您使用的是較舊的瀏覽器版本。若要獲得最佳 MSN 體驗,請使用支援的版本

【頭條獨家】處男執導電影《不日成婚》 導演陳茂賢得衛詩雅相助圓夢

星島網即時新聞 標誌星島網即時新聞 26/3/2021
陳茂賢得到衛詩雅相助,終圓夢可處男執導電影《不日成婚》。 © 由 星島網即時新聞 提供 陳茂賢得到衛詩雅相助,終圓夢可處男執導電影《不日成婚》。

將於下月上映、由衛詩雅和陳家樂主演的愛情喜劇《不日成婚》,由編劇出身的陳茂賢處男執導,最初當馬經編輯的他,得王晶賞識親自指導下邊學邊做編劇,由亞視收視極佳的《情陷夜中環》,到13年賀歲片冠軍電影《百星酒店》都出自他手筆,不過他一直有個導演夢,今次終得到衛詩雅(Michelle)相助順利圓夢。撰文:杜淑霞 攝影:李維隆

  陳茂賢小時候夢想做馬評人,16、7歲跟恩師馬評人馬恩賜入行,後來加入王晶旗下的馬經當編輯,得晶哥賞識親自教他當編劇,但最初碰過不少釘,「好記得第一次寫TVB內地合拍劇《天下第一》,當時覺得寫咗幾好劇本,以為掂啦!仲唔係明日之星!點知交返嚟得返時、景、同人名,其他野都刪晒。」自此他認真學習,狂迷晶哥的手稿劇本,令他成為睇到明晶哥的字的其中一人。

  入行廿年,近年主力寫喜劇的陳茂賢,當中最難忘的作品,肯定是跟谷德昭導演合作電影《百星酒店》,「呢套戲雲集咗全香港所有做喜劇演員,Ronald(鄭中基)、(吳)君如、毛姐(毛舜筠),真係好難做到,連阿澤(杜汶澤)都一齊,客串有阿葛(葛民輝)、詹瑞文老師,佢哋亦都唔介意戲份多與少嚟玩,仲要飛嚟杭州,我覺得好神奇,亦都成績OK。」

  雖然做編劇好玩,但陳茂賢覺得做導演又是另一份滿足感,「做編劇始終要同個導演合作同溝通,佢會加咗佢嘅睇法,我想由零開始所有野都係我自己嘅,我想試一次。」最初他本來想拍懸疑片做導演處男作,但去各大公司賣橋不成,反被建議拍最拿手喜劇,最終由認識很久的衛詩雅促成他當導演機會,「佢成日見到我都會話拍吓我啦!我話返去諗吓就擺埋咗一邊,到部懸疑片各大公司唔接受,咁索性為Michelle度身訂造個戲,畀咗第一稿佢睇,佢朝早6點打畀我,佢第一句同我講『你黐線㗎!』晨早講啲咁野真係想打佢㗎!佢話個劇本好好喎!睇完瞓唔到好興奮,仲話拎番公司。」最終他再親自跟老闆楊受成賣橋成功,終圓了他的導演夢。

image beaconimage beaconimage beacon