您使用的是較舊的瀏覽器版本。若要獲得最佳 MSN 體驗,請使用支援的版本

區子琳首拍MV化身太空人 緊張到唔識交戲

流動新聞 標誌 流動新聞 30/3/2021 流動新聞

樂壇新人區子琳(Paula)於新歌MV中化身勇闖外太空的太空人,首次拍攝MV的她坦言十分緊張,亦未能靠憑空想像,做出導演要求的表情動作。

區子琳於MV中化身太空人。 © 由 流動新聞︱娛樂 提供 區子琳於MV中化身太空人。
區子琳為新歌《怕甚麼》拍攝MV,她既緊張又好奇,她說:「雖然好早起身化妝整頭,但唔係特別眼瞓,反而係好緊張,因為好想知道究竟一陣會發生乜嘢事。」到正式拍攝時,導演要求Paula做一臉部表情,或者近鏡拍攝時,她不太懂得做導演要求,她說:「特別係喺綠幕前演戲,因為單靠導演描述就要做到需要嘅表情動作,更加係高難度,不過條片出嚟冇諗過可以咁奇幻,好像想唔到。」
雖然Paula謙虛道出自己的不足,但導演Pixel Ivan大讚Paula態度非常好,十分配合拍攝工作,更表示期待她之後的發展。而經過這次經驗後,Paula坦言日後要多學習如何運用臉部表情表達內心感受,讓聽眾可以更代入她的音樂世界。
新歌描述無懼困阻勇於嘗試的心態,為配合歌曲主題,導演Pixel Ivan解釋MV用太空探索作為骨幹,是一個關於成長嘅故事。:「喺朋友同學都選擇離開comfort zone嘅時候,Paula都出發去外太空,尋找令自己安心嘅地方,期間不停探索,不停嘗試,當中遇到好多挫折、失敗同迷惘,但Paula最後諗返自己嘅初衷,成為繼續勇闖嘅動力,到最後終於搵到一個適合自己嘅新地方。」他透露想做出復古,猶如電影《星球大戰》(Star Wars)般的特攝片畫面,最重要是要「夠型」,加上後期製作的塑造出的外太空畫面,令MV型格俱備,可看性甚高,就連Paula於現場見到船艙後,也不禁太讚道:「冇諗過船艙可以做到咁靚,入面啲掣、扶手全部可以郁動,Screen又可以着,就好似真係坐咗喺船艙入面,好得意。」

更多 流動新聞 內容

image beaconimage beaconimage beacon