您使用的是較舊的瀏覽器版本。若要獲得最佳 MSN 體驗,請使用支援的版本

【2021香港小姐】大熱陳聖瑜梁凱晴互笠高帽 陳懿德馬嘉希美好身段靠母親遺傳

流動新聞︱娛樂 標誌 流動新聞︱娛樂 3 天前 流動新聞

全城矚目之選美盛事《2021香港小姐競選》今年以「WE MISS HONG KONG」為大會口號,準決賽及決賽將於8月22日(星期日)及9月12日(星期日)隆重舉行。經過連串特訓及首輪淘汰,24位佳麗:陳聖瑜、陳懿德、姜嘉琳、陳詩帆、張嘉倩、戴佳敏、葉靖儀、關楓馨、劉珍寶、梁凱晴、梁菁琳、梁允瑜、盧淑儀、馬嘉希、宋宛穎、莫韻諰、伍韻婷、施茉莉、邵初、王嫿嫿、王嘉慧、楊培琳、余曉蕙及余詠童(排名依英文姓氏序),在今午假西貢WM Hotel舉行的記者會中,首度以泳裝亮相會見傳媒。現場所見,一眾佳麗身段勻稱,大熱門陳聖瑜(Yvette)與梁凱晴(Carina)狀態大勇,而較為健美豐滿的佳麗則為陳懿德(Rachel)及馬嘉希(Nichole Ma)。

Rachel與Nichole受訪時,笑言擁有美好身段全靠母親優良遺傳,二人不約而同表示,面試時被評判要求減肥,Rachel更因而在個半多月時間內減了14磅,意志力可嘉。Rachel說:「我主要係減鹽、減油、減糖、減澱粉、減調味,我本身又鍾意食嘢,所以都痛苦,但為咗比賽,都想盡最大努力。」她又指對現時體態感到滿意,故只要Keep弗而不會再刻意減肥:「依家係自己最弗嘅狀態,我覺得選美心態好重要,唔好盲目追求最瘦先係最靚。」

Nichole則指已按評判要求自然地減了兩、三磅,不過她並沒有刻意節食,只是靠做運動以達修身目標:「主要係做啲Cardio、boxing、HIIT咁,同埋控制番飲食,評判都話我係塊臉闊啲,但身型都ok的了。」同為身段美好代表佳麗的余詠童(Trixie),透露拍攝《We Miss Hong Kong STAY-cation晉級賽》期間磅數不減反增:「因為大會安排啲嘢食好好味,同埋入Camp時間緊逼做少咗運動。」

兩大熱門Yvette及Carina則笑言由於被看好關係,加上二人在晉級賽中被編排了在同一組,以致經常形影不離,感情因而與日俱增。Yvette指從Carina身上學會很多東西:「佢笑得好甜好靚,企喺佢隔籬都感受到佢嘅甜美,同埋佢好自律,呢樣我要學習。」至於Carina則「回禮」謂:「Yvette好靚,好識擺甫士影相;我又好欣賞佢好活潑、好鍾意講嘢,我自己份人就靜啲。」Yvette更謂很羨慕Carina小腹很扁平:「我呢段時間Camping少去咗好多廁所,個肚唔夠平。」Carina聞言即謙虛指自己身段未算完美:「有報道話我大隻,我好擔心架。所以都有做運動同食少啲,例如做sit up,都係想firm啲」

對於佳麗由28位減至24位,大會統籌經理何小慧接受媒體訪問時透露佳麗入營拍攝晉級賽至今,已根據「美貌」、「智慧」、「品德」、「素質」四大原則淘汰了4名佳麗,並謂之後再會有佳麗陸續被淘汰,但具體人數則會稍後才作公布。一共6集真人騷《We Miss Hong Kong STAY-cation晉級賽》將於8月9至11日(周一至三)及8月16至18日(周一至三)晚上10時30分於翡翠台播映。

TVB供圖

TVB供圖
© 由 流動新聞︱娛樂 提供

更多流動新聞 | 娛樂 的內容

流動新聞︱娛樂
流動新聞︱娛樂
image beaconimage beaconimage beacon