూపిస్తుంది. ఈ విషయాన్ని దృష్టిలో ఉంచుకొని సరైన ఆహారం తీసుకోవాలి. డెలివరీ తర్వత కొన్ని ఆహార పదార్థాలకు దూరంగా ఉండాలని వైద్యులు సూచిస్తున్నారు. అవి తినడం వల్ల తల్లి, బిడ్డ ఆరోగ్యంపై ప్రభావం పడుతుందని అంటున్నారు. బాలింతలు తినకూడని ఆహారం ఏమిటో చూసేయండి.

ఫాస్ట్‌ ఫుడ్‌కు దూరంగా ఉండండి..

ఫాస్ట్‌ ఫుడ్‌కు దూరంగా ఉండండి.. © తెలుగు సమయం ద్వారా అందించబడింది ఫాస్ట్‌ ఫుడ్‌కు దూరంగా ఉండండి..

పెగ్నెన్సీ సమయంలో చాలా మంది బరువు పెరుగుతారు. డెలివరీ తర్వాత వెయిట్‌ తగ్గడానికి ప్రయత్నాలు చేయాలి. జంక్‌ ఫుడ్‌, ఫాస్ట్‌ ఫుడ్‌, ప్రాసెస్డ్‌ ఫుడ్‌కు దూరంగా ఉండాలి. కొత్త తల్లులు పోషక ఆహారం, ఆరోగ్యకరమైన ఆహారం మాత్రమే తీసుకోవాలి. జంక్‌ ఫుడ్ కారణంగా బరువు పెరుగుతారు. జంక్ ఫుడ్, ప్రాసెస్‌ చేసిన ఆహారాల్లో కేలరీలు, కొవ్వు, చక్కెర, ఉప్పు ఎక్కువగా ఉంటాయి. విటమిన్లు, మినరల్స్‌, ఫైబర్ వంటి పోషకాలు తక్కువగా ఉంటాయి. వీలైనంత వరకు తాజా ఆహారం తినడానికి ప్రయత్నించండి. చిప్స్‌, కుక్కీస్ లాంటి ప్యాకెట్‌ ఫుడ్‌ తినే బదులు.. ఇంట్లో ఉండే చిరుతిళ్లు తింటే ఆరోగ్యంపై దుష్ప్రభావం పడదు.

​సాఫ్ట్‌ డ్రింక్స్ వద్దు..

​సాఫ్ట్‌ డ్రింక్స్ వద్దు.. © తెలుగు సమయం ద్వారా అందించబడింది ​సాఫ్ట్‌ డ్రింక్స్ వద్దు..

డెలివరీ తర్వాత డ్రింక్స్‌, ప్రాసెస్డ్‌ జ్యూస్‌లు లాంటివి అసలు తీసుకోవద్దని వైద్యులు సూచిస్తున్నారు. వీటిలో ఎలాంటి పోషకాలు ఉండవు. సోడా/కూల్‌‌ డ్రింక్స్ తాగినప్పుడు మీకు కొంచెం ప్రశాంతంగా ఉన్నట్లు అనిపించినా.. వాటిలో ఉండే చక్కర వల్ల తర్వతా మీరు అలసటగా ఫీల్‌ అవుతారు. డ్రింక్స్‌‌లో చక్కెర స్థాయిలు చాలా ఎక్కువగా ఉంటాయి. డెలివరీ తర్వాత ఇవి తాగతే.. మీరు బరువు పెరిగే ప్రమాదం ఉంది. మీ చిన్నారిపైనా ఈ ఎఫెక్ట్‌ పడుతుంది. బిడ్డకు జన్మనిచ్చిన తర్వత కొన్ని నెలలు సాఫ్ట్‌ డ్రింక్స్ దూరంగా పెట్టడమే మంచిది.

కాఫీ, టీలు తగ్గించండి

కాఫీ, టీలు తగ్గించండి © తెలుగు సమయం ద్వారా అందించబడింది కాఫీ, టీలు తగ్గించండి

చాలా మందికి కాఫీ, టీలు తాగకపోతే.. ఉండలేరు. డెలివరీ అయిన తర్వాత.. కాఫీ, టీలను మొత్తం మానేయండని చెప్పట్లేదు కానీ.. తగ్గిస్తేనే మంచిది. రోజుకు ఒకటి, రెండు కప్పులు తాగినా పెద్ద సమస్య ఉండదు. కొంతమంది అదే పనిగా అవి తాగుతారు.. ఇలా చేస్తే.. శరీరంలో కెఫిన్‌ స్థాయిలు పెరిగి బిడ్డకిచ్చే పాల ద్వారా.. వారి శరీరంలోకి వెళ్తుంది. కెఫిన్‌ పిల్లలకు హాని చేస్తుంది. కెఫిన్‌ కారణంగా వారికి చికాకుగా, గందరగోళంగా ఉంటుంది. పిల్లలకు సరిగా నిద్రపట్టదు. వారికి సరిగా నిద్రలేకపోతే.. ఆరోగ్యంపై ప్రభావం చూపే అవకాశం ఉంది. దీని దృష్టిలో ఉంచుకుని బాలింతలు కాఫీ, టీలను కొంత తగ్గిస్తేనే మంచిది.

​మెర్క్యురీ కంటెంట్ ఉన్న చేపలకు దూరంగా ఉండండి..

​మెర్క్యురీ కంటెంట్ ఉన్న చేపలకు దూరంగా ఉండండి.. © తెలుగు సమయం ద్వారా అందించబడింది ​మెర్క్యురీ కంటెంట్ ఉన్న చేపలకు దూరంగా ఉండండి..

సీ ఫుడ్‌లో లీన్ ప్రోటిన్‌, ఆరోగ్యకరమైన కొవ్వు పదార్థాలు, పోషక విలువలు ఎక్కువగానే ఉంటాయి. కానీ, కొన్ని రకాల చేపలలో మెర్క్యరీ కంటెంట్‌ ఎక్కువగా ఉంటుంది. ఇది పాల ద్వారా పిల్లల శరీరంలోకి వెళ్తే.. వారికి హాని చేస్తుంది. స్వోర్డ్ ఫిష్, షార్క్, టైల్ ఫిష్, కింగ్ మాకెరెల్ వంటి వాటిలో మెర్క్యూరీ లెవల్ ఎక్కువగా ఉంటుంది. కాబట్టి ఈ చేపలకు దూరంగా ఉండటమే మంచిది.

ఇవి తీసుకోండి..

ఇవి తీసుకోండి.. © తెలుగు సమయం ద్వారా అందించబడింది ఇవి తీసుకోండి..

⦁ ప్రసవమయ్యాక కొన్నిరోజులపాటు తేలికగా జీర్ణమయ్యే, బలవర్థకమైన ఆహారం ఇవ్వాలి. అప్పుడే పాలు బిడ్డకు కావలసినన్ని పడతాయి. ముఖ్యంగా మంచి నెయ్యి ఎక్కువగా తినాలి.

⦁ బీర, పొట్ల, సొర, కాకర, క్యారెట్‌, బీట్‌రూట్‌, బెండ వంటి కూరగాయలను వారి డైట్‌లో చేర్చాలి. బ్రోకలీ, బచ్చలికూర, కాలే వంటి ఆకు కూరల్లో కేలరీలు తక్కువగా ఉంటాయి. వాటిలో కాల్షియం, ఐరన్ ఉంటాయి. ఇవి తల్లి పాలు పెంచుతాయి.

⦁ జీడిపప్పు, బాదం, వాల్‌నట్స్ వంటి నట్స్‌లో శరీరాన్ని పోషించే పోషకాలు పుష్కలంగా ఉంటాయి. నట్స్‌లో ప్రోటీన్, ఐరన్, కాల్షియం, జింక్, విటమిన్లు కె, బి, ఇ పుష్కలంగా ఉంటాయి. ఇవి తింటే.. పోయిన ఎనర్జీ తిరిగి వస్తుంది.

⦁ ఆహారంలో మెంతులు, జీలకర్ర, గసగసాలు, ఇంగువ, వాము, ధనియాలు ఎక్కువగా వాడాలి. ఇవి పాలుపడేలా చేయడంతో పాటు గర్భాశయం కుంచించుకుపోవడానికి, రక్తస్రావం తగ్గడానికి, నొప్పుల నుంచి ఉపశమనం లభిస్తుంది.

⦁ ప్రసవ సమయంలో చాలా రక్తం, చెమట ద్వారా ఒంట్లోని నీటి శాతాన్ని కూడా కోల్పోతారు. కాబట్టి లిక్విడ్‌ ఫుడ్ ఇవ్వాలి. బాలింతలకు పథ్యం పేరుతో కొన్ని పదార్థాలను తిననివ్వరు. ఇది మంచి పద్ధతి కాదు. వారికి నచ్చిన ఆహారాన్ని ఇవ్వాలి.వాటిలో పోషకాహారం ఉండేలా చూసుకోవాలి.

గమనిక:

ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

More from Telugu Samayam

image beaconimage beaconimage beacon