您使用的是較舊的瀏覽器版本。若要獲得最佳 MSN 體驗,請使用支援的版本

拍拖年半翟威廉肯用避孕套 麥貝夷被食完唱 喊爆拒認「炮友」

頭條日報 標誌頭條日報 14/4/2021
一講即喊 ■被「賤男」舊愛「食」完唱又被網民鬧自作多情,麥貝夷忍唔住爆喊。但對於呢件事煩到翟威廉,她竟然話:「唔好意思,我唔想見到認識嘅人煩!」 © 由 頭條日報 提供 一講即喊 ■被「賤男」舊愛「食」完唱又被網民鬧自作多情,麥貝夷忍唔住爆喊。但對於呢件事煩到翟威廉,她竟然話:「唔好意思,我唔想見到認識嘅人煩!」

35歲麥貝夷(Karene)被「賤男」舊愛視為「炮友」伴侶,矛頭直指翟威廉。Karene跟男方拍拖年幾,男方唔認愛兼唱通街『其實一直係被佢(女方)纏擾住…』,麥貝夷hurt到終日喪喊要睇精神科醫生,及在社交網站發文割席,換嚟唔知內情嘅網民用粗口大罵Karene自作多情,麥貝夷接受本報訪問時情緒失控爆喊:「拍拖時佢好take care我,會照顧我感受,肯接受我要求戴避孕套㗎,我哋唔係炮友關係。」採訪:方騫平

舊愛賤男 ■之前麥貝夷喺IG限時動態爆男友出軌行為,誓言要割席,矛頭直指翟威廉。 © 由 頭條日報 提供 舊愛賤男 ■之前麥貝夷喺IG限時動態爆男友出軌行為,誓言要割席,矛頭直指翟威廉。

  受情傷兼遭連番打擊,麥貝夷傷心到要睇精神科醫生,靠藥物嚟穩定情緒。雖然Karene堅持唔開名亦不肯提供合照,但記者提到翟威廉名字她並冇否認,Karene接受訪問只為幫自己攞返個公道,她提到跟前度的相處模式,坦言兩人分過一次手之後翻撻,斷斷續續拍拖年半:「我哋係拍拖,唔係炮友關係,佢會同我食飯、睇戲,大家係有互動嘅,而我認知嘅『炮友』,只係得牀上運動,完事就冇下文。即使冇特定時間,但我好整潔,我會去佢屋企幫佢執拾,大概7至10日上去一次。(佢會唔會成日要求你留低陪佢?)咁次數唔算好密,因為我都有工作,唔係次次留低過夜,偶然有機會,可能情到濃時咪發生囉!」

隱藏女友 ■麥貝夷以前會跟翟威廉約會,又會一大班人一齊玩,雖然兩人傳過緋聞,但遭男方否認。 © 由 頭條日報 提供 隱藏女友 ■麥貝夷以前會跟翟威廉約會,又會一大班人一齊玩,雖然兩人傳過緋聞,但遭男方否認。

  承認自己好豬

獲紅顏撐 ■陳庭欣與翟威廉傳足十年緋聞,女方力撐翟威廉形象正面。 © 由 頭條日報 提供 獲紅顏撐 ■陳庭欣與翟威廉傳足十年緋聞,女方力撐翟威廉形象正面。

    Karene強調唔似一般女友咁黐身,她堅持各有空間:「我都35歲要專注事業,我好簡單開心就得,佢攰時我會同佢按摩,作為女友,佢做事我會支持佢。佢知我有過抑鬱症,都會幾take care我,我哋相處得幾開心,所以聽到唔止一個人同我講返,話佢周圍唱我纏擾佢,我真係好奇怪!原來咁叫纏擾。」除被前度唱纏住晒之外,Karene更發現對方有好多女,「我真係接受唔到,我真係好豬,呢件事對我好唔公平…」語畢,她忍不住爆喊,眼淚大滴大滴流下來:「我諗我運氣唔係好好,就算我幾努力都冇乜結果,其實我做錯啲咩啫?當日我公開個post,只不過為自己辯解,點解要畀網民插?不過,人哋傷害我,我唔會傷害返人,我唔想影響到佢事業,當我double豬好唔好!」

有啲料到 ■麥貝夷雖然唔係靚女但身材唔差,絕對有吸引力。 © 由 頭條日報 提供 有啲料到 ■麥貝夷雖然唔係靚女但身材唔差,絕對有吸引力。

  唔怕感染性病

生日贈興 ■麥貝夷送割席宣言畀「賤男」舊愛生日贈慶,咁啱當日係翟威廉的36歲生日。 © 由 頭條日報 提供 生日贈興 ■麥貝夷送割席宣言畀「賤男」舊愛生日贈慶,咁啱當日係翟威廉的36歲生日。

    對於陳庭欣為舊「兵仔」翟威廉講好話,指他一向形象正面,不過身邊就有好多女!對此,麥貝夷有口難言:「係呀…講得咁怪嘅?OK囉!翟威廉有佢私生活,每個人有佢選擇,其他人唔鍾意可以點?我本身都咁豬啦,何德何能去評論人?我只可以寫自己嘅故事。」既然前度咁濫交,問她怕唔怕被傳染性病?她即笑返:「我本身好安全,有安全措施呀!(你要求嘅?)梗係!女仔要保護自己。雖然我豬啫,但都有安全意識,我同佢講:『可唔可以(戴安全套)?』咁佢都願意配合去做…好彩咋,所以都安心!」

喜歡唱歌 ■麥貝夷好喜歡唱歌,本月仲會有live tour,她暫時做教育工作,無意自資出歌。

喜歡唱歌 ■麥貝夷好喜歡唱歌,本月仲會有live tour,她暫時做教育工作,無意自資出歌。
© 由 頭條日報 提供
image beaconimage beaconimage beacon