మీరు ఒక పాత బ్రౌజర్ వెర్షన్ను ఉపయోగిస్తున్నారు. ఉత్తమ MSN అనుభవం కొరకు, దయచేసిసహకారం అందించు వెర్షన్ను ఉపయోగించండి.

Saha ఫిట్‌నెస్‌పై కెప్టెన్ విరాట్ కోహ్లీ క్లారిటీ.. కేఎస్ భరత్‌కి నిరాశ తప్పదా?

తెలుగు సమయం లోగో తెలుగు సమయం 02-12-21
© తెలుగు సమయం ద్వారా అందించబడింది

న్యూజిలాండ్‌తో రెండో టెస్టు ముంగిట టీమిండియాకి ఉత్సాహానిచ్చే వార్త. సీనియర్ వికెట్ కీపర్ సాహా పూర్తి స్థాయిలో ఫిట్‌నెస్ సాధించాడని కెప్టెన్ విరాట్ కోహ్లీ గురువారం ప్రకటించాడు. వాంఖడే వేదికగా భారత్, న్యూజిలాండ్ మధ్య శుక్రవారం నుంచి రెండో టెస్టు మ్యాచ్ ప్రారంభంకానుండగా.. గత సోమవారం కాన్పూర్ వేదికగా ముగిసిన తొలి టెస్టులో మెడ నొప్పి కారణంగా కీపింగ్‌కి సాహా దూరంగా ఉన్న విషయం తెలిసిందే. తెలుగు క్రికెటర్ కేఎస్ భరత్.. రెండు ఇన్నింగ్స్‌ల్లోనూ కీపింగ్ బాధ్యతలు నిర్వర్తించాడు.

కాన్పూర్ టెస్టులో కేఎస్ భరత్ వికెట్ కీపింగ్ స్కిల్స్‌కి మాజీ క్రికెటర్లు ఫిదా అయిపోయారు. వికెట్ల వెనుక చురుగ్గా కదిలిన కేఎస్ భరత్.. చక్కగా క్యాచ్‌లను పట్టడంతో పాటు వేగంగా స్టంపౌట్‌‌లతో మహేంద్రసింగ్ ధోనీని తలపించాడు. దాంతో.. వాంఖడే టెస్టులో కేఎస్ భరత్‌ని తుది జట్టులో ఆడించాలనే డిమాండ్ పెరిగిపోయింది. కానీ.. కాన్పూర్ టెస్టులో తొలి ఇన్నింగ్స్‌లో ఒక పరుగు మాత్రమే చేసిన సాహా.. రెండో ఇన్నింగ్స్‌లో విలువైన హాఫ్ సెంచరీ (61 నాటౌట్) నమోదు చేశాడు. సుదీర్ఘకాలం తర్వాత మళ్లీ ఫామ్ అందుకోవడం ద్వారా సాహా తన స్థానాన్ని నిలబెట్టుకోగలిగినట్లు తెలుస్తోంది.

కేఎస్ భరత్ వికెట్ కీపింగ్‌లోనూ కొన్ని లోపాలు కనిపించాయి. అశ్విన్, జడేజా విసిరిన కొన్ని బంతుల్ని వికెట్ల వెనుక భరత్ అందుకోలేకపోయాడు. దాంతో.. బైస్ రూపంలో కివీస్‌కి కొన్ని పరుగులు వచ్చాయి. భారత్ పిచ్‌లపై టెస్టు మ్యాచ్ జరిగేకొద్దీ.. బంతి ఒక్కోసారి ఊహించని విధంగా టర్న్ అవుతూ ఉంటుంది. ఆ బంతుల్ని సైతం సాహా అందుకోగలడు. కానీ.. భరత్ ఆ విషయం ఇంకాస్త అనుభవం సాధించాల్సి ఉంది.

‘‘సాహా ఫిట్‌నెస్ సాధించాడు. అతనికి మెడ నొప్పి పూర్తిగా తగ్గిపోయింది. వాంఖడేలో వాతావరణ పరిస్థితులు, పిచ్‌ని బట్టి జట్టు కాంబినేషన్‌పై ఓ నిర్ణయం తీసుకుంటాం’’ అని విరాట్ కోహ్లీ వెల్లడించాడు.

More from Telugu Samayam

image beaconimage beaconimage beacon